រាជធានីភ្នំពេញ ៖ សម្តេចអគ្គមហោសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍គូសបញ្ជាក់ថា ចំពោះមុខនេះអាស៊ានបាននិងកំពុងជួបបញ្ហាប្រឈមមួយចំនួនផងដែរ ទាំងកម្រិតសាកល និងកម្រិតតំបន់ ជាពិសេសបញ្ហាសន្តិសុខស្បៀង ថាមពល និងគ្រោះមហន្តរាយធម្មជាតិជាដើម ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍គូសបញ្ជាក់បែបនេះ នាព្រឹកថ្ងៃទី១២ កញ្ញា ២០១២ នៅវិមានសន្តិភាពក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើកកិច្ចប្រជុំថ្នាក់រដ្ឋមន្ត្រីថាមពលអាស៊ានលើកទី៣០ ដែលកម្ពុជាបានផ្តើមគំនិតជ្រើសយកប្រធានបទ «ការតភ្ជាប់អាស៊ានបៃតង» ដើម្បបន្តប្រធានបទ «ការតភ្ជាប់អាស៊ាន» នៃកិច្ចប្រជុំថ្នាក់រដ្ឋមន្ត្រីថាមពលអាស៊ានលើកទី២៩ នៅប្រទេសប្រ៊ុយណេដារូសាឡឹម និងប្រធានបទ «ថាមពល និងការប្រែប្រួលអាកាសធាតុ»នៃកិច្ចប្រជុំថ្នាក់រដ្ឋមន្ត្រីអាស៊ានលើកទី២៨ នៅប្រទេសវៀតណាម ។
ឈរនៅលើមូលដ្ឋានទាំងនេះសម្តេចតេជោនាយករដ្ឋមន្ត្រី បានមានប្រសាសន៍ថា យើងអាចមើលឃើញថា «ការតភ្ចាប់ក្នុងវិស័យថាមពល គឺជាផ្នែកមួយនៃការតភ្ជាប់ហេដ្ឋារចនាសម្ព័ន្ធរូបវ័ន្តដែលជាផ្នែកមួយនៃផែនការមេស្តីពីការតភ្ជាប់អាស៊ានដែលបានអនុម័តដោយប្រមុខរដ្ឋនៃបណ្តាប្រជាជាតិអាស៊ីអាគ្នេយ៍នៅក្នុងកិច្ចប្រជុំកំពូលអាស៊ានលើកទី១៧ នៅទីក្រុងហាណូយ សាធារណរដ្ឋសង្គមនិយមវៀតណាមកាលពីខែតុលា ឆ្នាំ ២០១២ កន្លងទៅនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ