សហរដ្ឋអាមេរិក ៖ ព្រឹទ្ធសមាជិកគណបក្សសាធារណរដ្ឋ២រូប កាលពីថ្ងៃទី២៤ តុលា បានបរិហារយ៉ាងចាស់ដៃចំពោះប្រធានាធិបតីលោកដូណាល់ ត្រាំ ដោយរិះគន់ថា លោកត្រាំ ជាប្រធានាធិបតីគ្រោះថ្នាក់មួយរូបសម្រាប់លទ្ធិប្រជាធិបតេយ្យ ហើយជាមនុស្សដែលប្រឆាំងនឹងការពិតទាំងឡាយ ។
តាម TWITTER លោក BOB CORKER ប្រធានគណៈកម្មការកិច្ចការបរទេសរបស់ព្រឹទ្ធសភារយៈពេលប៉ុន្មានសប្តាហ៍ចុងក្រោយនេះ ក្លាយជាព្រឹទ្ធសមាជិកមួយរូបក្នុងចំណោមព្រឹទ្ធសមាជិកនៃគណបក្សសាធារណរដ្ឋដែលរិះគន់ខ្លាំងចំពោះប្រមុខសេតវិមាន ។ ចំណែកឯព្រឹទ្ធសមាជិករដ្ឋអារីហ្សូណា លោក JEFF FLAKE ប្រកាសគួរឱ្យភ្ញាក់ផ្អើលថា លោកនឹងមិនឈរឈ្មោះជាបេក្ខជនសម្រាប់បន្តអាណត្តិថ្មីឡើយ ក្នុងការបោះឆ្នោតសភានាខែវិច្ឆិកា ឆ្នាំ២០១៨ ដោយលើកហេតុផលពីការដកខ្លួនថយនេះថាមកពីនយោបាយមិនល្អ ក្រោមសករាជលោកត្រាំ ។
ដោយបដិសេធថា លោកពុំមែនជាអ្នករួមគំនិតប្រឆាំង លោក JEFF FLAKE រៀបរាប់ថា ហេតុអីក៏ប្រធានាធិបតីមានគ្រោះថ្នាក់បែបនេះសម្រាប់លទ្ធិប្រជាធិបតេយ្យ ។ លោកបន្តថា មានអារម្មណ៍មិនទៀងទាត់ មើលស្រាលការពិត បង្កហេតុមិនទំនងនានា ហើយក៏៏ដោយសារហេតុផលផ្ទាល់ខ្លួន លោកត្រាំ មានសតិពុំធម្មតាឡើយ ។
ចំណែកព្រឹទ្ធសមាជិករដ្ឋតេននីស៊ី លោក BOB CORKER ក៏ពុំសំចៃមាត់ដែរ ក្រោយការសម្រេចចិត្តនាពេលថ្មីៗនេះថាពុំប្រជែងយកអាណត្តិថ្មី ។ ផ្ទុយពីលោក FLAKE លោកធ្លាប់ជាអ្នកគាំទ្រលោកត្រាំ ពេលធ្វើយុទ្ធនាការឃោសនាបោះឆ្នោតប្រធានាធិបតី ។
តាមបណ្តាញសង្គម លោករិះគន់លោកត្រាំ ថា ប្រឆាំងចំពោះការពិតបែបនេះប្រធានាធិបតីមួយរូបពុំគួរទទួលការជឿទុកចិត្តឡើយ ៕
ចែករំលែកព័តមាននេះ