រាជធានីភ្នំពេញ ៖ ស្ត្រីម្នាក់បានដួលបោកក្បាលសន្លប់ ខណៈពេលជិះម៉ូតូឌុបប្តីហើយត្រូវជនសង្ស័យឆក់ខ្សែកប្តីដែលជិះពីក្រោយ តែមិនបានសម្រេចនិងបណ្តាលឱ្យដួលម៉ូតូរងរបួស តែបុរសជាប្តីមិនមានរងរបួសទេ ។ ហេតុការណ៍នេះកើតឡើងនៅវេលាម៉ោង១០និង២៩នាទីយប់ថ្ងៃទី១២ កញ្ញា តាមបណ្តោយវិថីព្រះមុនីរ៉េត មុខក្រុមហ៊ុនទូរស័ព្ទណូគាខេធីអេច ក្នុងសង្កាត់បឹងសាឡាង ខណ្ឌទួលគោក ។
រាជធានីភ្នំពេញ ៖ ស្ត្រីម្នាក់បានដួលបោកក្បាលសន្លប់ ខណៈពេលជិះម៉ូតូឌុបប្តីហើយត្រូវជនសង្ស័យឆក់ខ្សែកប្តីដែលជិះពីក្រោយ តែមិនបានសម្រេចនិងបណ្តាលឱ្យដួលម៉ូតូរងរបួស តែបុរសជាប្តីមិនមានរងរបួសទេ ។ ហេតុការណ៍នេះកើតឡើងនៅវេលាម៉ោង១០និង២៩នាទីយប់ថ្ងៃទី១២ កញ្ញា តាមបណ្តោយវិថីព្រះមុនីរ៉េត មុខក្រុមហ៊ុនទូរស័ព្ទណូគាខេធីអេច ក្នុងសង្កាត់បឹងសាឡាង ខណ្ឌទួលគោក ។
ស្ត្រីជាអ្នកបើកម៉ូតូដែលដួលសន្លប់នេះឈ្មោះសួន សុទ្ធិរ៉ា អាយុ២៩ឆ្នាំ ស្នាក់នៅផ្ទះលេខ៣៣E1 ផ្លូវលេខ២៨៦ ក្រុម៤៦ ភូមិ១១ សង្កាត់ទួលស្វាយព្រៃ២ ខណ្ឌចំការមន ។ តាមប្រភពព័ត៌មាននិយាយថា មុនពេលកើតហេតុស្ត្រីរូបនេះជិះម៉ូតូគុបជ្រុង ពណ៌ទឹកសមុទ្រ ឌុបបុរសជាប្តី តាមវិថីព្រះមុនីរ៉េត ក្នុងទិសដៅពីកើតទៅលិច។ លុះពេលមកដល់ចំណុចខាងលើស្រាប់តែមានជនសង្ស័យម្នាក់ជិះម៉ូតូមួយគ្រឿង ពណ៌ខ្មៅស្របទិសគ្នាមកពីក្រោយហើយធ្វើសកម្មភាពឆក់ខ្សែកបុរសជាប្តី តែឆក់មិនបាន ។ ទោះជាយ៉ាងណានៅក្នុងហេតុការណ៍នេះបណ្តាលឱ្យដួលម៉ូតូបោកក្បាលសន្លប់ប្រពន្ធដែលជាអ្នកកាន់ចង្កូតម៉ូតូ ចំណែកបុរសជាប្តីមិនមានរងរបួសអ្វីទេ ។
គួរកត់សម្គាល់ថា នៅពេលធ្វើដំណើរនោះស្ត្រីជាប្រពន្ធដែលជាអ្នកបើកម៉ូតូមិនមានពាក់ខ្សែកទេ ហេតុនេះទើបចោរឆក់ខ្សែកបុរសជាប្តីដែលអង្គុយពីក្រោយក៏បណ្តាលឱ្យដួលម៉ូតូធ្វើឱ្យប្រពន្ធរងរបួស ចំណែកក្រុមចោរឆក់បានជិះម៉ូតូគេចខ្លួនបាត់ទៅ ។ ក្រោយពេលកើតហេតុ ស្ត្រីរងគ្រោះត្រូវបានរថយន្តសង្គ្រោះដឹកយកទៅព្យាបាលនៅគ្លីនិកឯកជនមួយ ៕
ចែករំលែកព័តមាននេះ