តាមប្រភពពីស៊ីនហួ ចេញផ្សាយកាលពីថ្ងៃទី ១៧ វិច្ឆិកា បានឱ្យដឹងថា រដ្ឋាភិបាលហ្វ៊ីលីពីន អាចនឹងនាំចូលស្រូវច្រើនជាង៨០០,០០០តោន ដែលភាគច្រើនគឺនាំចូលពីប្រទេសវៀតណាម ដើម្បីស្តុកទុកសម្រាប់ផ្គត់ផ្គង់ ក្នុងអំឡុងពេលដែលបរិមាណស្រូវនៅសល់តិចតួចនៅក្នុងឃ្លាំងនារយៈ ពេលប៉ុន្មានខែខាងមុខនេះ។
តាមប្រភពពីស៊ីនហួ ចេញផ្សាយកាលពីថ្ងៃទី ១៧ វិច្ឆិកា បានឱ្យដឹងថា រដ្ឋាភិបាលហ្វ៊ីលីពីន អាចនឹងនាំចូលស្រូវច្រើនជាង៨០០,០០០តោន ដែលភាគច្រើនគឺនាំចូលពីប្រទេសវៀតណាម ដើម្បីស្តុកទុកសម្រាប់ផ្គត់ផ្គង់ ក្នុងអំឡុងពេលដែលបរិមាណស្រូវនៅសល់តិចតួចនៅក្នុងឃ្លាំងនារយៈពេលប៉ុន្មានខែខាងមុខនេះ។
លោក Proceso J. Alcala រដ្ឋលេខាធិការ ក្រសួងកសិកម្ម បាននិយាយកាលពីថ្ងៃទី ១៧ វិច្ឆិកា ថា រដ្ឋាភិបាលអាចនឹងចាប់ផ្តើមសុំឱ្យមានអ្នកដេញថ្លៃនៅខែធ្នូខាងមុខនេះ បន្ទាប់ពីក្រុមប្រឹក្សាអាជ្ញាធរស្បៀងអាហារជាតិ បានបូកសរុបលទ្ធផលក្នុងកិច្ចប្រជុំស្តីពីបរិមាណស្រូវដែលត្រូវការនាំចូល។ លោកបានបន្តថា ក្រុមប្រឹក្សាអាជ្ញាធរស្បៀងអាហារជាតិ អាចនឹងមានកិច្ចប្រជុំម្តងទៀតនៅចុងខែនេះ ដើម្បីកំណត់ពីចំនួន និងពេលវេលាឱ្យបានច្បាស់។ ប៉ុន្តែលទ្ធផលនៃកិច្ចប្រជុំលើកដំបូងបានសម្រេចរួចហើយលើចំនួន និងអាចចាប់ផ្តើមដេញថ្លៃនៅខែធ្នូខាងមុខនេះ។
លោក Alcala បានបន្តថា ការនាំចូលនេះ នឹងត្រូវតែអនុវត្តឱ្យបាន មុនពេលបរិមាណស្រូវក្នុងស្តុកនៅសល់តិចតួចនៅខែកក្កដា ឆ្នាំ ២០១២ ខាងមុខ។
នៅក្នុងឆ្នាំ ២០១១នេះ ហ្វ៊ីលីពីនជាប្រទេសដែលនាំចូលស្រូវធំជាងគេបំផុតនៅលើពិភពលោក និងបាននៅចូលស្រូវចំនួន៨៦០,០០០តោនដែលភាគច្រើននៃស្រូវទាំងនោះគឺបាននាំចូលពីប្រទេសវៀតណាម ៕
ចែករំលែកព័តមាននេះ