រាជធានីភ្នំពេញ ៖ អតិថិជនរបស់កាល់តិចនៅមានពេលមួយសប្តាហ៍ទៀតដើម្បីបង្កើនឱកាសឈ្នះរង្វាន់អស្ចារ្យយ៉ាងច្រើន ដោយ គ្រាន់តែចាក់ប្រេងពីគ្រប់ស្ថានីយកាល់តិចដែលនៅជិតលោកអ្នក ។ កាល់តិចធ្វើការថ្លែងអំណរ គុណរបស់ការគាំទ្រដ៏យូរអង្វែងដល់អតិថិជនខ្លួននៅទូទាំងប្រទេស ជាមួយនឹង កម្មវិធីឆ្នោតផ្សងសំណាងពិសេសថ្មីមួយទៀតដែលអតិថិជននឹងមានឱកាសត្រឡប់ទៅផ្ទះវិញជាមួយនឹងរថយន្ត Mitsubishi Triton 2012 និងរង្វាន់ជាច្រើនទៀត ។
កម្មវិធីឆ្នោតផ្សងសំណាង«ចាប់យករង្វាន់» របស់កាល់តិចបានចាប់ផ្តើមតាំងពីថ្ងៃទី១៨ មេសា ឆ្នាំ២០១២ និងបញ្ចប់នៅថ្ងៃទី១៥ សីហា ឆ្នាំ២០១។ ការចាប់រង្វាន់នឹងធ្វើឡើងនៅថ្ងៃទី១៨ សីហា ឆ្នាំ២០១២ នៅ ស្ថានីយទូរទស្សន៍បាយ័នក្នុងកម្មវិធីតន្ត្រីយុវ
វ័យ ។ អតិថិជននឹងទទួលបានប័ណ្ណផ្សងសំណាងមួយសន្លឹកនៅពេលចាក់ប្រេង២លីត្រសម្រាប់ម៉ូតូ ១០ដុល្លារសម្រាប់រថយន្ត ឬជាវទំនិញអស់៥ដុល្លារនៅក្នុង Star Mart ណាមួយ ។ សម្រាប់ឱកាសឈ្នះរង្វាន់ អតិថិជនទាំងអស់គ្រាន់តែបំពេញឈ្មោះ អាសយដ្ឋាន លេខអត្តសញ្ញាណប័ណ្ណ និងលេខទូរស័ព្ទ ហើយយកទៅដាក់នៅក្នុងធុងឆ្នោតនៅស្ថានីយកាល់តិចណាមួយដែលនៅជិតលោកអ្នកបំផុត ។
អតិថិជនចាក់ប្រេងឥន្ធនៈកាល់តិចកាន់តែច្រើននឹងមានឱកាសកាន់តែច្រើនក្នុងការឈ្នះរង្វាន់ដ៏អស្ចារ្យដូចជារថយន្ត Mitsubishi Triton 2012 ឈុតផលិតផលApple ម៉ូតូ Yamaha Fino Premium 2012 ទូរទស្សន៍ Samsung LCD ម៉ាស៊ីនថតវីដេអូ Sony និង ប័ណ្ណ StarCart ដែលមានទឹកប្រាក់រួចជាស្រេច ។
អតិថិជនដែលជាអ្នកឈ្នះរង្វាន់សរុបចំនួន៣៨រូប នឹងត្រូវប្រកាសឈ្មោះភ្លាមៗបន្ទាប់ពីការចាប់រង្វាន់ ។ អតិថិជន៣៥រូប ដែលឈ្នះរង្វាន់ម៉ូតូYamaha Fino Premium 2012 ទូរ ទស្សន៍ Samsung LCD ម៉ាស៊ីនថតវីដេអូ Sony និងប័ណ្ណ StarCart ដែលមានទឹកប្រាក់រួចជាស្រេចទាំងអស់ នឹងត្រូវមកទទួលរង្វាន់នៅសប្តាហ៍បន្ទាប់ថ្ងៃទី២៥ សីហា ឆ្នាំ២០១២ ក្នុងកម្មវិធីតន្ត្រីយុវវ័យនៅស្ថានីយទូរទស្សន៍បាយ័ន ។ ចំណែកឯអតិថិជន៣រូប ដែលមានសំណាងជាងគេនឹងមានឱកាសធ្វើការប្រកួតប្រជែងនៅស្ថានីយទូរទស្សន៍បាយ័ននាថ្ងៃទី២៥ សីហា ដើម្បីយករង្វាន់ធំគឺរថយន្ត Mitsubishi Triton 2012 ដ៏ថ្មីសន្លាងមួយគ្រឿង ។ ការប្រកួតប្រជែងតម្រូវឱ្យចាក់សោដើម្បីស្វែងរកកូនសោរថយន្តដែលបានលាក់ទុកនៅក្នុងប្រអប់រង្វាន់ ហើយអ្នកដែលអាចចាក់សោបានមុនគេគឺនឹងឈ្នះក្នុងការប្រកួតប្រជែង។
រីឯអ្នកមានសំណាង២រូបទៀតនឹងទទួលបានឈុតផលិតផល Apple ដែលមានកុំព្យូទ័រយួរដៃ Macbook Air ,iPad និងទូរស័ព្ទ Iphone 4Sដ៏ស្រស់ស្អាតម្នាក់១ឈុត ។ សូមប្រញាប់រួសរាន់ទៅកាន់ស្ថានីយកាល់តិចដើម្បីចាក់យករង្វាន់ ៕
ចែករំលែកព័តមាននេះ