ប្រទេសអេហ្ស៊ីប ៖ យោងតាមប្រភពព័ត៌មានសន្តិសុខ និងសុខាភិបាលដកស្រង់ដោយ AFP ថា ប៉ូលិសអេហ្ស៊ីបយ៉ាងតិច៣៥នាក់បានត្រូវស្លាប់កាលពីថ្ងៃទី២០ តុលា ក្នុងការពួនស្ទាក់វាយប្រហារមួយរបស់ពួកអ៊ិស្លាមនិយមនៅតាមផ្លូវថ្នល់ដាច់ស្រយាលមួយស្ថិតនៅចម្ងាយ២០០គីឡូម៉ែត្រភាគនិរតីក្រុងគែរ ។ តុល្យការផ្លូវការដំបូងរៀបរាប់ពីប៉ូលិសស្លាប់១៦នាក់ ។
តាមប្រភពព័ត៌មានមួយទៀតជិតដិតនឹងភ្នាក់ងារសន្តិសុខថា ក្បួនរថយន្តរបស់កងកម្លាំងសន្តិសុខអេហ្ស៊ីបរងការវាយប្រហារ ដោយគ្រាប់រ៉ុក្កែត ។ បណ្តាគ្រឿងផ្ទុះក៏ប្រើដែរដោយពួកអ្នកវាយប្រហារ ។ ពួកភេរវករច្រើននាក់ក៏ត្រូវស្លាប់ក្នុងការប៉ះទង្គិចគ្នា ។ ក្រសួងមហាផ្ទៃអេហ្ស៊ីបគូសបញ្ជាក់ពីការពួនស្ទាក់វាយប្រហារនេះតែពុំផ្តល់តួលេខណាមួយពីចំនួនជនវាយប្រហារដែលត្រូវស្លាប់ឡើយ ។
ការវាយប្រហារនេះប្រឆាំងកងកម្លាំងសន្តិសុខអេហ្ស៊ីបនៅតំបន់វាយខ្សាច់ខាងលិចកើតមាន ខណៈប្រទេសរៀបចំប្រារព្ធខួបលើកទី៧៥ នៃការប្រយុទ្ធនៅ EL ALAMEIN ដែលកំណត់ពីជោគជ័យមួយកាលពីឆ្នាំ១.៩៤២របស់ពួកសម្ព័ន្ធមិត្តប្រឆាំងពួកសត្រូវក្នុងសង្គ្រាមលោកលើកទី២ ។ ការវាយប្រហារចុងក្រោយនេះជាការវាយប្រហារយ៉ាងបង្ហូរឈាមប្រឆាំងកងកម្លាំងសន្តិសុខអេហ្ស៊ីបចាប់តាំងពីដើមឆ្នាំ២០១៣មក ៕
ចែករំលែកព័តមាននេះ