រាជធានីភ្នំពេញ ៖ បន្ទាប់ពីបានបើកយុទ្ធនាការអស់រយៈពេលមួយខែ ក្នុងការផ្តល់ជូនដល់អតិថិជនទាំងឡាយឱ្យយកខោខូវប៊យ
ចាស់ៗមកប្តូរយកខោខូវប៊យថ្មីកន្លងមកនេះ ក្រុមហ៊ុនDKSH បានរៀបចំពិធីបិទយុទ្ធនាការនេះកាលពីថ្ងៃទី៣១ សីហា នៅផ្សារទំនើបLucky Department Store ក្រោមអធិបតីភាពលោកខៀវ កាញារីទ្ធ រដ្ឋមន្ត្រីក្រសួងព័ត៌មាន ។
រាជធានីភ្នំពេញ ៖ បន្ទាប់ពីបានបើកយុទ្ធនាការអស់រយៈពេលមួយខែ ក្នុងការផ្តល់ជូនដល់អតិថិជនទាំងឡាយឱ្យយកខោខូវប៊យ
ចាស់ៗមកប្តូរយកខោខូវប៊យថ្មីកន្លងមកនេះ ក្រុមហ៊ុនDKSH បានរៀបចំពិធីបិទយុទ្ធនាការនេះកាលពីថ្ងៃទី៣១ សីហា នៅផ្សារទំនើបLucky Department Store ក្រោមអធិបតីភាពលោកខៀវ កាញារីទ្ធ រដ្ឋមន្ត្រីក្រសួងព័ត៌មាន ។
យុទ្ធនាការផ្តល់ឱកាសឱ្យអតិថិជនយកខោខូវប៊យចាស់ប្តូរយកខោខូវប៊យថ្មីនេះ ក្រុមហ៊ុនទទួលបានខោខូវប៊យចាស់ចំនួនជាង៣០០ហើយខោចាស់ៗទាំងនេះក្រុមហ៊ុនបានផ្តល់ជាអំណោយជូនដល់អង្គការមិត្តសម្លាញ់នៅក្នុងពិធីបិទយុទ្ធនាការនេះដើម្បីឱ្យអង្គការយកទៅឱ្យកុមារកំព្រាដែលរស់នៅក្នុងអង្គការនេះ និងយកទៅប្រើប្រាស់ក្នុងសកម្មភាពផ្សេងៗដូចជាកាត់ដេរ កាត់ធ្វើកាបូប កាតាបជាដើម ។
យុទ្ធនាការនេះបានចាប់ដំណើរការពីថ្ងៃទី១ សីហា រហូតដល់៣១ សីហា ឆ្នាំ២០១២ គឺជាយុទ្ធសាស្ត្រទីផ្សារមួយរបស់ក្រុមហ៊ុនដែលផ្សព្វផ្សាយផលិតផលខោខូវប៊យម៉ាកLevis ជាម៉ាកខោខូវប៊យដែលល្បីល្បាញលំដាប់ពិភពលោក ។ ផលិតផលម៉ាក Levis នេះ បាននាំចូលមកទីផ្សារនៃព្រះរាជាណាចក្រកម្ពុជា អស់រយៈពេលជិត២ឆ្នាំ មកហើយ តាមរយៈក្រុមហ៊ុនDKSH ។ Levis ជាផលិតផលដែលមានទីផ្សារជាង១១០ប្រទេស មានលក់ដុំ និងលក់រាយ នៅតាមទីផ្សារ តាមគេហទំព័រនិងដេប៉ូលក់ផ្តាច់មុខ និងហាងលក់សម្លៀកបំពាក់តូចធំគ្រប់ប្រភេទទាំងអស់ ។
លោកខៀវ កាញារីទ្ធ រដ្ឋមន្ត្រីក្រសួងព័ត៌មាន បានកោតសរសើរចំពោះយុទ្ធនាការដ៏គួរឱ្យភ្ញាក់ផ្អើលរបស់ក្រុមហ៊ុន DKSH ដែលយុទ្ធនាការនេះផ្តោតទៅលើការគិតគូរដល់បញ្ហាសង្គម មានចរិតជាមនុស្សធម៌ ផ្តល់ជាគំរូដល់ក្រុមហ៊ុនដទៃទៀតឱ្យយកតម្រាប់តាម ហើយលោកសង្ឃឹមថា ផលិតផលខោខូវប៊យម៉ាកLevis នេះនឹងទទួលបានជោគជ័យនៅក្នុងទីផ្សារនៃព្រះរាជាណាចក្រកម្ពុជា ៕
ចែករំលែកព័តមាននេះ