ខេត្តក្រចេះ ៖ អនុវត្តតាមបទបញ្ជារបស់លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស អំពីភារកិច្ចទទួលខុសត្រូវលើកិច្ចការពារសន្តិសុខសណ្តាប់ធ្នាប់ ក្នុងគ្រប់ដំណាក់កាលនៃការត្រួតពិនិត្យ និងរៀបចំការបោះឆ្នោតជ្រើសរើសឃុំ-សង្កាត់ និងការបោះឆ្នោតជ្រើសតាំងតំណាងរាស្រ្តដែលនឹងប្រព្រឹត្តទៅ នៅពេលខាងមុខនេះ ទីបញ្ជាការកងរាជអាវុធហត្ថបើកកិច្ចប្រជុំពិភាក្សា លើការ
ខេត្តក្រចេះ ៖ អនុវត្តតាមបទបញ្ជារបស់លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស អំពីភារកិច្ចទទួលខុសត្រូវលើកិច្ចការពារសន្តិសុខសណ្តាប់ធ្នាប់ ក្នុងគ្រប់ដំណាក់កាលនៃការត្រួតពិនិត្យ និងរៀបចំការបោះឆ្នោតជ្រើសរើសឃុំ-សង្កាត់ និងការបោះឆ្នោតជ្រើសតាំងតំណាងរាស្រ្តដែលនឹងប្រព្រឹត្តទៅនៅពេលខាងមុខនេះ ទីបញ្ជាការកងរាជអាវុធហត្ថបើកកិច្ចប្រជុំពិភាក្សា លើការប្រមូលផ្តុំកងកម្លាំងចុះការពារសុវត្ថិភាពនៅតាមបណ្តាការិយាល័យបោះឆ្នោតនានានៅទូទាំងខេត្តក្រចេះ។ កិច្ចប្រជុំពិភាក្សានេះបានប្រព្រឹត្តធ្វើរយៈពេលពេញមួយព្រឹកថ្ងៃទី៤ តុលា នៅសាលប្រជុំនៃបញ្ជាការដ្ឋានកងរាជអាវុធហត្ថខេត្ត ក្រោមការដឹកនាំរបស់លោកឧត្តសេនីយ៍ត្រីកែវ ជា មេបញ្ជាការកងរាជអាវុធហត្ថខេត្ត ដោយមានការចូលរួមពីលោកមេបញ្ជាការរង ប្រធានមន្ទីរ និងការិយាល័យ មេបញ្ជាការស្រុក និងស្នាក់ការនៅទូទាំងខេត្ត។
លោកអនុសេនីយ៍ឯក ហង្ស សំណាង នាយការិយាល័យបុគ្គលិកនៃទីបញ្ជាការកងរាជអាវុធហត្ថខេត្ត បានអានរបាយការណ៍ឲ្យដឹងថា កងកម្លាំងនៃទីបញ្ជាការកងរាជអាវុធហត្ថខេត្ត នឹងត្រូវចុះការពារសុវត្ថិភាពតាមការិយាល័យបោះឆ្នោត។ ការចុះការពារនេះមានចំនួន៣៧ការិយាល័យ ក្នុងនោះ២៥ការិយាល័យ ត្រូវចុះការពារដោយម្ចាស់ការ និង១២ការិយាល័យទៀត ចុះការពារដោយសហការជាមួយកម្លាំងនគរបាល។
ក្នុងឱកាសនោះលោកឧត្តមសេនីយ៍ត្រី កែវ ជា មេបញ្ជាការកងរាជអាវុធហត្ថខេត្ត បានថ្លែងថា មន្ត្រីកងកម្លាំងដែលបានទទួលការបែងចែក ត្រូវតែបំពេញភារកិច្ចឲ្យបានម៉ត់ចត់និងយកចិត្តទុកដាក់ខ្ពស់បំផុត ព្រោះការងារនេះជាតួនាទីរបស់យើងទាំងអស់គ្នា ជាកងកម្លាំងក្នុងការចុះការពារសុវត្ថិភាព និងដើម្បីជាតិយើងទាំងអស់គ្នា។ លោកមេបញ្ជាការ បានផ្តាំផ្ញើឱ្យមន្ត្រីកងកម្លាំងទាំងអស់ត្រូវប្រញាប់រួសរាន់ទៅចុះឈ្មោះបោះឆ្នោត និងត្រៀមលក្ខណសម្បត្តិឱ្យបានគ្រប់គ្រាន់ក្នុងការចុះយាមល្បាតតាមបណ្តាការិយាល័យដែលទទួលខុសត្រូវ ដើម្បីឱ្យកិច្ចដំណើរការបោះឆ្នោតដែលជិតចូលមកដល់នេះទទួលបានជោគជ័យល្អប្រសើរទៅតាមការគ្រោងទុករបស់រាជរដ្ឋាភិបាល៕
ចែករំលែកព័តមាននេះ