ប្រទេសចិន-ប្រទេសកូរ៉េខាងជើង ៖ ប្រទេសចិនអះអាងជាថ្មីកាលពីថ្ងៃទី១៦ វិច្ឆិកា ថា «ការផ្អាក២» គឺជាដំណោះស្រាយដ៏ប្រសើរដើម្បីចាកចេញពីវិបត្តិជាមួយកូរ៉េខាងជើង ។ ចិនក៏ដូចរុស្ស៊ីដែរបានស្នើឱ្យសហរដ្ឋអាេមរិក និងកូរ៉េខាងត្បូងបញ្ឈប់សមយុទ្ធយោធារួមធំៗរបស់ពួកគេជាថ្នូរគ្នានឹងការបញ្ឈប់កម្មវិធីអាវុធ…
ប្រទេសចិន-ប្រទេសកូរ៉េខាងជើង ៖ ប្រទេសចិនអះអាងជាថ្មីកាលពីថ្ងៃទី១៦ វិច្ឆិកា ថា «ការផ្អាក២» គឺជាដំណោះស្រាយដ៏ប្រសើរដើម្បីចាកចេញពីវិបត្តិជាមួយកូរ៉េខាងជើង ។
ចិនក៏ដូចរុស្ស៊ីដែរបានស្នើឱ្យសហរដ្ឋអាេមរិក និងកូរ៉េខាងត្បូងបញ្ឈប់សមយុទ្ធយោធារួមធំៗរបស់ពួកគេជាថ្នូរគ្នានឹងការបញ្ឈប់កម្មវិធីអាវុធ នុយក្លេអ៊ែរ និងបាលីស្ទិករបស់កូរ៉េខាងជើង ។
ពេលវិលត្រឡប់ពីដំណើរទស្សនកិច្ចរបស់លោកនៅអាស៊ី ប្រធានាធិបតីអាមេរិកលោកដូណាល់ ត្រាំ អះអាងថា សមភាគីចិន លោកស៊ី ជីនពីង និងរូបលោកបានបដិសេធកិច្ចព្រមព្រៀងផ្អាកទៅវិញទៅមកបណ្តាសកម្មភាព ។ គំនិតផ្អាកទៅវិញទៅមកនេះ ឥឡូវត្រូវបានក្រុងប៉េកាំងហៅ «ការផ្អាក២» ហើយលើកឡើងដោយរដ្ឋមន្ត្រីការបរទេសចិនកាលពីខែមីនា ។
ពេលសួរពីការបកស្រាយរបស់ចិនចំពោះការអះអាងរបស់លោកត្រាំ លើការព្រមព្រៀងនេះរវាងលោក និងលោកស៊ី ជីនពីង ទាក់ទិនបញ្ហាកូរ៉េខាងជើង អ្នកនាំពាក្យក្រសួងការបរទេសចិន លោក GENG SHUANG អះអាងថា មានតែការពិភាក្សាគ្នាដោយស៊ីជម្រៅដែលអាចឆ្លើយតបចំពោះការព្រួយបារម្ភរបស់គ្រប់ភាគី និងទើបអាចចាកចេញពីវិបត្តិដោយសន្តិវិធី ។
ក្នុងសន្និសីទសារព័ត៌មានមួយ លោក GENG SHUANG ថ្លែងថា យើងយល់ថា ការផ្អាក២នេះជាសំណើសមហេតុផលបំផុតស្មើភាពបំផុត និងប្រកបដោយគតិបណ្ឌិតបំផុតក្នុងស្ថានភាពបច្ចុប្បន្ន ។ មានតែបែបនេះទេ ទើបអាចសម្រាលភាពតានតឹងបច្ចុប្បន្ន ក៏ប៉ុន្តែអាចឆ្លើយតបផងដែរ ចំពោះការព្រួយបារម្ភខាងសន្តិសុខសម្រាប់គ្រប់ភាគី ។
បេសកជនពិសេសម្នាក់របស់ចិនបានចេញទៅកាន់ក្រុងព្យុងយ៉ាងហើយនាថ្ងៃទី១៧ វិច្ឆិកា ។
ទីភ្នាក់ងារស៊ើបការណ៍ជាតិកូរ៉េខាងត្បូង NIS វាយតម្លៃកាលពីថ្ងៃទី១៦ វិច្ឆិកា ថា គម្រោងអភិវឌ្ឍន៍មីស៊ីលបាលីស្ទិករំលងទ្វីប ICBM របស់កូរ៉េខាងជើងនៅពុំទាន់បង្ហើយនៅឡើយទេ គឺជួបប្រទះការកម្រិតនានាក្នុងដំណាក់កាលចុងក្រោយ ៕
ចែករំលែកព័តមាននេះ