ខេត្តបន្ទាយមានជ័យ ៖ គិតមកដល់ខែតុលា ឆ្នាំ២០១៧នេះ មានការដ្ឋានសម្ភារសំណង់ចំនួន៧ការដ្ឋាន ក្នុងនោះការរដ្ឋានចំនួន៦កំពុងដំណើរការ និងដកអាជ្ញាប័ណ្ណ១។ ដោយឡែក ការដ្ឋានដីក្រហមមាន៤ ដែលមានអាជ្ញាប័ណ្ណចេញពីក្រសួង…
ខេត្តបន្ទាយមានជ័យ ៖ គិតមកដល់ខែតុលា ឆ្នាំ២០១៧នេះ មានការដ្ឋានសម្ភារសំណង់ចំនួន៧ការដ្ឋាន ក្នុងនោះការរដ្ឋានចំនួន៦កំពុងដំណើរការ និងដកអាជ្ញាប័ណ្ណ១។ ដោយឡែក ការដ្ឋានដីក្រហមមាន៤ ដែលមានអាជ្ញាប័ណ្ណចេញពីក្រសួង ក្នុងនោះកំពុងដំណើរការ៣ និងមិនដំណើរការ១ ។ នេះយោងតាមរបាយការណ៍ពីមន្ទីររ៉ែ និងថាមពលខេត្ត ។
ចំណែកសិប្បកម្មធនធានរ៉ែ១១កន្លែង ក្នុងនោះ១០កន្លែងមានអាជ្ញាប័ណ្ណពីមន្ទីរ និង១កន្លែងទៀតមានអាជ្ញាប័ណ្ណពីក្រសួង កំពុងតែដំណើរការក្នុងខេត្តបន្ទាយមានជ័យ ។
គិតរហូតមកដល់ពេលនេះ នៅទូទាំងខេត្តមានការដ្ឋានជីហ្វូសស្វាត១កំពុងដំណើរការ, ការដ្ឋានដីក្រហម៤, ការដ្ឋានអាចម៍ដី៤ និងការដ្ឋានថ្មអារ២ ដែលផ្តល់អាជ្ញាប័ណ្ណដោយក្រសួងរ៉ែ និងថាមពល ។
សូមបញ្ជាក់ថា នៅខេត្តបន្ទាយមានជ័យមានភ្នំមួយចំនួនកំពុងរងការបំផ្លិចបំផ្លាញ ដោយសារការដាក់ការដ្ឋានម៉ាស៊ីនកិនថ្មកាយគាស់យកថ្មលក់ ដែលធ្វើឲ្យបាត់បង់ភ្នំធម្មជាតិ ។
ក្រសួងគួរតែមានចំណាត់ការណាមួយ ដើម្បីការពារភ្នំធម្មជាតិទាំងនោះសម្រាប់ធ្វើជាតំបន់ទេសចរណ៍ទាក់ទាញភ្ញៀវជាតិ-អន្តរជាតិមកកម្សាន្តនាពេលអនាគត ៕
ចែករំលែកព័តមាននេះ