ស្លា.ប់ជាច្រើននាក់ក្នុងការវាយប្រហារប្រឆាំងពួកអ្នកគាំទ្រប្រធានាធិបតី
ប្រទេសអាហ្វនីស្ថាន ៖ អ្នកនាំពាក្យប៉ូលិសខេត្តណាន់ហ្គាហារ លោក HAZRAT HUSSAIN MASHRIQIWAL គូសបញ្ជាក់ប្រាប់ AFP ថា…
ប្រទេសអាហ្វនីស្ថាន ៖ អ្នកនាំពាក្យប៉ូលិសខេត្តណាន់ហ្គាហារ លោក HAZRAT HUSSAIN MASHRIQIWAL គូសបញ្ជាក់ប្រាប់ AFP ថា មនុស្សយ៉ាងតិច៦នាក់ស្លាប់កាលពីថ្ងៃទី៣ ធ្នូ ក្នុងការវាយប្រហារអត្តឃាតមួយសំដៅលើការប្រមូលផ្តុំមនុស្សមួយជួយគាំទ្រដល់ប្រធានាធិបតីអាហ្វហ្គានីស្ថាននៅទីក្រុងហ្សាឡាឡាបាដភាគខាងកើតប្រទេស ។
អ្នកនាំពាក្យរូបនេះបន្តថា ជនអត្តឃាតដែលជិះម៉ូតូបានធ្វើឱ្យផ្ទុះចំកណ្តាលការប្រមូលផ្តុំមនុស្សក្នុងទីក្រុងហ្សាឡាឡាបាដ បណ្តាលឱ្យមនុស្សស្លាប់៦នាក់ ហើយមនុស្ស១៣នាក់ទៀតរងរបួស ។ នេះជាការប្រមូលផ្តុំមនុស្សសម្តែងការគាំទ្រចំពោះប្រធានាធិបតីអាហ្វហ្គានីស្ថានលោក ASHRAF GHANI ។
ខេត្តណាន់ហ្គាហារ ជាខេត្តមួយនៅជាប់ព្រំដែនជាមួយប៉ាគីស្ថាន ហើយរងសម្ពាធទាំងសកម្មភាពរបស់ពួកតាលីបង់ទាំងសកម្មភាពរបស់ក្រុមរដ្ឋអ៊ិស្លាមដែលមានមូលដ្ឋានសំខាន់ៗនៅអាហ្វហ្គានីស្ថាន ៕
ចែករំលែកព័តមាននេះ