ខេត្តក្រចេះ ៖ ឈើប្រណីតរាប់សិបកំណាត់ បន្ទាប់ពីបានឆ្លងកាត់ការដឹកជញ្ជូនជាច្រើនដំណាក់កាលទាំងផ្លូវ ទឹក និងផ្លូវគោក ត្រូវបានបង្ក្រាបក្រោយពីបែកការណ៍ដឹងដល់សមត្ថកិច្ច។ ការឃាត់ទុកនេះធ្វើឡើងកាលពីវេលាម៉ោង៣ទៀបភ្លឺថ្ងៃទី៥ តុលា នៅកំពង់ចម្លង ស្រុកឆ្លូង បានរថយន្តធុនធំយីឌុប បួនភ្លៅ មួយគ្រឿង
ខេត្តក្រចេះ ៖ ឈើប្រណីតរាប់សិបកំណាត់ បន្ទាប់ពីបានឆ្លងកាត់ការដឹកជញ្ជូនជាច្រើនដំណាក់កាលទាំងផ្លូវទឹក និងផ្លូវគោក ត្រូវបានបង្ក្រាបក្រោយពីបែកការណ៍ដឹងដល់សមត្ថកិច្ច។ ការឃាត់ទុកនេះធ្វើឡើងកាលពីវេលាម៉ោង៣ទៀបភ្លឺថ្ងៃទី៥ តុលា នៅកំពង់ចម្លង ស្រុកឆ្លូង បានរថយន្តធុនធំយីឌុប បួនភ្លៅ មួយគ្រឿង គ្មានស្លាកលេខ ដែលលួចផ្ទុកឈើប្រណីតប្រភេទធ្នង់ មានចំនួនរាប់សិបកំណាត់ធំៗដែលគេប៉ាន់ប្រមាណថា មានចំនួនប្រហែលជា២០ម៉ែត្រគូប។
ក្នុងសកម្មភាព ចាប់ឃាត់រថយន្តធន់យក្សដឹកឈើនេះ មន្ត្រីសមត្ថកិច្ចពុំបានបញ្ជាក់ឈ្មោះម្ចាស់ឈើទាំងនេះទេ ប៉ុន្តែដឹងថាម្ចាស់ឈើទាំងនេះជាមន្ត្រីយោធា និងមានរបររកស៊ីឈើល្មើសច្បាប់ជាយូរមកហើយ។
តាមប្រភពព័ត៌មានមួយបានឱ្យដឹងថា ឈើប្រណីតទាំងនេះត្រូវបានក្រុមឈ្មួញដឹកតាមទូកចេញពីភូមិសាស្ត្រខេត្តស្ទឹងត្រែង យកមកផ្ទេរបន្តដាក់លើរថយន្តក្នុងស្រុកព្រែកប្រសព្វ និងឡើងសាឡង់របស់ថៅកែម្នាក់ចេញពីចំណុចកំពង់គរ ស្រុកព្រែកប្រសព្វ ឆ្ពោះទៅស្រុកឆ្លូង បម្រុងយកទៅលក់បន្តឱ្យឃ្លាំងឈើដ៏ធំមួយនៅក្នុងស្រុកតំបែរខេត្តកំពង់ចាម។
ប្រភពដដែលបានឱ្យដឹងទៀតថា បច្ចុប្បន្ននេះការដឹកជញ្ជូនឈើល្មើសច្បាប់របស់ក្រុមឈ្មួញ គឺធ្វើឡើងតាមរូបភាពបែបនេះ ដោយដឹកជញ្ជូនជាច្រើនដំណាក់កាល ឆ្លងទឹក ឡើងគោក ខណៈពេលដែលកំណាត់ផ្លូវជាតិលេខ៧៣ ក្រចេះ ឆ្លូង ត្រូវបានអាជ្ញាធរមិនអនុញ្ញាតឱ្យរថយន្តធន់ធំ ឆ្លងកាត់ក្រោយពីផ្លូវនេះត្រូវបានទឹកលិចរួចមក។
លោកទ្រី ម៉េងលាង នាយសង្កាត់រដ្ឋបាលព្រៃឈើឆ្លូងបានឱ្យដឹងថា សមត្ថកិច្ចកំពុងតែស្រាវជ្រាវរកអត្តសញ្ញាណម្ចាស់ឈើទាំងនេះ ហើយពេលនេះទាំងរថយន្ត និងឈើ បានដឹកយកមករក្សាទុកនៅសង្កាត់រដ្ឋបាល ដើម្បីកសាងសំណុំរឿងបញ្ជូនទៅថ្នាក់លើបន្ត ៕
ចែករំលែកព័តមាននេះ