ខេត្តរតនគិរី ៖ ប៉ូលិសរកឃើញកន្លែងធ្វើឃាតបុរសអ្នកកាសែតវរៈជនប្រចាំនៅខេត្តរតនគិរីហើយ បន្ទាប់ពីធ្វើការស្រាវជ្រាវអស់រយៈពេល៣ថ្ងៃរួចមក ដែលការរកឃើញកន្លែងធ្វើឃាតនេះ គឺដំបូងឡើយគេរកឃើញស្បែកជើងជនរងគ្រោះនៅក្នុងផ្ទះមួយដាច់ស្រមាលពីគេបន្តិច កាលពីព្រឹកថ្ងៃទី១៣ កញ្ញា ២០១២ បង្កឱ្យមានការភ្ញាក់ផ្អើលដល់សមត្ថកិច្ចចុះទៅពិនិត្យ និងសាកសួរ ដើម្បីស្វែងរកជនដៃដល់ ។
ខេត្តរតនគិរី ៖ ប៉ូលិសរកឃើញកន្លែងធ្វើឃាតបុរសអ្នកកាសែតវរៈជនប្រចាំនៅខេត្តរតនគិរីហើយ បន្ទាប់ពីធ្វើការស្រាវជ្រាវអស់រយៈពេល៣ថ្ងៃរួចមក ដែលការរកឃើញកន្លែងធ្វើឃាតនេះ គឺដំបូងឡើយគេរកឃើញស្បែកជើងជនរងគ្រោះនៅក្នុងផ្ទះមួយដាច់ស្រមាលពីគេបន្តិច កាលពីព្រឹកថ្ងៃទី១៣ កញ្ញា ២០១២ បង្កឱ្យមានការភ្ញាក់ផ្អើលដល់សមត្ថកិច្ចចុះទៅពិនិត្យ និងសាកសួរ ដើម្បីស្វែងរកជនដៃដល់ ។
កន្លែងធ្វើឃាតអ្នកកាសែតវរៈជនដែលរកឃើញនៅក្នុងផ្ទះមួយនេះ ស្ថិតក្នុងភូមិទេសអន្លង់ សង្កាត់បឹងកន្សែង ក្រុងបានលង់ ទល់មុខវិមានសពកម្ពុជា-វៀតណាម ខាងក្រោយតារាងបាល់ទាត់មួយ ហើយនៅក្បែរនោះមានហាងផឹកស៊ីមួយកន្លែងគេនិយមហៅថា ហាងដើមទឹកដោះ ឬហាងចំការដូង ។ វេលាម៉ោង៩ព្រឹកថ្ងៃទី១៣ កញ្ញា ២០១២ សមត្ថកិច្ចចម្រុះមានមន្ត្រីតុលាការប៉ូលិសបានអានដីកាឆែកឆេរជូនដល់ម្ចាស់ផ្ទះដើម្បីចូលត្រួតពិនិត្យរកមើលវត្ថុតាងបទល្មើសពាក់ព័ន្ធនឹងការធ្វើឃាតអ្នកកាសែត ។
ជាមួយគ្នានេះប៉ូលិសបានឃាត់ខ្លួនមន្ត្រីប៉េអឹមម្នាក់ដែលជាម្ចាស់ផ្ទះសង្ស័យឈ្មោះអ៊ាន ប៊ុនហេង ហៅអេង ខណៈហៅឱ្យចូលខ្លួនទៅកាន់ស្នងការដ្ឋាននគរបាលខេត្ត ដើម្បីសាកសួរ ។ លោកអ៊ាន ប៊ុនហេង បើទោះណាមិនទាន់សារភាពយ៉ាងណាក៏ដោយ ក៏សភាពបែបនេះ ធ្វើឱ្យគេសង្ស័យទៅលើរូបលោកខ្លាំងមែនទែន ព្រោះតែលោកជាម្ចាស់ផ្ទះ ហើយស្បែកជើងពណ៌ខ្មៅ របស់ជនរងគ្រោះនៅក្នុងផ្ទះលោក ។
គួររំលឹកថា ភ្នាក់ងារឆ្លើយឆ្លងព័ត៌មានឱ្យកាសែតមួយឈ្មោះវរៈជនខ្មែរដែលជាកាសែតចេញផ្សាយក្នុងស្រុក មិនសូវមានគេស្គាល់ឈ្មោះត្រូវបានសមត្ថកិច្ចស្រាវជ្រាវរកឃើញសាកសពនៅក្នុងគូទរថយន្តរបស់ខ្លួន ដែលឃាតករសម្លាប់ហើយបើកទាំងរថយន្តយកទៅប្លុងចោលក្នុងព្រៃចម្ការស្វាយចន្ទីមួយកន្លែងតាមដងផ្លូវចេញពីខេត្តឆ្ពោះទៅភូមិធួយអំពិល ឃុំតាអ៊ុង ស្រុកអូរជុំ នៅវេលាម៉ោងប្រមាណ១២ថ្ងៃត្រង់ថ្ងៃទី១០ កញ្ញា ២០១២ ។
ប្រពន្ធរបស់ជនរងគ្រោះឈ្មោះចន្ធី អាយុ២៨ឆ្នាំ ដែលមានផ្ទៃពោះ៧ខែបានអង្គុយយំសោកក្បែរកូនប្រុសម្នាក់ជាកូនប្រពន្ធមុនរបស់ជនរងគ្រោះអាយុប្រហែល២២ឆ្នាំម្នាក់ផងដែរ ។ ប្រពន្ធជនរងគ្រោះបានឱ្យដឹងថា មុនពេលប្តីគាត់បាត់ខ្លួននៅយប់ថ្ងៃទី៩ កញ្ញា ២០១២ ប្តីគាត់បានប្រាប់ថា ទៅជួបគេដែលបានណាត់ជួបហៅតាមទូរស័ព្ទ ហើយមួយម៉ោងក្រោយមកគាត់ជាប្រពន្ធបានទូរស័ព្ទទៅសួរ តែមិនលើក ។ លុះទូរស័ព្ទជាលើកទីពីរចូលហើយ ចុចទទួលតែមិនឮនិយាយតបទេ បែរជាឮសំឡេងគំហកខ្លាំងៗ ហើយក៏ដាច់ធ្វើឱ្យមានការសង្ស័យ ប៉ុន្តែពុំបានប្តឹងសមត្ថកិច្ចភ្លាមៗទេ និងតាមរកសួរមិត្តភក្តិប្តីគាត់នៅថ្ងៃបន្ទាប់ តែពុំមានទទួលដំណឹងអ្វីទេ ។ រហូតបីថ្ងៃទើបប្តឹងប៉ូលិសហើយក៏ឈានដល់ប្រទះឃើញសព បន្ទាប់ពីមានអ្នកភូមិជនជាតិភាគតិចក្នុងភូមិធួយអំពិល បានផ្តល់ដំណឹងដល់ក្រុមអ្នកកាសែត និងសមត្ថកិច្ចថា បានឃើញរថយន្តកាមរីមួយគ្រឿងចតចោលនៅក្នុងចម្ការស្វាយចន្ទី ហើយក្រុមអ្នកតាមរកក៏បានទៅកាន់ទីនោះទើបស្គាល់ថា ជារថយន្តរបស់ឈ្មោះ ហង្ស សេរីឧត្តម ជាអ្នកកាសែតដែលបាត់ខ្លួននោះមែន ។
លោកហង្ស សេរីឧត្តម ជនជាតិខ្មែរ អាយុប្រហែល៤៥ឆ្នាំ ស្នាក់នៅភូមិ១ សង្កាត់ឡាបានសៀក ក្រុងបានលុង ជាភ្នាក់ងារកាសែតវរៈជនខ្មែរ ត្រូវបានឃាតករសម្លាប់ញាត់ក្នុងគូទរថយន្តរបស់ខ្លួនម៉ាកកាមរីស៊េរី៩៦ ពណ៌ស្លែចាស់ចង្កូតឆ្វេង ពាក់ស្លាកលេខភ្នំពេញ2A-5905 ។ ក្រោយពិនិត្យរួចរាល់សមត្ថកិច្ចបានប្រគល់សពឱ្យសាច់ញាតិធ្វើបុណ្យតាមប្រពៃណី ។ ឯរថយន្តត្រូវសមត្ថកិច្ចរក្សាទុករង់ចាំធ្វើការស្រាវជ្រាវបន្ត សមត្ថកិច្ចកំពុងសហការយ៉ាងសកម្មដើម្បីវែកមុខឃាតករផ្តន្ទាទោសតាមច្បាប់ ។ មន្ត្រីសមត្ថកិច្ចនិយាយថា ការទូរស័ព្ទហៅយកទៅសម្លាប់នេះគឺទាក់ទងនឹងមនុស្សស្គាល់គ្នាទើបហា៊នទៅទាំងយប់ដូចនេះការសម្លាប់គឺពិតជារឿងគំនុំ ហើយករណីនេះអាចឆាប់រកឃើញតាមរយៈលេខទូរស័ព្ទមិនខាន ៕
ចែករំលែកព័តមាននេះ