ប្រទេសសូម៉ាលី ៖ ប៉ូលិសរាយការណ៍ថា មនុស្សយ៉ាងតិច២៥នាក់ស្លាប់ ហើយ៣០នាក់ទៀតរងរបួស ដោយសារការវាយប្រហារបំផ្ទុះរថយន្តមួយនៅមុខសណ្ឋាគារ NASAHABLOD-2 កាលពីថ្ងៃទី២៨ តុលា នៅទីក្រុងម៉ូហ្គាឌីស្យូ…
ប្រទេសសូម៉ាលី ៖ ប៉ូលិសរាយការណ៍ថា មនុស្សយ៉ាងតិច២៥នាក់ស្លាប់ ហើយ៣០នាក់ទៀតរងរបួស ដោយសារការវាយប្រហារបំផ្ទុះរថយន្តមួយនៅមុខសណ្ឋាគារ NASAHABLOD-2 កាលពីថ្ងៃទី២៨ តុលា នៅទីក្រុងម៉ូហ្គាឌីស្យូ រដ្ឋធានីសូម៉ាលី ។
យោងតាមប៉ូលិសក្រុងថា មនុស្ស៣០នាក់ ក្នុងនោះមានរដ្ឋមន្ត្រី១រូបផង ត្រូវបានជួយសង្គ្រោះ រួចការបាញ់តតាំងគ្នានៅបន្តរវាងពួកជ្រុលនិយម និងកងកម្លាំងសន្តិសុខ ។
ពួកឧទ្ទាមអ៊ិស្លាមនិយមក្រុម SHEBAB ប្រកាសទទួលខុសត្រូវលើការវាយប្រហារនេះ ហើយនិយាយថា ពួកយុទ្ធជនរបស់គេស្ថិតនៅខាងក្នុងសណ្ឋាគារ ។
ការវាយប្រហារនេះកើតមានតែ២សប្តាហ៍ប៉ុណ្ណោះក្រោយការវាយប្រហារប្រើរថយន្តកាំមីញ៉ុងផ្ទុកគ្រឿងផ្ទុះមួយ ដែលបណ្តាលឱ្យមនុស្សស្លាប់ដល់ទៅ៣៥០នាក់ នៅតាមមហាវិថីមានមនុស្សកកកុញមួយនៃរដ្ឋធានីម៉ូហ្គាឌីស្យូ ។
សាក្សីម្នាក់គូសបញ្ជាក់ថា ការផ្ទុះទី២មួយទៀតកើតមានពេលថយន្តកាំមីញ៉ុងមួយគ្រឿងប៉ុនប៉ងរុញរថយន្តមួយរាំងខ្ទប់ផ្លូវ ដើម្បីកុំឱ្យពួកអ្នកជួយសង្គ្រោះចូលទៅបានឆាប់ក្នុងកន្លែងវាយប្រហារ ដែលកើតមានខណៈបណ្តាមេដឹកនាំសូម៉ាលីកំពុងរួមប្រជុំនៅក្រុងម៉ូហ្គាឌីស្យូ ដែលមានកិច្ចការពារសន្តិសុខយ៉ាងតឹងតែង ៕
ចែករំលែកព័តមាននេះ