រាជធានីភ្នំពេញ ៖ បុរសម្នាក់បើករថយន្តកូរ៉េដឹកកម្មករសំណង់ប្រុសស្រីជាច្រើននាក់ និងសណ្តោងម៉ាស៊ីនក្រឡុកស៊ីម៉ងត៍មួយគ្រឿងពីក្រោយ ចាប់ហ្វ្រាំងមិនស៊ីក៏ជ្រុលទៅបុកគូទរថយន្តមួយគ្រឿងទៀតពីក្រោយ បណ្តាលឲ្យរថយន្តនោះជ្រុលទៅបុកគូទរថយន្តមួយគ្រឿងទៀត រងការខូចខាតទាំងសងខាង ហេតុការណ៍នេះកើតឡើងកាលពីវេលាម៉ោង០៦និង៤០នាទីយប់ ថ្ងៃទី១៣ ខែកញ្ញា…
រាជធានីភ្នំពេញ ៖ បុរសម្នាក់បើករថយន្តកូរ៉េដឹកកម្មករសំណង់ប្រុសស្រីជាច្រើននាក់ និងសណ្តោងម៉ាស៊ីនក្រឡុកស៊ីម៉ងត៍មួយគ្រឿងពីក្រោយ ចាប់ហ្វ្រាំងមិនស៊ីក៏ជ្រុលទៅបុកគូទរថយន្តមួយគ្រឿងទៀតពីក្រោយ បណ្តាលឲ្យរថយន្តនោះជ្រុលទៅបុកគូទរថយន្តមួយគ្រឿងទៀត រងការខូចខាតទាំងសងខាង ហេតុការណ៍នេះកើតឡើងកាលពីវេលាម៉ោង០៦និង៤០នាទីយប់ ថ្ងៃទី១៣ ខែកញ្ញា ឆ្នាំ២០១៧ ត្រង់ចំណុចតាមបណ្តោយផ្លូវហាណូយ កែងនិងផ្លូវដីថ្មី ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
រថយន្តពណ៌ខៀវ ពាក់ស្លាកលេខ ភ្នំពេញ ២l-១៦០៥ ជាប្រភេទរថយន្តកូរ៉េចំណុះ១តោន មានសណ្តោងម៉ាស៊ីនក្រឡុកស៊ីម៉ងត៍មួយគ្រឿងពីក្រោយផងដែរ បើកបរដោយបុរសម្នាក់ និងរួមដំណើរពីក្រោយកម្មករសំណង់ប្រុសស្រីជាច្រើននាក់ទៀត ។ ចំណែកឯរថយន្តរងគ្រោះទីមួយពណ៌កាប់ស្តាំង ពាក់ស្លាកលេខ ភ្នំពេញ ២E-៥១៦៦ បើកបរដោយប្តីប្រពន្ធវ័យចំណាស់មួយគូ ។ និងរថយន្តរងគ្រោះទីពីរពណ៌ខ្មៅ ពាក់ស្លាក់លេខ ភ្នំពេញ ២C-៣៧៣៨ បើកបរដោយស្ត្រីម្នាក់វ័យ២៥ឆ្នាំ ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុគេឃើញរថយន្តរងគ្រោះទីពីរបើកខាងមុខរថយន្តរងគ្រោះទីមួយ ដោយធ្វើដំណើរតាមបណ្តោយផ្លូវហាណូយ ក្នុងទិសដៅពីជើងទៅត្បូង លុះមកដល់ចំណុចកើតហេតុ ក៏បន្ថយល្បឿនយឺតៗ ស្រាប់តែមានរថយន្តបង្កបើកមកពីក្រោយក្នុងល្បឿនមធ្យម ទើបតែបើកចេញមកពីការដ្ឋាននៅម្តុំបឹងបាយ៉ាប បំណងបើកត្រលប់ទៅផ្ទះនៅខេត្តកំពង់ស្ពឺ មកដល់ចំណុចកើតហេតុ ដោយសារតែហ្វ្រាំងរថយន្តបង្កមិនសូវស៊ី ក៏ជ្រុលចង្កូតទៅបុកគូទរថយន្តរងគ្រោះទីមួយពីក្រោយ ដែលកំពុងតែធ្វើដំណើរយឺតៗ បណ្តាលឲ្យរថយន្តរងគ្រោះទីមួយរងការខូចខាតកំពឹតកាងខាងក្រោយបន្តិចបន្តួច និងបែកចង្កៀងខាងមុខចំហៀងខាងឆ្វេង ចំណែករថយន្តរងគ្រោះទីមួយក៏បន្តទៅបុកគូទរថយន្តរងគ្រោះទីពីរពីក្រោយ បណ្តាលឲ្យកំពឹតកាងខាងក្រោយចំហៀងខាងស្តាំ តែសំណាងល្អដែលមិនបង្កឲ្យមានអ្នករងរបួស ។
ក្រោយកើតហេតុ សមត្ថកិច្ចមូលដ្ឋាន និងសមត្ថកិច្ចជំនាញបានចុះមកដល់កន្លែងកើតហេតុ និងបានឲ្យភាគីទាំងសងខាងនិយាយចរចាសម្រុះសម្រួសគ្នា ដោយខាងម្ចាស់រថយន្តបង្កមិនចង់មានរឿងវែងឆ្ងាយក៏បានសងសំណងទៅម្ចាស់រថយន្តរងគ្រោះទីពីរចំនួន៥០ដុល្លារ និងសងទៅរថយន្តរងគ្រោះទីមួយចំនួន៣១ម៉ឺនរៀល ដើម្បីបញ្ចប់រឿងនៅនឹងកន្លែងហេតុ ៕
ចែករំលែកព័តមាននេះ