សហរដ្ឋអាមេរិក ៖ ប៉ូលិសមូលដ្ឋានអះអាងថា បុរសម្នាក់ត្រូវគេចាក់ដល់ទៅជាង១០០កាំបិត ។ សមាជិកច្រើននាក់របស់ជនខិលខូចសាហាវបំផុតក្រុម MS-13 មានដើមកំណើតសាល់វ៉ាឌ័រ បានសម្លាប់បុរសនេះយ៉ាងសាហាវបំផុតនៅជាយក្រុងវ៉ាស៊ីនតោន។ យោងតាមសារព័ត៌មានតំបន់…
សហរដ្ឋអាមេរិក ៖ ប៉ូលិសមូលដ្ឋានអះអាងថា បុរសម្នាក់ត្រូវគេចាក់ដល់ទៅជាង១០០កាំបិត ។ សមាជិកច្រើននាក់របស់ជនខិលខូចសាហាវបំផុតក្រុម MS-13 មានដើមកំណើតសាល់វ៉ាឌ័រ បានសម្លាប់បុរសនេះយ៉ាងសាហាវបំផុតនៅជាយក្រុងវ៉ាស៊ីនតោន។
យោងតាមសារព័ត៌មានតំបន់ MONTGOMERY COMMUNITY MEDIA ដែលតាមដានសំណុំរឿងសម្លាប់មនុស្សយ៉ាងសាហាវនេះថា សាកសពជនរងគ្រោះត្រូវបានរកឃើញកាលពីថ្ងៃទី៥ កញ្ញា កន្លងមកនេះ ក្នុងផ្នូរមួយជីកនៅឯឧទ្យានតំបន់ WHEATON រដ្ឋម៉ារីឡែន ។ ជនរងគ្រោះត្រូវកាត់ក្បាល ហើយបេះដូងរបស់គេត្រូវខ្វេះយកចេញ ហើយបោះចោលលើផ្នូរ ។
ប៉ូលិសតំបន់ MONTGROMERY ជិតរដ្ឋធានីអាមេរិកនិយាយកាលពីថ្ងៃទី២១ វិច្ឆិកា ថា ក្នុងពេលស្រាវជ្រាវ ពួកអ្នកស៊ើបអង្កេតទទួលបានព័ត៌មានថា ការធ្វើឃាតមនុស្សនេះប្រព្រឹត្តដោយបណ្តាសមាជិកក្រុមជនខិលខូចតាមដងវិថីក្រុម MS-13 ដែលមានជនឈ្មោះ LOPEZ ABREGO ស្ថិតក្នុងក្រុមនេះដែរ ។
ជនឈ្មោះ MIGUEL ANGEL LOPEZ ABREGO នេះជាសមាជិកម្នាក់ក្នុងចំណោមសមាជិកក្រុមជនខិលខូចធ្លាប់សម្លាប់មនុស្សម្នាក់រួចមកហើយ ។ រូបគេត្រូវចាប់ខ្លួនពីបទសម្លាប់មនុស្ស ហើយត្រូវបានតុលាការតំបន់ MONTGOMERY បញ្ជូនទៅឃុំឃាំងកាលពីថ្ងៃទី២២ វិច្ឆិកា គ្មានលទ្ធភាពដោះលែងវិញឡើយ ។
ក្រុម MS-13 ជាអក្សរកាត់នៃក្រុម MARA SALVATRUCHA (ក្រុមជនខិលខូចសាល់វ៉ាឌ័រ) ជាក្រុមសាហាវបំផុតមួយក្នុងចំណោមក្រុមជនខិលខូចសាហាវទាំងឡាយនៅសហរដ្ឋអាមេរិក ។ ក្រុមនេះបង្កើតឡើងតាំងតែពីទសវត្សឆ្នាំ១៩៨០មក ដើម្បីការពារពួកអន្តោប្រវេសន៍ជនជាតិសាល់វ៉ាឌ័រ ទប់ទល់នឹងបណ្តាក្រុមប្រជែងនៅក្រុងឡូសអេនចឺឡេស មុនពេលពង្រីកទៅអាមេរិកកណ្តាល ៕
ចែករំលែកព័តមាននេះ