ខេត្តក្រចេះ ៖ ឈើប្រណីតចំនួន២ឡានត្រូវបានកម្លាំងកងរាជអាវុធហត្ថស្នាក់ការដឹកនាំដោយលោកវរសេនីយ៍ត្រី មុត វណ្ណៈ នាយស្នាក់ការសន្តិសុខ៧០៨ កាលពីព្រឹកថ្ងៃទី១៣ កញ្ញា ២០១២ បានស្ទាក់ចាប់ឃាត់រថយន្តដឹកឈើប្រណីត២គ្រឿងមានផ្ទុកឈើធ្នង់ជាច្រើនកំណាត់ពីក្នុងព្រៃយកមកប្រគល់ឱ្យមេព្រៃសង្កាត់ ។
ខេត្តក្រចេះ ៖ ឈើប្រណីតចំនួន២ឡានត្រូវបានកម្លាំងកងរាជអាវុធហត្ថស្នាក់ការដឹកនាំដោយលោកវរសេនីយ៍ត្រី មុត វណ្ណៈ នាយស្នាក់ការសន្តិសុខ៧០៨ កាលពីព្រឹកថ្ងៃទី១៣ កញ្ញា ២០១២ បានស្ទាក់ចាប់ឃាត់រថយន្តដឹកឈើប្រណីត២គ្រឿងមានផ្ទុកឈើធ្នង់ជាច្រើនកំណាត់ពីក្នុងព្រៃយកមកប្រគល់ឱ្យមេព្រៃសង្កាត់ ។
លោកវរសេនីយ៍ត្រី មុត វណ្ណៈ នាយស្នាក់ការសន្តិសុខ៧០៨ បានថ្លែងថា ក្រោយពីទទួលបានព័ត៌មានច្បាស់ កម្លាំងកងរាជអាវុធហត្ថបានឆ្មក់ចាប់រថយន្តទាំង២គ្រឿងនេះបាននៅក្នុងព្រៃចំណុចភ្នំខ្តាច់ ភូមិស្រែត្រែង ឃុំក្បាលដំរី ស្រុកសំបូរ ខណៈដែលរថយន្តទាំង២គ្រឿងនេះត្រូវបានឈ្មួញលើកឈើដាក់ពេញប្រៀបនឹងបម្រុងដឹកចេញបន្ត ។
លោកនាយស្នាក់ការបានបញ្ជាក់ថា ការចាប់ឃាត់រថយន្តដឹកឈើទាំង២គ្រឿងនេះគឺសមត្ថកិច្ចពុំបានចាប់ឃាត់ខ្លួនមនុស្សទេ ព្រោះពួកគេដឹងសភាពការណ៍មុន ក៏រត់គេចខ្លួនបាត់អស់ បន្សល់ទុកតែរថយន្តដឹកឈើ២គ្រឿង មួយគ្រឿងម៉ាកកាមរី ស៊េរី៩៣ មានផ្ទុកឈើប្រណីតពេញប្រៀប និងមួយគ្រឿងទៀតម៉ាកកាមរីស៊េរី៩១ មានផ្ទុកឈើពេញប្រៀបដូចគ្នា ។ បន្ទាប់ពីធ្វើការចាប់ឃាត់រួចរថយន្តដឹកឈើទាំង២គ្រឿងនេះ ត្រូវបានកម្លាំងកងរាជអាវុធហត្ថស្នាក់ការ៧០៨ ប្រគល់ទៅឱ្យមន្ត្រីជំនាញនៅព្រឹកថ្ងៃដដែលភ្លាមៗដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ