រាជធានីភ្នំពេញ ៖ ក្នុងសង្គមសិល្បៈមួយរយៈនេះចាប់អារម្មណ៍ចំពោះតារាសម្តែងកញ្ញាស៊ី ធឿន ដែលមានភាពផ្អែមល្ហែមជាមួយហ្វ្រេស៊ីប៊យចំណាត់ថ្នាក់លេខ១លោកទ្រី តារាវុធ ។ ការស្និទ្ធស្នាលនេះចាប់តាំងពីអ្នកទាំងពីរក្លាយជាតួឯកក្នុងខ្សែភាពយន្តរឿង«សសរកន្លោង» ។ កាលពីពេល…
រាជធានីភ្នំពេញ ៖ ក្នុងសង្គមសិល្បៈមួយរយៈនេះចាប់អារម្មណ៍ចំពោះតារាសម្តែងកញ្ញាស៊ី ធឿន ដែលមានភាពផ្អែមល្ហែមជាមួយហ្វ្រេស៊ីប៊យចំណាត់ថ្នាក់លេខ១លោកទ្រី តារាវុធ ។ ការស្និទ្ធស្នាលនេះចាប់តាំងពីអ្នកទាំងពីរក្លាយជាតួឯកក្នុងខ្សែភាពយន្តរឿង«សសរកន្លោង» ។
កាលពីពេល ថ្មីៗកន្លងមកកញ្ញាស៊ី ធឿនទទួលស្គាល់ថា នាង និងលោកទ្រី តារាវុធ គឺចាប់ផ្តើមស្និទ្ធស្នាលគ្នាខ្លាំងតាំងពីបានរួមការងារជាមួយគ្នាក្នុងរឿង«សសរកន្លោង»ដែលជាប្រភេទរឿងខ្មោចភ័យរន្ធត់់មក ។ «ក្រោយពេលនោះហើយពួកយើងបានយល់ចិត្តគ្នា ទោះជាទៅណាមកណាក៏យើងច្រើនតែទៅជាមួយគ្នាមានទាំងបងប្រុសអ្នកដឹកនាំរឿងចាន់ណា រ៉ូណានទៅជាមួយដែរ។ ម្យ៉ាងទៀតពួកយើងទាំងពីរមានគម្រោងរកស៊ីជាមួយគ្នាផងដែរ ដោយបោះមុខរបរលក់អីវ៉ាន់តាមអនឡាយជាមួយគ្នាហើយបានបង្ហោះរូបភាពស្និទ្ធស្នាលរហូតធ្វើឲ្យប្រិយមិត្តគាត់ចាបអារម្មណ៍ ។
យើងទាំងពីរសប្បាយចិត្តដែលបានបងប្អូនគាត់ភ្ញាក់ផ្អើលព្រោះនេះមានន័យថាពួកគាត់ស្គាល់យើងស្របពេលរឿង«សសរកន្លោង»ជិតបញ្ចាំងនៅថ្ងៃទី៩ វិច្ឆិកាខាងមុខផង និងជួយឲ្យនាងខ្ញុំ និងលោកវុធកាន់តែមានការលេចធ្លោ ស្របពេលរឿងនេះកំពុងតែមានយុវវ័យពុះកញ្ជ្រោលចង់ទស្សនាខ្លាំង ក្រោយបានផុសត្រេឡឺរួចមក» ។
ចំណែកលោកទ្រី តារាវុធ សម្តែងក្តី សប្បាយរីករាយដែលយុវវ័យជាច្រើនតាមដានសកម្មភាពរបស់លោក និងកញ្ញាស៊ី ធឿនដែលជាតួឯកក្នុងរឿង«សសរកន្លោង» ។
លោកទ្រី តារាវុធ និយាយថា «ធាតុពិតពួកយើងជាមិត្តភក្តិប៉ុណ្ណោះ ហើយយើងក៏មានមុខរបររកស៊ីជាមួយគ្នាផងដែរ ។ យ៉ាងណាខ្ញុំសូមសំណូមពរដល់បងប្អូនទាំងអស់ចូលរួមទស្សនាការសម្តែងរបស់ខ្ញុំ និងកញ្ញាស៊ី ធឿន ក្នុងរឿងខាងលើដើម្បីឲ្យដឹងថាភ័យលស់ព្រលឹងផ្អើលរោងបែបណានៅពេលបានទស្សនា» ។
តាមរយៈហ្វេសប៊ុករបស់ផលិតកម្មឥន្ទ្រានិម្មិត ឱ្យដឹងថា គ្រាន់តែបង្ហោះ Trailer រឿងមិនបានប៉ុន្មានផង មានអ្នកគាំទ្រច្រើនបានចូលទៅបញ្ចេញមតិទទូចចង់ទស្សនា ភ្លាមៗ អត់ទ្រាំពុំបានឡើយ ។
រឿង «សសរកន្លោង» ជារឿងដែលនិយាយអំពីវិញ្ញាណខ្មោចតៃហោងស្ថិតក្នុងសសរកន្លោងនៅក្នុងផ្ទះបុរាណមួយ និងចេញមកលងបន្លាចមនុស្សគ្រប់គ្នាដែលទៅរស់នៅក្នុងផ្ទះនោះ ។ ផ្ទះវីឡាចាស់ម៉ូដបុរាណសម័យបារាំងមួយនោះ សាងសង់តាំងពីឆ្នាំ១៩២៥ ហើយសមាជិកក្នុងគ្រួសារម្នាក់បានចងកសម្លាប់ខ្លួននៅនឹងសសរកន្លោងកណ្ដាលផ្ទះ និងបានក្លាយទៅជាវិញ្ញាណខ្មោចតៃហោង ដ៏កាចសាហាវនៅក្នុងសសរផ្ទះនោះរហូតមក ។
ផ្ទះនោះបន្សល់ទុករហូតមកដល់បច្ចុប្បន្ន និងត្រូវក្រុមគ្រួសារនាយវុធ ចូលទៅរស់នៅ ។វិញ្ញាណខ្មោចតៃហោងបានចេញពីសសរមកលងបន្លាច ធ្វើឲ្យពួកគេភ័យរន្ធត់ ៕
ចែករំលែកព័តមាននេះ