ខេត្តកណ្តាល ៖ នៅសាលប្រជុំស្នងការដ្ឋាននគរបាលខេត្ត កាលព្រឹកថ្ងៃទី១០ កញ្ញា មានរៀបចំកិច្ចប្រជុំបូកសរុបសភាពការណ៍ និងលទ្ធផលការងារប្រចាំខែសីហា និងលើកទិសដៅសម្រាប់អនុវត្តការងារខែកញ្ញា ឆ្នាំ ២០១២ ក្រោមអធិបតីភាពលោកឧត្តមសេនីយ៍ត្រី អ៊ាវ ចំរើន ស្នងការនគរបាលខេត្ត និងមានការអញ្ជើញចូលរួមពីលោកស្នងការរង ប្រធានការិយាល័យ អធិការនគរ
ខេត្តកណ្តាល ៖ នៅសាលប្រជុំស្នងការដ្ឋាននគរបាលខេត្ត កាលព្រឹកថ្ងៃទី១០ កញ្ញា មានរៀបចំកិច្ចប្រជុំបូកសរុបសភាពការណ៍ និងលទ្ធផលការងារប្រចាំខែសីហា និងលើកទិសដៅសម្រាប់អនុវត្តការងារខែកញ្ញា ឆ្នាំ ២០១២ ក្រោមអធិបតីភាពលោកឧត្តមសេនីយ៍ត្រី អ៊ាវ ចំរើន ស្នងការនគរបាលខេត្ត និងមានការអញ្ជើញចូលរួមពីលោកស្នងការរង ប្រធានការិយាល័យ អធិការនគរបាលទាំង១១ស្រុក-ក្រុង ព្រមទាំងនាយប៉ុស្តិ៍នគរបាលជាច្រើនរូបទៀត ។
លោកចាន់ សាវឿន ស្នងការរងទទួលផែនសេនាធិការ បានអានរបាយការណ៍ស្តីពីសភាពការណ៍សន្តិសុខ និងកិច្ចប្រតិបត្តិការប្រចាំខែសីហា ឆ្នាំ២០១២ ថា បទល្មើសព្រហ្មទណ្ឌកើតមាន២២លើកលើ២៦លើក ថយចុះ៤លើក ក្នុងនោះបទល្មើសឧក្រិដ្ឋកើតមានចំនួន៥លើកលើ២លើក និងបទល្មើសមជ្ឈិមកើតមានចំនួន១៧លើកលើ២៤លើក ។ បទល្មើលព្រហ្មទណ្ឌដែលបានកើតមានឡើងនៅខែសីហា មានចំនួន២២លើក បើប្រៀបធៀបទៅនឹងខែកក្កដា ឆ្នាំ២០១២ មានការថយចុះចំនួន៤លើក។ ជាមួយគ្នានេះដែរ នៅខែសីហា ឆ្នាំ២០១២ ការិយាល័យប្រឆាំងគ្រឿងញៀនបានធ្វើការបង្រ្កាបបទល្មើសគ្រឿងញៀនចំនួន៥លើក ឃាត់ខ្លួនជនសង្ស័យ១២នាក់ ចាប់យកវត្ថុតាងថ្នាំញៀនប្រភេទមេតំហ្វេតាមីនបាន២,២ក្រាមផងដែរ។ ដោយឡែក ករណីគ្រោះថ្នាក់ចរាចរណ៍ប្រចាំខែសីហា កើតមានឡើងចំនួន១៤លើកលើ២១លើក ថយចុះ៧លើក បណ្តាលឲ្យមនុស្សស្លាប់ចំនួន១១នាក់ រងរបួសធ្ងន់ចំនួន៦នាក់ និងរបួសស្រាល១០នាក់ ព្រមទាំងធ្វើឲ្យខូចខាតរថយន្ត៨គ្រឿង ម៉ូតូ១៥គ្រឿង ។
នាឱកាសនោះដែរ មន្ត្រីនគរបាលដែលចូលរួមប្រជុំបានធ្វើការជជែកពិភាក្សាផ្តល់បទពិសោធន៍ល្អៗឲ្យគ្នាទៅវិញទៅមក ទាក់ទិននឹងការគ្រប់គ្រងរដ្ឋបាលក្នុងមូលដ្ឋានរបស់ខ្លួន ដើម្បីងាយស្រួលក្នុងការកំណត់មុខសញ្ញាជនសង្ស័យដែលមាននៅក្នុងមូលដ្ឋាន ក៏ដូចជាមុខសញ្ញាផ្សេងៗដែលមកស្នាក់នៅ ។
លោកឧត្តមសេនីយ៍ត្រី អ៊ាវ ចំរើន ស្នងការនគរបាលលខេត្ត បានថ្លែងនៅក្នុងកិច្ចប្រជុំនេះថា បើទោះបីជាបទល្មើសព្រហ្មទណ្ឌមានការថយចុះក្នុងខែសីហាកន្លងមកក៏ដោយ ក៏លោកបានធ្វើការក្រើនរំលឹកដល់មន្ត្រីនគរបាលទាំងអស់ ពិសេសនាយប៉ុស្តិ៍នគរបាលរដ្ឋបាល និងលោកអធិការនគរបាលស្រុក-ក្រុង ត្រូវខិតខំយកចិត្តទុកដាក់ក្នុងការបង្ការទប់ស្កាត់ និងបង្រ្កាបបទល្មើសនៅក្នុងមូលដ្ឋានរបស់ខ្លួនឲ្យមានការថយចុះបន្តទៀត ប្រយោជន៍ដើម្បីរក្សាសន្តិសុខ សណ្តាប់ធ្នាប់ជូនដល់បងប្អូនប្រជាពលរដ្ឋ ។លោកស្នងការក៏បានសង្កត់ធ្ងន់ដែរថា គ្រប់អធិការ និងនាយប៉ុស្តិ៍ទាំងអស់ដែលនៅតាមទីប្រជុំជន និងតំបន់ព្រំប្រទល់រដ្ឋបាលត្រួតស៊ីគ្នា ត្រូវខិតខំយកចិត្តទុកដាក់ពង្រឹងសន្តិសុខសណ្តាប់ធ្នាប់ឲ្យបានហ្មត់ចត់បំផុត ព្រោះបទល្មើសផ្សេងៗច្រើនតែកើតមានឡើងនៅតំបន់នោះ ។ លោកស្នងការក៏បានជំរុញឲ្យមន្ត្រីនគរបាលទាំងអស់ទៅពិនិត្យបញ្ជីចុះឈ្មោះបោះឆ្នោតឲ្យបានគ្រប់ៗគ្នាផងដែរ។
ជាមួយគ្នានេះ លោកឧត្តមសេនីយ៍ត្រី អ៊ាវ ចំរើន បានប្រគល់សៀវភៅអត្ថបទគោលរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់អធិប្បាយផ្តល់ការបំភ្លឺស្តីពីការងារបោះបង្គោលខណ្ឌសីមាព្រំដែនគោក និងកំណត់ព្រំដែនសមុទ្ររវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមចំនួន១៩១ក្បាល ដល់អធិការនគរបាលស្រុក-ក្រុងទាំង១១ និងនាយប៉ុស្តិ៍ដើម្បីយកទៅមើលខ្លឹមសារដ៏មានសារសំខាន់របស់សម្តេចតេជោ ដែលបានបកស្រាយកាលពីថ្ងៃទី៩ សីហា ឆ្នាំ២០១២កន្លងទៅ ៕
ចែករំលែកព័តមាននេះ