សូម៉ាលី ៖ តាមប្រភពព័ត៌មាន BBC បានឲ្យដឹងថា មានមនុស្សយ៉ាងតិច២៧៦នាក់ ត្រូវបានស្លាប់ក្នុងករណីបំផ្ទុះគ្រាប់បែកអត្តឃាតដឹកដោយរថយន្តដឹកទំនិញពីរគ្រឿង បើកចូលក្នុងអគាររស់នៅរបស់ប្រជាជន ក្នុងរដ្ឋធានី Mogadishu…
សូម៉ាលី ៖ តាមប្រភពព័ត៌មាន BBC បានឲ្យដឹងថា មានមនុស្សយ៉ាងតិច២៧៦នាក់ ត្រូវបានស្លាប់ក្នុងករណីបំផ្ទុះគ្រាប់បែកអត្តឃាតដឹកដោយរថយន្តដឹកទំនិញពីរគ្រឿង បើកចូលក្នុងអគាររស់នៅរបស់ប្រជាជន ក្នុងរដ្ឋធានី Mogadishu កាលពីថ្ងៃសៅរ៍សប្តាហ៍មុន។
ក្នុងហេតុការណ៍នោះ មានសាកសពយ៉ាងតិច១៦៥ មិនត្រូវបានគេដឹងពីអត្តសញ្ញាណ កប់ក្នុងកម្ទេចកម្ទីអគារ។ សាកសពខ្លះទៀត ត្រូវបានភ្លើងឆេះខ្លោចរហូតដល់ថ្នាក់មើលមិនស្គាល់ថាជានរណា។
យន្តហោះយោធារបស់ទួគី បានដឹកអ្នករងរបួស៤០នាក់ទៅទទួលការព្យាបាលនៅប្រទេសរបស់ខ្លួន។
នេះគឺជាហេតុការណ៍ដ៏សាហាវហើយបានសម្លាប់មនុស្សច្រើនជាគេនៅសូម៉ាលី រាប់តាំងពីពេលដែលមានការវាយប្រហារពីសំណាក់ក្រុម Islamist alShabab កាលពីឆ្នាំ២០០៧។
គួរបញ្ជាក់ថា ទីក្រុង Mogadishu គឺជាទីក្រុងដែលតែងតែមានអំពើហិង្សាជាច្រើនលើកមកហើយនៅប៉ុន្មានឆ្នាំមកនេះ។ មិនត្រឹមតែអំពើហិង្សាប៉ុណ្ណោះទេ ប្រជាជនក្នុងប្រទេសសូម៉ាលីជានិច្ចជាកាលតែងជាប្រទះជាមួយនឹងគ្រោះធម្មជាតិជាញឹកញាប់។ មកដល់ពេលនេះ គេនៅមិនទាន់ដឹងថា ក្រុមណាជាអ្នកប្រព្រឹត្តអំពើភេវកម្មកើតឡើងនៅថ្ងៃសៅរ៍នេះទេ៕
ចែករំលែកព័តមាននេះ