រាជធានីភ្នំពេញ ៖ ជាថ្មីម្ដងទៀត ធនាគារកម្ពុជាសាធារណៈទទួលបានពានរង្វាន់មួយផ្សេងទៀតនៅពេលនេះ ចំពោះការសម្រេចបាននូវអត្រាផ្ទេរប្រាក់ប្រសើរបំផុត និងបរិមាណនៃការទូទាត់មានចំនួនច្រើន ។ ធនាគារ Deutsche Bank នៅទីក្រុងញូវយ៉កដែលជាធនាគារមួយក្នុងចំណោមធនាគារធំៗទាំងប្រាំ ដែលផ្ដល់ការផាត់ទាត់ជារូបិយប័ណ្ណដុល្លារអាមេរិកនៅសហរដ្ឋ
រាជធានីភ្នំពេញ ៖ ជាថ្មីម្ដងទៀត ធនាគារកម្ពុជាសាធារណៈទទួលបានពានរង្វាន់មួយផ្សេងទៀតនៅពេលនេះ ចំពោះការសម្រេចបាននូវអត្រាផ្ទេរប្រាក់ប្រសើរបំផុត និងបរិមាណនៃការទូទាត់មានចំនួនច្រើន ។ ធនាគារ Deutsche Bank នៅទីក្រុងញូវយ៉កដែលជាធនាគារមួយក្នុងចំណោមធនាគារធំៗទាំងប្រាំ ដែលផ្ដល់ការផាត់ទាត់ជារូបិយប័ណ្ណដុល្លារអាមេរិកនៅសហរដ្ឋអាមេរិក បានប្រគល់ពានរង្វាន់ជូនធនាគារកម្ពុជា សាធារណៈ (ធនាគារកម្ពុ) នូវពានរង្វាន់ Straight-Through-Processing Excellence សម្រាប់ឆ្នាំ២០១១។
ពានរង្វាន់នេះ គឺជាមោទនៈទ្វេដងសម្រាប់ធនាគារកម្ពុ ព្រោះនេះគឺជាលើកដំបូងដែលធនាគារ Deutsche Bank សម្រេចប្រគល់ពានរង្វាន់នេះមកប្រទេសកម្ពុជា ហើយធនាគារកម្ពុក៏ជាធនាគារដំបូង ដែលទទួលបានពានរង្វាន់នេះ នៅក្នុងព្រះរាជាណាចក្រកម្ពុជា។ រង្វាន់ចំនួន១៥ប៉ុណ្ណោះ ដែលធនាគារ Deutsche Bank ផ្ដល់ជូនដល់បណ្ដាប្រទេសនៅអាស៊ីអាគ្នេយ៍ អូស្ដ្រាលី និងនូវែលសេឡង់ ក្នុងឆ្នាំនេះ។
ពិធីប្រគល់និងទទួលពានរង្វាន់ Straight-Through-Processing Excellence សម្រាប់ឆ្នាំ២០១១នេះ បានប្រារព្ធធ្វើឡើងនៅថ្ងៃទី២៦ ខែកក្កដា ឆ្នាំ២០១២ ។ លោកស្រី Vandee Rungthaveesen អគ្គនាយិកា Global Transaction Banking និងជាប្រធានវិទ្យាស្ថានហិរញ្ញវត្ថុគ្រប់គ្រងសាច់ប្រាក់ (Cash Management Financial Institutions) នៅឥណ្ឌូចិន បានប្រគល់ពានរង្វាន់នោះជូនលោកផាន យិងថុង ជាប្រធានធនាគារប្រចាំប្រទេសនៃធនាគារកម្ពុដែលទទួលក្នុងនាមធនាគារ ៕
ចែករំលែកព័តមាននេះ