នៅព្រឹកថ្ងៃទី៩ កញ្ញា លោកបណ្ឌិតសូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ រួមដំណើរដោយអស់លោក លោកស្រីជាមន្ត្រី អ្នកមុខអ្នកការក្រោមឱវាទក្រសួង បានអញ្ជើញទៅពិនិត្យការដ្ឋានសាងសង់អគារមន្ទីរប្រៃសណីយ៍ និងទូរគមនាគមន៍ខេត្តកំពង់ឆ្នាំង ។
នៅព្រឹកថ្ងៃទី៩ កញ្ញា លោកបណ្ឌិតសូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ រួមដំណើរដោយអស់លោក លោកស្រីជាមន្ត្រី អ្នកមុខអ្នកការក្រោមឱវាទក្រសួង បានអញ្ជើញទៅពិនិត្យការដ្ឋានសាងសង់អគារមន្ទីរប្រៃសណីយ៍ និងទូរគមនាគមន៍ខេត្តកំពង់ឆ្នាំង ។
អគារមន្ទីរប្រៃសណីយ៍ និងទូរគមនាគមន៍ខេត្តកំពង់ឆ្នាំង បានចាប់ដំណើរការសាងសង់ពីថ្ងៃទី១៦ ខែកក្កដា ឆ្នាំ២០១២ ដែលមកដល់បច្ចុប្បន្នសម្រេចបានប្រមាណ១៥ភាគរយ និងគ្រោងសាងសង់ឱ្យរួចរាល់ជាស្ថាពរនៅដំណាច់ឆ្នាំ២០១២ខាងមុខនេះ ។
តមក លោកបណ្ឌិតសូរ ឃុន និងអ្នករួមដំណើរ ក៏បានអញ្ជើញទៅពិនិត្យការដ្ឋានសាងសង់អគារប្រៃសណីយ៍ និងទូរគមនាគមន៍ក្រុងប៉ោយប៉ែត ។ សម្រាប់អគារប្រៃសណីយ៍ និងទូរគមនាគមន៍ក្រុងប៉ោយប៉ែត បានចាប់ដំណើរការសាងសង់ពីថ្ងៃទី១២ ខែមិថុនា ឆ្នាំ២០១២ ហើយមកដល់បច្ចុប្បន្នសម្រេចបានប្រមាណ៨៥ភាគរយ និងគ្រោងសាងសង់ឱ្យរួចរាល់ជាស្ថាពរនៅដំណាច់ឆ្នាំ២០១២ខាងមុខនេះដែរ ។
នៅព្រឹកថ្ងៃទី១០ កញ្ញា លោកបណ្ឌិតសូរ ឃុន និងអ្នករួមដំណើរបានអញ្ជើញទៅពិនិត្យការដ្ឋានសាងសង់អគារមន្ទីរប្រៃសណីយ៍ និងទូរគមនាគមន៍ខេត្តកំពង់ធំទៀត ។ អគារមន្ទីរប្រៃសណីយ៍ និងទូរគមនាគមន៍ខេត្តកំពង់ធំ បានចាប់ដំណើរការសាងសង់នៅថ្ងៃទី២១ ខែមីនា ឆ្នាំ២០១២ រហូតមកដល់បច្ចុប្បន្នសម្រេចបានប្រមាណ២៥ភាគរយ និងគ្រោងសាងសង់ឱ្យរួចជាស្ថាពរនៅដំណាច់ឆ្នាំ២០១២ខាងមុខនេះដូចគ្នា ។
នៅក្នុងឱកាសនោះ លោកបណ្ឌិត សូរ ឃុន បានផ្តាំផ្ញើដល់អ្នកម៉ៅការសាងសង់អគារប្រៃសណីយ៍ និងទូរគមនាគមន៍ខេត្តកំពង់ឆ្នាំង ក្រុងប៉ោយប៉ែត និងខេត្តកំពង់ធំ ត្រូវជំរុញការងារសាងសង់ឱ្យរួចជាស្ថាពរតាមផែនការដែលបានគ្រោងទុក និងធានាបាននូវគុណភាពស្តង់ដាបច្ចេកទេស សំដៅធ្វើឱ្យហេដ្ឋារចនាសម្ព័ន្ធទាំងនេះបានចូលរួមចំណែកក្នុងការអភិវឌ្ឍវិស័យប្រៃសណីយ៍ និងទូរគមនាគមន៍ ស្របតាមការវិវត្តរីកចម្រើននៃបច្ចេកវិទ្យាទំនើបទាំងក្នុងតំបន់ និងពិភពលោក ៕
ចែករំលែកព័តមាននេះ