រាជធានីភ្នំពេញ ៖ សិស្សានុសិស្សនៃសាលាបឋមសិក្សា ហ៊ុន សែន ចាក់អង្រែចំនួន១.៧២៤ នាក់ បានទទួលមួកសុវត្ថិភាពពីអង្គការមូលនិធិ បង្ការរបួសអាស៊ី ។ ពិធីនេះបានប្រព្រឹត្តធ្វើក្រោមអធិបតីភាពលោកហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី៦ ធ្នូ ឆ្នាំ ២០១១ ដោយមានការ
រាជធានីភ្នំពេញ ៖ សិស្សានុសិស្សនៃសាលាបឋមសិក្សា ហ៊ុន សែន ចាក់អង្រែចំនួន១.៧២៤ នាក់ បានទទួលមួកសុវត្ថិភាពពីអង្គការមូលនិធិ បង្ការរបួសអាស៊ី ។ ពិធីនេះបានប្រព្រឹត្តធ្វើក្រោមអធិបតីភាពលោកហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី៦ ធ្នូ ឆ្នាំ ២០១១ ដោយមានការចូលរួមជាកិត្តិយសពីភ្ញៀវជាតិ និងអន្តរជាតិព្រមទាំងលោកស្រីឯកអគ្គរាជទូតអូស្ត្រាលីប្រចាំនៅកម្ពុជាផងដែរ ។
លោកនាយកសាលាបឋមសិក្សា ហ៊ុន សែនចាក់អង្រែ បានមានប្រសាសន៍ថ្លែងអំណរគុណចំពោះវត្តមានលោកហ៊ុន ម៉ាណែត ដែលបានចំណាយពេលវេលាដ៏មានតម្លៃចូលរួមជាកិត្តិយសក្នុងពិធីផ្តល់មួកសុវត្ថិភាពរបស់អង្គការមូលនិធិបង្ការរបួសអាស៊ីដល់ក្មួយៗសិស្សានុសិស្សនៅពេលនេះ ។ ជាមួយគ្នានេះ លោកនាយកសាលា ក៏បានមានប្រសាសន៍ថ្លែងអំណរគុណដល់អង្គការម្ចាស់ជំនួយ ក៏ដូចជាភ្ញៀវជាតិ និងអន្តរជាតិដែលបានចំណាយពេលវេលាចូលរួមក្នុងពិធីចែកមួកសុវត្ថិភាពនេះដែរ ។
មានប្រសាសន៍សំណេះសំណាលក្នុងឱកាសនោះលោកហ៊ុន ម៉ាណែត បានពាំនាំនូវអនុសាសន៍របស់សម្តេចអគ្គមហាសេនាបតីតេជោ ហ៊ុន សែន ដែលបានអំពាវនាវដល់ជនរួមជាតិ ទាំងអស់ឱ្យនាំគ្នាពាក់មួកសុវត្ថិភាពក្នុងពេលធ្វើដំណើរឱ្យបានគ្រប់ៗគ្នា ដើម្បីចូលរួមកាត់បន្ថយគ្រោះថ្នាក់ចរាចរណ៍ ព្រោះមួកសុវត្ថិភាពការពារជីវិតអ្នក ជួយជីវិតអ្នក ។
ជំនួសមុខឱ្យសម្តេចអគ្គមហាសេនាបតីតេជោ ហ៊ុន សែន លោកហ៊ុន ម៉ាណែត ក៏បានថ្លែងអំណរគុណម្ចាស់ជំនួយ គឺអង្គការមូលនិធិបង្ការរបួសអាស៊ី និងលោកស្រី ឯកអគ្គរាជទូតអូស្ត្រាលីប្រចាំកម្ពុជា ដែលបាន ឧបត្ថម្ភមួកសុវត្ថិភាពដល់សិស្សានុសិស្សនៅសាលាបឋមសិក្សា ហ៊ុន សែន ចាក់អង្រែ ។
បន្ទាប់ពីមានប្រសាសន៍សំណេះសំណាលរួចមក លោកហ៊ុន ម៉ាណែត ក៏បាននាំយកថវិកាសម្តេចតេជោ ហ៊ុន សែន ឧបត្ថម្ភជូនលោកគ្រូ អ្នកគ្រូ តាជី យាយជី និងកងកម្លាំងការពារសុវត្ថិភាពក្នុងពិធីខាងលើនេះផងដែរ ៕
ចែករំលែកព័តមាននេះ