ប្រទេសម៉ាឡេស៊ី ៖ អាជ្ញាធររាយការណ៍កាលពីថ្ងៃទី២២ តុលា ថា មនុស្ស១១នាក់ ពិសេសពលករអន្តោប្រវេសន៍បានត្រូវស្លាប់កាលពីថ្ងៃទី២១ តុលា ដោយសារការបាក់ដីសង្កត់លើការដ្ឋានមួយនៅកោះទេសចរណ៍ PENANG ម៉ាឡេស៊ី ។ គ្រោះថ្នាក់នេះញ៉ាំងឱ្យប្រជាជនមូលដ្ឋានផ្ទុះកំហឹង ។
តុល្យការដំបូងរៀបរាប់ពីមនុស្សស្លាប់២នាក់ ហើយមនុស្ស១២នាក់បាត់ខ្លួនក្នុងចំណោមកម្មករដែលធ្វើការនៅក្នុងការដ្ឋាននេះនាតំបន់ TANJUNG BUNGAH ភាគខាងជើងកោះ PENANG ក្រោយការបាក់ដីពីចង្កេះកូនភ្នំមួយសង្កត់លើការដ្ឋានសាងសង់ផ្ទះ ដែលទាក់ទាញពួកអ្នកទេសចរ ។
លោក ERVIN GALEN TERUKI អ្នកទទួលខុសត្រូវរបស់ក្រុមអ្នកជួយសង្គ្រោះដកស្រង់សម្តី ដោយទីភ្នាក់ងារព័ត៌មានរដ្ឋ BERNAMA និយាយថា កម្មករ១១នាក់ ត្រូវដីបាក់សង្កត់ ចំណែកកម្មករ៣នាក់រងរបួសបញ្ជូនទៅមន្ទីរពេទ្យ ។ សាកសពមនុស្ស៧នាក់ត្រូវបានកាយយកចេញបានកាលពីយប់ថ្ងៃទី២២ តុលា ក្នុងនោះមានជនជាតិបង់ក្លាដែស២នាក់ មីយ៉ាន់ម៉ា២នាក់ ហើយមនុស្សម្នាក់ពុំស្គាល់អត្តសញ្ញាណ ។
នៅម៉ាឡេស៊ី ជនបរទេសជាច្រើនធ្វើការក្នុងផ្នែកនានាដែលប្រើកម្លាំងក្លាយទទួលបានប្រាក់បៀវត្សតិចដូចជាក្នុងផ្នែកសំណង់ជាដើម ។
ការបាក់ដីសម្លាប់មនុស្សយ៉ាងច្រើននេះនាំឱ្យប្រជាជនកោះនោះផ្ទុះកំហឹង ខណៈប្រជាជនមានការព្រួយបារម្ភកាន់តែខ្លាំង ចំពោះការកើនឡើងនៃការដ្ឋានសាងសង់ដែលបំផ្លាញដល់បរិស្ថាន ហើយបង្កើនគ្រោះថ្នាក់ប្រភេទនេះ ៕
ចែករំលែកព័តមាននេះ