រាជធានីភ្នំពេញ ៖ ជនសង្ស័យប្រុសស្រី១៤នាក់ ត្រូវបានកម្លាំងនគរបាលខណ្ឌជ្រោយចង្វារឃាត់ខ្លួនជាបន្តបន្ទាប់នៅក្នុងប្រតិបត្តិការបង្ក្រាបគ្រឿងញៀនកាលពីរសៀលថ្ងៃទី៣០ ខែវិឆ្ឆិកា នៅបន្ទប់ជួលខាងក្រោយវត្តប្រជុំសាគរ ហៅវត្តថ្មី ស្ថិតក្នុងភូមិ១ សង្កាត់ជ្រោយចង្វារ ខណ្ឌជ្រោចង្វារ…
រាជធានីភ្នំពេញ ៖ ជនសង្ស័យប្រុសស្រី១៤នាក់ ត្រូវបានកម្លាំងនគរបាលខណ្ឌជ្រោយចង្វារឃាត់ខ្លួនជាបន្តបន្ទាប់នៅក្នុងប្រតិបត្តិការបង្ក្រាបគ្រឿងញៀនកាលពីរសៀលថ្ងៃទី៣០ ខែវិឆ្ឆិកា នៅបន្ទប់ជួលខាងក្រោយវត្តប្រជុំសាគរ ហៅវត្តថ្មី ស្ថិតក្នុងភូមិ១ សង្កាត់ជ្រោយចង្វារ ខណ្ឌជ្រោចង្វារ ។
នៅក្នុងប្រតិបត្តិការនេះសមត្ថកិច្ចដកហូតបានថ្នាំញៀនក្រាមថ្លាប្រភេទម៉ាទឹកកកចំនួន២៨កញ្ចប់ដែលក្នុងនោះមាន២៥កញ្ចប់តូច និង៣កញ្ចប់ធំល្មម ព្រមទាំងសម្ភារសម្រាប់ប្រើប្រាស់មួយចំនួន ។
នគរបាលបានឲ្យដឹងថា ដោយមានការស្រាវជ្រាវកម្លាំងនគរបាលពីតំបនស្មុគស្មាញសមត្ថកិច្ចក៏ឈានទៅចុះឆែកឆេរផ្ទះជួល រកឃើញគ្រឿងញៀនចំនួន២៨កញ្ចប់ ហើយឃាត់ខ្លួនជនសង្ស័យចំនួន១៤នាក់ ក្នុងនោះមានស្ត្រីម្នាក់កំពុងតែចែកចាយ និងប្រើប្រាស់គ្រឿងញៀន ។
មន្ត្រីនគរបាលឲ្យដឹងទៀតថា ជនសង្ស័យជាមុខសញ្ញាចែកចាយគ្រឿងញៀនយ៉ាងសកម្មនិងប្រើប្រាស់គ្រឿងញៀន ។ បន្ទាប់ពីឃាត់ខ្លួនបញ្ជូនទៅកាន់អធិការដ្ឋាននគរបាល ធ្វើតេស្តទឹកនោម ជនសង្ស័យចំនួន១១នាក់ មានផ្ទុកសារធាតុញៀន ។ ចំនែក៣នាក់ទៀតគ្មានសារធាតុញៀននគរបាលបានដោះលែងវិញ ។
នគរបាលខណ្ឌជ្រោយចង្វារបានអំពាវនាវឲ្យប្រជាពលរដ្ឋក្នុងមូលដ្ឋាន ជួយចូលរួមសហការណ៍ និងផ្តល់ព័ត៌មាន ហើយរាយការឲ្យសមត្ថកិច្ចអាជ្ញាធរ ដើម្បីមានវិធានការណ៍ទប់ស្កាត់ឲ្យបានទាន់ពេល ៕
ចែករំលែកព័តមាននេះ