ខេត្តតាកែវ ៖ ជនល្មោភកាមម្នាក់ ត្រូវបានប៉ូលិសស្រុកព្រៃកប្បាសចាប់ខ្លួនតាមពាក្យបណ្តឹងរបស់លោកយាយរងគ្រោះដោយចោទប្រកាន់ពីបទចូលទៅក្នុងផ្ទះគាត់នឹងចាប់រំលោភរហូតបានសម្រេចបំណងតណ្ហារបស់ខ្លួន ខណៈពេលដែលលោកយាយកំពុងតែលង់លក់នៅក្នុងផ្ទះតែម្នាក់ឯង ។ នេះជារឿងរ៉ាវគួរឱ្យហួសចិត្តមួយដែរសម្បីតែដូនចាស់ក៏មិនលើកលែង ។
ហេតុការណ៍ក្មេងពាលចាប់រំលោភលោកយាយចាស់កោងខ្នងនេះបានកើតឡើងតាំងពីថ្ងៃទី១១ សីហា វេលាម៉ោង១១រំលងអធ្រាត្រ នៅ ក្នុងភូមិអង្គស្វាយចេក ឃុំចារ ស្រុកព្រៃកប្បាស លុះដល់ថ្ងៃទី១៤ សីហា នេះ ប៉ូលិសចាប់ខ្លួនបាននៅផ្ទះរបស់គេក្នុងភូមិកើតហេតុខាងលើ ។
លោកជុំ ឈឿន អធិការនគរបាលស្រុកព្រៃកប្បាសបានឱ្យដឹងថា ជនល្មើសដែលជាប់ចោទរំលោភលោកយាយរហូតបានសម្រេចនេះឈ្មោះផៃ ភឿន អាយុ២៤ឆ្នាំ មានប្រពន្ធនិងកូនម្នាក់ ចំណែកលោកយាយរងគ្រោះមានអាយុ៨៤ឆ្នាំ រស់នៅភូមិជាមួយគ្នា ហើយគាត់សម្រាននៅក្នុងផ្ទះតែម្នាក់ឯង ។
លោកអធិការស្រុកបានបន្តទៀតថា មុនពេលកើតេហតុ ខណៈលោកយាយគាត់កំពុងសម្រានលង់លក់នៅក្នុងផ្ទះតែឯងនោះ ជនល្មើសដែលដាច់ដាបនេះពេលស៊ីផឹកស្រវឹង ហើយក៏មកគាស់ទ្វារដើរចូលទៅរកលោកយាយពេលគាត់ភ្ញាក់ទាន់ ក៏បាននិយាយ ហៅចៅពេញៗមាត់ ដោយសួរថា មកផ្ទះយាយទាំងយប់មានការអីចៅ? ពេលនោះជនល្មើសបាននិយាយតបវិញថា យប់នេះមក«…» យាយឯងម្តងព្រោះនៅផ្ទះប្រពន្ធអត់ឱ្យ ។ និយាយរួចក៏ចាប់រំលោភលោកយាយទាំងកំរោលរហូតបានសម្រេចដូចបំណងទើបឈប់ ។
នៅចំពោះមុខប៉ូលិសជនចាប់រំលោភដូនចាស់នេះនិយាយសារភាពថា រូបគេពិតជាបានរំលោភលោកយាយប្រាកដមែន មូលហេតុដោយសាររូបគេ ពេលមកពីស៊ីផឹកវិញពេលចូលផ្ទះនឹកចង់រួមរ័កជាមួយប្រពន្ធ តែអត់បានទើបទ្រាំលែងបានក៏នឹកឃើញយាយដែលសម្រានតែម្នាក់ឯង ទើបទៅចាប់រំលោភគាត់រហូតបានសម្រេច ទើបឈប់ និងវិលចូលផ្ទះវិញ ហើយដេកធ្វើមិនដឹង ប៉ុន្តែរំលងបាន២ថ្ងៃប៉ូលិសចាប់ខ្លួនតែម្តង ។
លោកវរសេនីយ៍ទោ សែម សុជាតិ នាយការិយាល័យព្រហ្មទណ្ឌកម្រិតធ្ងន់ខេត្តបានឱ្យដឹងថា នៅព្រឹកថ្ងៃទី១៤ សីហា យើងនិងកសាងសំណុំរឿងបញ្ជូនជនសង្ស័យទៅសាលាដំបូងខេត្តកាត់ទោសទៅតាមច្បាប់ ៕
ចែករំលែកព័តមាននេះ