ខេត្តព្រះសីហនុ ៖ លោកប៉ាន សូសក្ក័ រដ្ឋមន្ត្រីក្រសួងពាណិជ្ជកម្ម ចូលរួមលោកយន្ត មីនអភិបាលខេត្តព្រះសីហនុ អមដំណើរដោយមន្ត្រីពាក់ព័ន្ធអាជ្ញាធរមូលដ្ឋាននៅរសៀលថ្ងៃទី០៦ ខែធ្នូ ឆ្នាំ២០១៧ បានអញ្ជើញចូលរូមក្នុងពិធីដុតកម្ទេចចោលទឹកដោះគោ MODILAC EXPERT DOUCEA ចំនួន៦៣២កេះស្មើនឹង ៥៨៤កំប៉ុង (មិនមានភាពអនុលោម ហួសកាលបរិច្ឆេទប្រើប្រាស់) រូមនឹងភេជ្ជគ្រឿងកំប៉ុង នំកញ្ចប់ ដែលខូចគុណភាព ជាច្រើនមុខផ្សេងទៀតនៅទីលានចាក់សំរាមអូតាសេក ស្ថិតក្នុងឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
លោកម៉ាង ស៊ីណេត ប្រធានសាខាកាំកុងត្រូល ខេត្តព្រះសីហនុ បានបញ្ជាក់ប្រាប់ បណ្តាញសារព័ត៌មាននៅទីលានដុតកម្ទេចនោះថា ក្នុងការអនុវត្តកម្មវិធីត្រួតពិនិត្យទំនិញនាំចេញ -ចូលតាមបណ្តាមាត់ច្រក និងទំនិញចរាចរនៅលើទីផ្សារក្នុងកំឡុងពេល១១ខែ ដើមឆ្នាំ២០១៧នេះ សាខាកាំកុងត្រូលប្រចាំខេត្តព្រះសីហនុ បានធ្វើការរឹបអូសទំនិញនាំចូល-នាំចេញរូមមានទឹកដោះគោសំរាប់បំបៅកូនក្មេងម៉ាក MODILAC EXPERT DOUCEA 1 de 0 a 6 mois ចំនួន៦៣២កេសស្មើរ៧៥៨៤ កំប៉ុង (Exp date: 25/08/16)MODILAC EXPERT DOUCEA 2 de 6 mois a 1 anចំនួន៤៨២កេសស្មើរ៥៧៨៤កំប៉ុង (Exp date: 25/08/16)សរុប ១១១៤កេស ស្មើរ១៣៣៦៨កំប៉ុងស្មើរ៥៣៤៧គីឡូក្រាម រូមនឹងម្ហូបអាហារចម្រុះ (ភេសជ្ជៈ គ្រឿងឧបភោគបរិភោគ និងនំចម្រុះ) មានចំនួន៧១១គីឡូក្រាម ។
គ្រឿងសមុទ្រ បន្លែ ជ្រក់ ប្រហិត មានចំនួន១២២គីឡូក្រាម (យើងធ្វើការកម្ទេចចោលភ្លាមៗ ក្រោយធ្វើការដកហូត ព្រោះយើងមិនអាចទុកយូរបាន) សរុបបាន៨៣០គីឡូក្រាម ។ បរិមាណសរុបដែលយើងធ្វើការដុតកម្ទេចទំនិញខូចគុណភាពនៅក្នុងថ្ងៃនេះមានចំនួន២០៨០គីឡូក្រាម ៕
ចែករំលែកព័តមាននេះ