ADផ្ទាំងផ្សព្វផ្សាយពាណិជ្ជកម្ម

Picture

ម៉ូតូ​​កង់​បី​ទ្រី​វីលឺរ​ជាប់​ចំណាត់​ថ្នាក់​លេខ​1របស់​​ឥណ្ឌា​ បាន​​មក​រក​ទី​ផ្សារនៅកម្ពុជា

11 ឆ្នាំ មុន

រាជធានីភ្នំពេញ ៖ ម៉ូតូ​​កង់​បី​​ Three Wheelers ​ដែល​ល្បី​ថា ជាប់​ចំណាត់​ថ្នាក់​​​លេខ​​១ ​នៅក្នុង​​​​ប្រទេស​​​ឥណ្ឌា​​​​បាន​​មក​ដល់ទី​​ផ្សារ​កម្ពុជា ​ ហើយ​ ​គឺ​មក​​ប្រកួត​​​ប្រជែង​​​​ជាមួយ​​​​ម៉ូតូ​​កង់​បី​ ​​ពីរ ​ប្រភេទ​ទៀត ​ដែល​កំពុង​​ចរាចរណ៍​​​​​​នៅ​កម្ពុជា ​​គឺ​​ម៉ូតូកង់​បី​​ហៅ​ថា ​ទុក​ទុក​​​ផលិត​​​ឡើង​​​​តាម​​​បែប​ប្រទេស​​​ថៃ​ និង​​ម៉ូតូ​​កង់​បី​​តាម​បែប​​​ខ្មែរ​​​ ហៅ​ថា ​រ៉ឺម៉ក​ម៉ូតូ ។​​

រាជធានីភ្នំពេញ ៖ ម៉ូតូ​​កង់​បី​​ Three Wheelers ​ដែល​ល្បី​ថា ជាប់​ចំណាត់​ថ្នាក់​​​លេខ​​១ ​នៅក្នុង​​​​ប្រទេស​​​ឥណ្ឌា​​​​បាន​​មក​ដល់ទី​​ផ្សារ​កម្ពុជា ​ ហើយ​ ​គឺ​មក​​ប្រកួត​​​ប្រជែង​​​​ជាមួយ​​​​ម៉ូតូ​​កង់​បី​ ​​ពីរ ​ប្រភេទ​ទៀត ​ដែល​កំពុង​​ចរាចរណ៍​​​​​​នៅ​កម្ពុជា ​​គឺ​​ម៉ូតូកង់​បី​​ហៅ​ថា ​ទុក​ទុក​​​ផលិត​​​ឡើង​​​​តាម​​​បែប​ប្រទេស​​​ថៃ​ និង​​ម៉ូតូ​​កង់​បី​​តាម​បែប​​​ខ្មែរ​​​ ហៅ​ថា ​រ៉ឺម៉ក​ម៉ូតូ ។​​

​នៅ​មុខ​​ផ្សារ​ទំនើប​​​សុវណ្ណា ​កាលពី​ថ្ងៃទី​​​​​១៧ សីហា ​ក្រុម​​ហ៊ុន​​វីប៉ា​អូតូ ​ខេម​​បូឌា ​​ខូ​អិល​​​​ធីឌី ​​ជា​​ក្រុម​​ហ៊ុន​​​នាំ​ចូល​​​ផ្តាច់​មុខ​ម៉ូតូ​​កង​់​បី three wheelers ​មក​ពី​ប្រទេស​​ឥណ្ឌា​បាន​រៀបចំ​ពិធី​​បង្ហាញ​​ម៉ូតូ​​​​កង់​បី​​នេះ​ឱ្យ​​​​សាធារណ​ជន​​​បាន​ឃើញ​​​ដើម្បី​បើក​យុទ្ធ​នាការ​​​ផ្សព្វ​ផ្សាយ​​​ចេញ​​​​លក់​ជា​​​​លើក​ដំបូង​​​នៅ​ក្នុង​​​ទីផ្សារ​​នៅ​កម្ពុជា ។​

​នៅក្នុង​​​ពិធី​​បង្ហាញ​​នោះ​ អ្នក​​ទីផ្សារ​​ក្រុម​ហ៊ុន ​បាន​ណែ​នាំ​​ឱ្យ​​អតិ​ថិ​ជន​​កម្ពុជា​ដឹង​ថា ​ម៉ូតូ​​កង់​បី​ three wheelers ​ជា​ផលិត​​ផល​​របស់​ក្រុម​ហ៊ុន​​ Bajaj ជាប់​​ចំណាក់​​ថ្នាក់​​លេខ​​១ ​នៅ​ក្នុង​​ប្រទេស​​ឥណ្ឌា​​ដោយ​ប្រជា​​ជន​​ឥណ្ឌា​​និយម​​​ប្រើ​ប្រាស់​​​​ជា​លក្ខណៈ​គ្រួសារធ្វើ​​​ឱ្យ​​​ក្រុម​ហ៊ុន​​​អាច​លក់​​​​បាន​ចំនួន​​​​បួន​លាន​​គ្រឿង​ក្នុង​​​មួយ​ឆ្នាំ​ៗ ​។ ​វា​ជា​​​ផលិត​ផល​​​ដែលមាន​​គុណ​​ភាព​ខ្ពស់​​​ មាន​​ភាព​រឹង​មាំង​ និង​មិន​ងាយ​​ខូច​​ផ្តេស​​ផ្តាស​​​​ អាច​​​ប្រើ​ប្រាស់​​ងាយ​​ស្រួល​​គ្រប់​​ស្ថានភាព​​​​ផ្លូវ​ ។ មាន​​ប្រយោជន៍​​​​ច្រើន​យ៉ាង​​​​ដែល​អាច​​យក​ទៅ​​រក​ស៊ី​​ដឹក​ជញ្ជូន​​​អ្ន​ក​ធ្វើ​ដំណើរ និង​ប្រើ​ប្រាស់​​ជា​លក្ខណៈ​គ្រួសារ​​​ក៏​បាន​​​​ដែរ ធានា​ថា មាន​​​​សុវត្ថិភាព​​​​ ​ដោយ​​​សារ​តែ​ម៉ូតូ​​​កង់​បី​​ three wheelers មាន​កញ្ចក់​​​​ការ​ពារ​​អ្នក​បើក​​​បរ​ដូច​ជា​​រថយន្ត​​​អញ្ចឹង​ដែរ ​​​មាន​​​​បំពាក់​​កុង​ទ័រ​​ដែល​អាច​​វាស់​​រយៈ​ចម្ងាយ​​​គីឡូ​មែ៉ត្រ​​​​​ និង​មាន​​ប្រព័ន្ធ​​​ហ្វ្រាំង​​​ដែល​​បញ្ជា​ទៅ​លើ​​កង់​​ទាំង​បី​​ធ្វើ​ឱ្យ​​​​ការ​ចា​ប់​ហ្វ្រាំង​​​មាន​ភាព​​លំនឹង​​ខុស​​ពី​​ម៉ូតូ​​កង់​បី​​ទុក​ទុក​ ​ដែល​​មាន​​ហ្វ្រាំង​​​​ចាប់​បាន​​តែ​​កង់​​​មួយ​ធ្វើ​ឱយ​​​​ល្បឿន​​​​ផ្នែក​​ខាង​ក្រោយ​រុញ​​​ផ្ទុប​​​​ផ្នែក​​​ខាង​មុខ​​​ ហើយ​​​​បាត់​​បង់​សុវត្ថិភាព​​​​​នឹង​ន ។

លក្ខណៈ​​ពិសេស​​បំពាក់​​​​​បូម​​និង​​រេស្ស័រ​ដែល​ជួយ​​កាត់​​បន្ថយ​​​ភាព​​​រលាក់​​ក្នុង​ពេល​​​បើក​បរ ។ វា​ធន់​ហើយ​​​រឹង​មាំអាច​ប្រើ​ប្រាស់​​​​បាន​លើស​ពី​​១០​ឆ្នាំ ​ទើ​​ប​មាន​​ការ​​ជួស​ជុល​​ ។​ មាន​​ធុង​សាំង​​ដែលមាន​​​ចំណុះ​​​បី​លីត្រ​​និង​ធុង​​ហ្គាស​១៣​លីត្រ​ ហើយ​ក្នុង​មួយ​លីត្រ​​សាំង​​​ និង​ហ្គាស​​​ គឺ​អាច​​រត់​​បាន​ចម្ងាយ​​២៧គីឡូម៉៉ត្រ​​​ ។ បើ​​សិន​ជា​ប្រើ​ប្រាស់​​ហ្គាស​​អាច​​​ចំណេញ​​​បាន​​៥០​​%​បើ​ប្រៀប​ធៀប​​ជាមួយ​​នឹង​សាំង ។ ​

គួរ​បញ្ជាក់​​​​ថា ​ម៉ូតូ​​កង់​បី​​ ​thrree wheelers ​ក្នុង​មួយគ្រឿង ក្រុម​​​ហ៊ុន​​​លក់​តម្លៃ​​​​ពេញ​​​៣.០០០​ដុល្លារ​ ​​។ ប៉ុន្តែ​​ដើម្បី​​យុទ្ធ​​​​​សាស្ត្រ​​​ទីផ្សារ​ក្នុង​​​ការ​លើក​​ទឹក​ចិត្ត​​​​​អ​តិ​ថិជន​​​ក្រុម​ហ៊ុន​​លក់​​មួយ​​គ្រឿង​​​​តម្លៃ​​តែ​​​២.៥០០​​ដុល្លារ​​​ប៉ុណ្ណោះ​​ សម្រាប់​​ចំនួន​​១៥​គ្រឿង ​​​​លើស​​ពី​​​១៥​គ្រឿងនេះ ​ក្រុម​ហ៊ុន​​​លក់​​៣.០០០​​ដុល្លារ​​ពេញ​ ។ ​មាន​សេវា​​កម្ម​​ធានា​រយៈ​ចម្ងាយ​​​១២.០០០​គីឡូម៉ែត្រ​​​ និង​មាន​​សេវាកម្ម​ ​​បង់​រំលោះ​​​ផង​ដែរ ៕