ខេត្តបន្ទាយមានជ័យ ៖ ដើម្បីជាការលើកទឹកចិត្ត និងឆ្លើយតបទៅនឹងការខិតខំប្រឹងប្រែង និងអបអរសាទរដល់លទ្ធផលជាផ្លែផ្ការបស់សិស្សស្រីក្រីក្រដែលទទួលបានអាហារូបករណ៍សម្រាប់សិក្សាចាប់ពីថ្នាក់បឋមសិក្សាដល់បញ្ចប់ប្រឡងសញ្ញាបត្រមធ្យមសិក្សាទុតិយភូមិ កាលពីព្រឹកថ្ងៃទី១១ កញ្ញា២០១២ អង្គការកម្ពុជាដើម្បីជួយស្ត្រីមានវិបត្តិក្រោមជំនួយឧបត្ថម្ភពីមូលនិធិ Lotas Outreech (ឡូតាស់អៅរិច) បានរៀបចំមិទ្ទីង និងជប់លៀងអបអរសាទរនៅវិទ្យាល័យកូប ឃុំកូប ស្រុកអូរជ្រៅ ។
ពិធីនេះប្រព្រឹត្តទៅក្រោមវត្តមានលោកកែវ សែន អភិបាលស្រុកអូរជ្រៅ លោកវ៉ាន់ សារ៉ាំ តំណាងមន្ទីរអប់រំ យុវជន និងកីឡាខេត្ត លោកសួង សុភាព ប្រធានការិយាល័យតំបន់នៃអង្គការកម្ពុជា ដើម្បីជួយស្ត្រីមានវិបត្តិ (CWCC) និងកញ្ញាវ៉ា វណ្ណៈសេរីរស្មី តំណាងមូលនិធិ Lotas Outreech នៅកម្ពុជា។
លោកសួង សុភាព បានថ្លែងថា ជារៀងរាល់ឆ្នាំអង្គការ CWCC តែងប្រារព្ធពិធីអបអរសាទរដល់សិស្សអាហារូបករណ៍ដែលបានប្រឡងជាប់សញ្ញាបត្រមធ្យមសិក្សាទុតិយភូមិ ។ ជាក់ស្តែងនាពេលនេះ គឺជាឆ្នាំទី៣ ហើយដែលអង្គការ CWCC សម្រេចបានលទ្ធផលជាផ្លែផ្កាក្នុងការផ្តល់ជាកញ្ចប់អាហារូបករណ៍ដល់សិស្សស្រីដែលមានជីវភាពក្រីក្រ ។ ក្នុងរយៈពេល៣ឆ្នាំនេះសិស្សអាហារូបករណ៍ដែលប្រឡងជាប់បាក់ឌុបមានចំនួន១៥៤នាក់ ហើយសម្រាប់ឆ្នាំទី១ និងទី២ បានបន្តការសិក្សានៅតាមមហាវិទ្យាល័យមួយចំនួននៅភ្នំពេញ ខេត្តបន្ទាយមានជ័យ និងខេត្តផ្សេងៗទៀតដែលមូលនិធិ Lotas Outreech នៅបន្តឧបត្ថម្ភទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ