ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ បន្ទាប់ពីជួបគ្រោះថ្នាក់ចរាចរណ៍រវាងម៉ូតូពីរគ្រឿងបុកគ្នាក្នុងទិសដៅស្របគ្នា ។ ហេតុការណ៍គ្រោះចរាចរនេះកើតឡើងនៅវេលាម៉ោង០៥និង៣០នាទីព្រឹក ថ្ងៃទី២០ ខែវិច្ឆិកា ឆ្នាំ២០១៧ នៅលើផ្លូវជាតិលេខ៣…
ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ បន្ទាប់ពីជួបគ្រោះថ្នាក់ចរាចរណ៍រវាងម៉ូតូពីរគ្រឿងបុកគ្នាក្នុងទិសដៅស្របគ្នា ។ ហេតុការណ៍គ្រោះចរាចរនេះកើតឡើងនៅវេលាម៉ោង០៥និង៣០នាទីព្រឹក ថ្ងៃទី២០ ខែវិច្ឆិកា ឆ្នាំ២០១៧ នៅលើផ្លូវជាតិលេខ៣ ចន្លោះបង្គោលគីឡូម៉ែត្រលេខ ៤៨-៤៩ ស្ថិតក្នុងភូមិច្បារមន ឃុំកុមារាជា ស្រុកបាទី ខេត្តតាកែវ ។
តាមការឲ្យដឹងពីសមត្ថកិច្ចស្រុកបាទី បានប្រាប់ថា ករណីខាងលើកើតឡើងរវាងម៉ូតូ និងម៉ូតូបុកគ្នាក្នុងទិសដៅស្របគ្នា និងបានបណ្ដាលឱ្យបុរសម្នាក់ស្លាប់ភ្លាមៗនៅនឹងកន្លែងកើតហេតុ ។
សមត្ថកិច្ចបន្តថា ជនរងគ្រោះដែលស្លាប់មានឈ្មោះ រស់ ឆន ភេទប្រុស អាយុ៤៧ឆ្នាំ មានទីលំនៅភូមិក្បាលរមាស ឃុំមហាឬស្សី ស្រុកគងពិសី ខេត្តកំពង់ស្ពឺ ។ ជនរងគ្រោះដែលស្លាប់ជិះម៉ូតូម៉ាកស៊ុយស៊ូគីលែត ពណ៌ស គ្មានផ្លាកលេខ បើកបរមកពីទិសខាងត្បូងទៅជើង លុះដល់ចំណុចកើតហេតុ បានបុកជាមួយម៉ូតូមួយគ្រឿងទៀតម៉ាកហុងដាសេ១២៥ ស៊េរីឆ្នាំ២០១០ ពាក់ស្លាកលេខ ភ្នំពេញ ១AQ-១៧៣៨ អ្នកបើកបររត់គេចខ្លួនបាត់ និងបានបន្សល់ទុកម៉ូតូនៅកន្លែងកើតហេតុ ។
ក្រោយកើតហេតុ កម្លាំងជំនាញស្រុកបាទី បានចុះដល់កន្លែងធ្វើកំណត់ហេតុ និងដកហូតវត្ថុតាងពាក់ព័ន្ធយកមករក្សាទុកនៅអធិការដ្ឋាននគរបាលស្រុកបាទី ដើម្បីកសាងសំណុំរឿងតាមនីតិវិធី ចំណែកសពជនរងគ្រោះដែលស្លាប់បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ