ខេត្តព្រះសីហនុ ៖ ថ្ងៃទី១១ កញ្ញា ២០១២ សមត្ថកិច្ចជំនាញបាននិងកំពុងបន្តស្វែងរកលទ្ធផលពិតប្រាកដនូវសារធាតុគីមីនៅក្នុងធុងទាំង៨០ ដែលក្រុមហ៊ុនស៊ាងនុយស៊ាង នាំចូលមកពីប្រទេសម៉ាឡេស៊ី ហើយមកដល់កំពង់ផែអន្តរជាតិកាលពីថ្ងៃទី២៣ សីហា ២០១២ ជាលទ្ធផលសមត្ថកិច្ចបានរកឃើញថា នៅក្នុងធុងទាំង៨០នោះពុំមានសារធាតុគីមីណាមួយដែលខុសច្បាប់នោះទេ ។
ខេត្តព្រះសីហនុ ៖ ថ្ងៃទី១១ កញ្ញា ២០១២ សមត្ថកិច្ចជំនាញបាននិងកំពុងបន្តស្វែងរកលទ្ធផលពិតប្រាកដនូវសារធាតុគីមីនៅក្នុងធុងទាំង៨០ ដែលក្រុមហ៊ុនស៊ាងនុយស៊ាង នាំចូលមកពីប្រទេសម៉ាឡេស៊ី ហើយមកដល់កំពង់ផែអន្តរជាតិកាលពីថ្ងៃទី២៣ សីហា ២០១២ ជាលទ្ធផលសមត្ថកិច្ចបានរកឃើញថា នៅក្នុងធុងទាំង៨០នោះពុំមានសារធាតុគីមីណាមួយដែលខុសច្បាប់នោះទេ ។
លោកវរសេនីយ៍ទោ សាន់ ប៊ុនថន នាយការិយាល័យប្រឆាំងគ្រឿងញៀនបានឱ្យដឹងថា បន្ទាប់ពីសមត្ថកិច្ចជំនាញបានធ្វើការពិនិត្យយ៉ាងល្អិតល្អន់រួចមក ទើបដឹងថា នៅក្នុងធុងទាំង៨០នោះ គឺពុំមានសារធាតុណាមួយខុសច្បាប់នោះទេ មានន័យថា សារធាតុនៅក្នុងធុងទាំងនោះគឺជាជ័រកាវ សម្រាប់ប្រើប្រាស់ក្នុងរោងចក្រ (សម្រាប់រោងចក្រស្បែកជើង និងតម្រូវការផ្សេងៗមួយចំនួនបន្ទាប់បន្សំក្នុងរោងចក្រ) ។ លោកបន្តថា បន្ទាប់ពីធ្វើការត្រួតពិនិត្យរួចមក សមត្ថកិច្ចជំនាញដែលពាក់ព័ន្ធបានរៀបចំឯកសារប្រគល់ជូនទៅក្រុមហ៊ុនស៊ាងនុយស៊ាងវិញ ។
គួររំលឹកផងដែរថា សារធាតុគីមីមិនទាន់ច្នៃចំនួន៨០ធុង ស្មើជាង១០តោន ត្រូវបានក្រុមហ៊ុនស៊ាងនុយស៊ាងនាំចូលមកពីប្រទេសម៉ាឡេស៊ី ហើយត្រូវបានសមត្ថកិច្ចជំនាញពាក់ព័ន្ធ រួមមានមន្ត្រីប៉ូលិស មន្ត្រីកងរាជអាវុធហត្ថ មន្ត្រីកាំកុងត្រូល មន្ត្រីគយ ធ្វើការត្រួតពិនិត្យរកមើលសារធាតុខុសច្បាប់។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ