យោងតាមប្រភពពីគេហទំព័រឆាយណាប៊ឺសចេញផ្សាយថ្ងៃទី២០ មេសា ២០១២ បានលាតត្រដាងនូវរឿងរ៉ាវអតីតកាលមួយទាក់ទងនឹង
តារាចម្រៀង និងតារាភាពយន្តគឺនាង Yang Mi ត្រូវបានគេនិយាយថា បានលួងលោមប្រលោមស្នេហ៍លោក Nicholas Tse តារាភាពយន្តហុងកុង ។ មិនត្រឹមតែប៉ុណ្ណោះ ថែមទាំងមានគេនិយាយថា នាងបានចាត់ទុកលោក Nicholas Tse ជាវីរបុរសក្នុងបេះដូងទៀតផង ។
ដោយឡែកថ្មីៗនេះ ពាក្យចចាមអារ៉ាមដ៏អាក្រក់មួយកើតឡើងដោយសារអ្នកប្រើប្រាស់ប្រព័ន្ធអ៊ីនធើរណេត បានវាយប្រហារកេរ្តិ៍ឈ្មោះរបស់នាងម្តងទៀត ដោយនិយាយថា នាងបាន បោះបង់ចោលមិត្តប្រុសរបស់នាងគឺលោក Hawick Lau ហើយធ្វើការណាត់ជួបជាមួយលោក Nicholas តាមរយៈគេហទំព័រផ្ទាល់ខ្លួនរបស់នាង ។
ឆ្លើយតបទៅនឹងពាក្យចចាមអារ៉ាមនេះ នាង Yang Mi បានបដិសេធទាំងស្រុង ដោយបានសរសេរនៅក្នុងគេហទំព័រផ្ទាល់ខ្លួននាងថា «គឺជាការប្រឌិតទាំងស្រុង នាងនឹងរង់ចាំមើលថាតើពាក្យប្រឌិតនេះនឹងបន្តរហូតដល់ពេលណា » ។
គួរបញ្ជាក់ថា នាង Yang Mi កើតនៅថ្ងៃទី ១២ ខែសីហា ឆ្នាំ១៩៨៦ នៅទីក្រុងប៉េកាំង ប្រទេសចិន ។ អតីភាពរបស់នាងគឺជាតារាម៉ូដែល ។ បច្ចុប្បន្ន ក្រៅពីអាជីពជាតារាភាពយន្ត នាងគឺជាតារាចម្រៀង និងជាអ្នកផលិតខ្សែភាពយន្តផងដែរ ៕
ចែករំលែកព័តមាននេះ