ខេត្តព្រះសីហនុ ៖ តំបន់កសិកម្មធ្វើស្រែក្នុងស្រុកព្រៃនប់មានផ្ទៃដីស្រែមួយចំនួនត្រូវបានទឹកប្រៃបានហូរចូលស្រែមិនទាន់ច្រូតកាត់ ដោយសារតែទឹកសមុទ្រជោរខ្លាំងតាមតំបន់ដែលប្រព័ន្ធទំនប់ការពារទឹកប្រៃទាបត្រង់ចំណុចកូនកុកប្រមាណជាជិត២០០ម៉ែត្រ ស្ថិតក្នុងប៉ុលឌែ២ ក្នុងឃុំអូឧកញ្ញ៉ាហេង ស្រុកព្រៃនប់ ប៉ុន្តែមិនទាន់មានផលបះពាល់ធ្ងន់ធរទេស្របពេលដែលលោកអភិបាលខេត្តបានចុះពិនិត្យផ្ទាល់ ។
ជុំវិញករណីនេះរដ្ឋបាលខេត្ត ស្រុក និងមន្ត្រីជំនាញផ្សេងៗមានខាងធនធានទឹក និងកសិកម្មជាដើមបានចុះទៅកាន់តំបន់ទំនប់ការពារទឹកប្រៃដើម្បីតាមដានពិនិត្យស្ថានភាពនេះជាប្រចាំ និងដោះស្រាយករណីបន្ទាន់ចាក់ដីទប់ជួយបង្កាទប់ស្កាត់ពេលទឹកជោរខ្លាំងកុំឱ្យហូរហៀរលើខ្នងទំនប់បន្ថែមចូលទៅក្នុងស្រែស្របពេលដែលស្រូវកំពុងជិតទទួលផល ។ ទំនប់ប៉ុលឌែមានប្រវែងជិត៩០គីឡូម៉ែត្រគ្របដណ្តប់កាពារដីស្រែជិត១០៥០០ហិតាឆ្លងកាត់១១ឃុំក្នុងក្នុងចំណោម១៥ឃុំក្នុងស្រុកព្រៃនប់ ក្នុងនោះមានទ្វាទឹកជិត៤០ ។
សូមបញ្ចាក់ថា ទឹកសមទ្របានចាប់ផ្តើមជោរឡើងខ្លាំងកាលពីព្រឹកថ្ងៃទី៦ ខែធ្នូ ឆ្នាំ២០១៧ ធ្វើឱ្យតំបន់ឆ្នេរខ្សាច់ដូចជានៅឆ្នេរអូរឈើទាលក្នុងក្រុងព្រះសីហនុជាដើមទឹកសមុទ្រជោរហូរឡើងដល់កន្លែងដែលអាជីវករដាក់តុលក់ដូរ ប៉ុន្តែអ្នកជំនាញពន្យល់ថា ជាស្ថានភាពធម្មជាតិតាមរដូវកាលធម្មតា មិនមែនជាបាតុភូតអ្វីឡើយ ៕
ចែករំលែកព័តមាននេះ