ខេត្តកណ្តាល ៖ រសៀលថ្ងៃទី២៥ តុលា ចៅក្រមស៊ើបសួរសាលាដំបូងខេត្ត លោកលឹម សុគន្ថា បានប្រកាសសាលក្រមផ្តន្ទាទោសស្ត្រីជនជាតិចិនជាមេការរោងចក្រកាត់ដេរញូវអាកឃីត ឈ្មោះលាវ គុយស៊ាង អាយុ៥០ឆ្នាំ ឱ្យជាប់ពន្ធនាគាររយៈពេល៣ខែ និងពិន័យជាប្រាក់ចំនួន២លានរៀល ប៉ុន្តែទោសរយៈពេល៣ខែត្រូវបានព្យួរទាំងស្រុង ។
ខេត្តកណ្តាល ៖ រសៀលថ្ងៃទី២៥ តុលា ចៅក្រមស៊ើបសួរសាលាដំបូងខេត្ត លោកលឹម សុគន្ថា បានប្រកាសសាលក្រមផ្តន្ទាទោសស្ត្រីជនជាតិចិនជាមេការរោងចក្រកាត់ដេរញូវអាកឃីត ឈ្មោះលាវ គុយស៊ាង អាយុ៥០ឆ្នាំ ឱ្យជាប់ពន្ធនាគាររយៈពេល៣ខែ និងពិន័យជាប្រាក់ចំនួន២លានរៀល ប៉ុន្តែទោសរយៈពេល៣ខែត្រូវបានព្យួរទាំងស្រុង ។
ការប្រកាសសាលក្រមនេះបានធ្វើឡើងជាសាធារណៈនៅចំពោះមុខជនជាប់ចោទឈ្មោះលាវ គុយសា៊ង និងជនរងគ្រោះរួមទាំងសាក្សី៣នាក់ទៀតដោយមានអ្នកយកព័ត៌មានជាតិ អន្តរជាតិផងដែរ ។ ជនសង្ស័យឈ្មោះលាវ គុយស៊ាង ត្រូវបានព្រះរាជអាជ្ញារង លោកស្រី ស៊ុន សុខាលីដា ចោទប្រកាន់ពីបទធ្វើឱ្យខូចខាតដោយចេតនាតាមមាត្រា៤១០នៃក្រមព្រហ្មទណ្ឌ ដែលជនសង្ស័យបានប្រព្រឹត្តកាលពីព្រឹកថ្ងៃទី២៣ តុលា នៅក្នុងរោងចក្រកាត់ដេរញូវអាកឃីតដែលមានទីតាំងនៅភូមិត្រពាំងភូមិ ឃុំពើក ស្រុកអង្គស្នួល។
លោកលឹម សុគន្ថា បានប្រកាសសាលក្រមលេខ៥៨ល ចុះថ្ងៃទី២៥ តុលា ២០១២ ផ្តន្ទាទោសជនជាប់ចោទឈ្មោះលាវ គុយស៊ាង ភេទស្រី អាយុ៥០ឆ្នាំ ជនជាតិចិន ជាមេការ នៅរោងចក្រញូវអាកឃីត ឱ្យជាប់ពន្ធនាគាររយៈពេល៣ខែ និងពិន័យជាប្រាក់ចំនួន២លានរៀល ប៉ុន្តែទោសត្រូវព្យួរទាំងស្រុង គឺដោយយោងទៅតាមមាត្រាមួយចំនួន និងយោងទៅ លើសំណូមពរពីតំណាងកម្មកររោងចក្រជាង១០០នាក់ និងដើមបណ្តឹងសូមឱ្យមានការដោះលែង ព្រោះជនសង្ស័យមិនមានចេតនាប្រមាថព្រះចេស្តាព្រះមហាវីរក្សត្រឡើយ ដោយមិនដឹងថា ក្នុងក្រដាសនោះមានរូបព្រះភក្ត្រព្រះមហាវីរក្សត្រ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ