រាជធានីភ្នំពេញ ៖ លោកព្រាប មុនី ចៅ សង្កាត់ព្រែកលៀប ក៏ដូចជាប្រជាពលរដ្ឋរស់នៅសង្កាត់ព្រែកលៀប បានមានប្រតិកម្មយ៉ាងខ្លាំងចំពោះលោកអធិការប៉ូលិសខណ្ឌឫស្សីកែវដោយសារតែបានដោះលែងជនទាក់ឆ្កែម្នាក់ដែលប្រជាការពារសង្កាត់ព្រែកលៀបធ្វើល្បាតក្នុងមូលដ្ឋានចាប់ខ្លួនបាន ពេលធ្វើសកម្មភាពលួចទាក់ឆ្កែនៅ តាមផ្លូវជាតិលេខ៦ កាលពីវេលាម៉ោង១និង៣០
រាជធានីភ្នំពេញ ៖ លោកព្រាប មុនី ចៅ សង្កាត់ព្រែកលៀប ក៏ដូចជាប្រជាពលរដ្ឋរស់នៅសង្កាត់ព្រែកលៀប បានមានប្រតិកម្មយ៉ាងខ្លាំងចំពោះលោកអធិការប៉ូលិសខណ្ឌឫស្សីកែវដោយសារតែបានដោះលែងជនទាក់ឆ្កែម្នាក់ដែលប្រជាការពារសង្កាត់ព្រែកលៀបធ្វើល្បាតក្នុងមូលដ្ឋានចាប់ខ្លួនបាន ពេលធ្វើសកម្មភាពលួចទាក់ឆ្កែនៅ តាមផ្លូវជាតិលេខ៦ កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី៩ កញ្ញា ។ ការដោះលែងនេះត្រូវបានលោកចៅសង្កាត់រួមជាមួយប្រជាការពារនិងប្រជាពលរដ្ឋក្នុងសង្កាត់ព្រែកលៀបដែលធ្លាប់បាត់ឆ្កែចាត់ទុកថា ជាការប្រព្រឹត្តបទល្មើសនិងមិនបានចូលរួមអនុវត្ត គោលនយោបាយភូមិ សង្កាត់មានសុវត្តិភាព ។
គួរបញ្ជាក់ថា ជនសង្ស័យទាក់ឆ្កែឈ្មោះគ្រី គ្រីម ហៅចាយ ភេទប្រុស អាយុ៣៤ឆ្នាំ មានទីលំនៅតាមមាត់ច្រាំងទន្លេសាប ភូមិសាមគ្គី សង្កាត់ឫស្សីកែវ ត្រូវប្រជាការពារសង្កាត់ព្រែកលៀបចាប់ខ្លួនបាននៅពេលជិះម៉ូតូម៉ាកវ៉េវពណ៌ខ្មៅមួួយគ្រឿងរួមជាមួយបក្សពួកម្នាក់ធ្វើសកម្មភាពលួចទាក់ឆ្កែនៅតាមផ្លូវជាតិលេខ៦បានឆ្កែ២ក្បាល ។ ក្នុងសកម្មភាពនោះដោយសារត្រូវកម្លាំងល្បាតរបស់ប្រជាការពារដេញចាប់ក៏ជិះគេចខ្លួនទៅបុកបង្គោលស្លាកយានដ្ឋានទើបចាប់បានម្នាក់ ដកហូតបានឆ្កែ២ក្បាល ដំបងសម្រាប់វាយនិងឧបករណ៍ទាក់ឆ្កែ ។ បន្ទាប់ពីចាប់ខ្លួន ក៏ប្រគល់ឱ្យប៉ូលិសប៉ុស្តិ៍រួចបញ្ជូនទៅកាន់អធិការដ្ឋានខណ្ឌឫស្សីកែវ ហើយត្រូវបានលោកវរសេ នីយ៍ទោ សោម ប៊ុន្នី អធិការប៉ូលិសខណ្ឌដោះលែងកាលពីល្ងាចថ្ងៃទី ៩ កញ្ញា ។
ទាក់ទិននឹងការដោះែលងនេះ លោកវរសេ នីយ៍ទោ សោម ប៊ុន្នី បានឱ្យដឹងថា បទល្មើសទាក់ឆ្កែតូចតាច ។ លោកបានលើកហេតុផលថា កាលពីបញ្ជូនទៅតុលាការលើកមុន គេសើច ហើយលើកនេះអប់រំឱ្យត្រឡប់ទៅផ្ទះវិញធ្វើជាកំលាំងខ្លាស ដោយមានមន្រ្តីប៉ូលិសព្រហ្មទណ្ឌម្នាក់ជាអ្នកមកធានា ។ ចំណែកលោកអីុវ ឈុនផេង អធិការរងប៉ូលិសខណ្ឌឫស្សីកែវទទួលផែនព្រហ្មទណ្ឌដែលទើបឡើងថ្មីថ្លែងតាមទូរស័ព្ទថា ពាក់ព័ន្ធនឹងការដោះលែងអ្នកទាក់ឆ្កែនេះគាត់មិនបានដឹងទេ គឺជារឿងលោកអធិការឱ្យធ្វើកិច្ចសន្យាត្រឡប់ទៅវិញព្រោះលោកទើបតែចូលធ្វើការនៅព្រឹកថ្ងៃទី១០កញ្ញា ។ បើតាមដឹង លោកអធិការសុំគោលការណ៍ពីថ្នាក់លើនិងព្រះរាជអាជ្ញា និងម្យ៉ាងទៀតអត់មានពាក្យបណ្តឹង ។
លោកព្រាប មុនី ចៅសង្កាត់ព្រែកលៀបបានឱ្យដឹងថា ការដោះលែងចោរនេះធ្វើឱ្យរូបគាត់និងប្រជាការពារទាំងអស់អស់ទឹកចិត្ត ហើយប្រជាពលរដ្ឋអស់ជំនឿមកលើសមត្ថកិច្ច ។ លោករួមជាមួយប្រជាការពារ បានខិតខំទាំងយប់ទាំងថ្ងៃក្នុងការអនុវត្តគោលនបាយភូមិ សង្កាត់មានសុវត្តិភាពហើយប្រជាពលរដ្ឋតែងតែលើកឡើងនិងសំណូមពរយ៉ាងទទូចនៅពេលបើកវេទិកា សាធារណៈដើម្បីឱ្យជួយទប់ស្កាត់បង្ក្រាបចោរទាក់ឆ្កែតែពេលបង្ក្រាបបានបែរជាដោះលែងទៅវិញ។
លោកព្រាប មុនីបានមានប្រតិកម្មថា ការដោះលែងចោរគឺជាការមិនបានចូលរួមចំណែកក្នុងការអនុវត្តគោលនយោបាយភូមិ-សង្កាត់មានសុវត្តិភាព ។ ដើម្បីបង្ក្រាបក្រុមចោរទាក់ឆ្កែក៏ដូចជាទប់ស្កាត់បទល្មើសផ្សេងៗ ប្រជាការពារបានដាក់កម្លាំងពួនស្ទាក់និងជិះល្បាតក្នុងមូលដ្ឋានរាល់យប់រហូតដល់ភ្លឺ ព្រោះចោរទាក់ឆ្កែចេញធ្វើសកម្មភាពនៅវេលាម៉ោងរំលងអធ្រាត្រហើយពេលប្រទះក្រុមចោរទាក់ឆ្កែចាប់មិនដែលបាន ។ កន្លងមក ដោយសារការតាមប្រមាញ់ចាប់ចោរទាក់ឆ្កែ បណ្តាលឱ្យប្រជាការពារពីរនាក់រងរបួសស្ទើរស្លាប់ស្ទើររស់ដោយសារពេលដេញដួលម៉ូតូតែពេលចាប់បានបែរជាប៉ូលិសដោះលែងទៅវិញ ជាហេតុធ្វើឱ្យប្រជាពលរដ្ឋគ្មានជំនឿមកលើសមត្ថកិច្ច ៕
ចែករំលែកព័តមាននេះ