ជូរី ល្អហួស សម្តែងការខកចិត្ត និងឆ្លើយតប ការរិះគ.ន់រឿងស្លៀកឈុតហែលទឹកសិ.ចស៊ី
- ភ្នំពេញ
រាជធានីភ្នំពេញ ៖ ជូរី ល្អ ហួស បានសម្តែងការខកចិត្តយ៉ាងខ្លាំង ក្នុងពេលដែលនាងបានទទួលរងការរិះគន់វាយប្រហារមកលើរូបនាង ក្រោយពីនាងបញ្ចេញរូបភាពស្លៀកឈុតហែលទឹកតាមបណ្តាញសង្គម ខណៈពេលដែលការបង្ហាញនេះគឺគ្រាន់តែតម្រូវនៃការប្រកួតបវរកញ្ញាដែលនាងត្រូវចូលរួមប្រកួតនាឆ្នាំនេះប៉ុណ្ណោះ ។
ល្អ ហួស បានចាត់ទុកការរិះគន់ពីមហាជនមួយចំនួនមកលើរូបនាងនាពេលនេះ គឺជាការមើលងាយពីការលះបង់របស់នាងដែលខិតខំចំណាយថវិកា ពេលវេលា និងភាពខ្មាសអៀនផ្ទាល់ខ្លួនរបស់នាងដែលមិនចូលចិត្តភាពស៊ិចស៊ី ដើម្បីចូលរួមការប្រកួតបវរកញ្ញាថ្នាក់អន្តរជាតិ ដែលនាងបានដាក់ទិសដៅខិតខំឲ្យបានជោគជ័យ ដើម្បីមុខមាត់ប្រទេសជាតិ ។
តាមរយះសំណេរបង្ហោះលើបណ្តាញសង្គម ជូរី ល្អ ហួស បានលើកឡើងថា កម្មវីធីអន្តរជាតិមានវគ្គស្លៀកឈុតហែលទឹក ដែលជាពិន្ទុមួយដ៏សំខាន់ដែលយើងអាចបង្ហាញCat walk « ការដើរ » ដើម្បីសន្សំពិន្ទុចូលទៅដល់វគ្គTop តែមតិមួយចំនួនវាយប្រហារ មើលងាយការលះបង់របស់នាងខ្ញុំ ។
នាងថា នាងខ្ញុំចំណាយពេលវេលាថវិកា លះបង់ភាពអៀនខ្មាស នាងខ្ញុំជាមនុស្សស្រីដែលសុភាពរាបសារ ទន់ភ្លន់ មិនចូលចិត្តស្លៀកពាក់សិចស៊ីទាំងនេះ ពីព្រោះនាងខ្ញុំធ្វើអ្វីដើម្បីអោយកម្ពុជាមានកិត្តិយសនិងកេរ្តិ៍ឈ្មោះល្បីល្បាញ តើពេលវគ្គស្លៀកឈុតហែលទឹក តើនាងខ្ញុំគួរស្លៀកអ្វីដើម្បីយកទៅប្រកួតនិងបានពិន្ទុពីគណៈកម្មការ ? ។
យ៉ាងណាក៏ដោយ ក្រោយឃើញការបង្ហោះខាងលើពី ល្អ ហួស នាពេលនេះ គេបានឃើញមហាជន ជាពិសេសបណ្តាអ្នកគាំទ្ររូបនាងជាច្រើនបានស្នើឲ្យរូបនាងកុំខ្វល់ច្រើនចំពោះមតិរិះគន់ទាំងនោះ ដ្បិតរូបភាពនេះគឺតម្រូវតាមកម្មវិធីប្រឡងប៉ុណ្ណោះ ខណៈពេលដែលគេរំពឹងថា ល្អ ហួស នឹងធ្វើបានល្អ និងនាំជោគជ័យនៅក្នុងការប្រកួតសម្រាប់មុខមាត់ប្រទេសជាតិ ។
ជាការកត់សម្គាល់ នៅមុនពេលបញ្ចញរូបភាពបែបស៊ិចស៊ីនាពេលនេះ ល្អ ហួស ធ្លាប់បានលើកឡើងជាមុនថា សង្គ្រាមដណ្តើមមកុដ លើឆាកអន្តរជាតិឆ្នាំនេះ កូនស្រីកម្ពុជាសុំបែបលះៗបន្តិចហើយ បើសិចស៊ីសម្រាប់ពុកម៉ែបងប្អូន សូមខន្តីអភ័យទោសពីនាងខ្ញុំ ជូរី ល្អហួស ដោយក្តីគោរព ព្រោះកម្មវិធីអន្តរជាតិតម្រូវឲ្យបវរកញ្ញាគ្រប់ប្រទេសស្លៀក bikini ។
ជាការកត់សម្គាល់ ជូលី ល្អ ហួស នឹងតំណាងប្រទេសកម្ពុជា ចូលរួមកម្មវិធី Miss Teen Icon international ដែលនឹងធ្វើឡើងនៅក្នុងប្រទេសឥណ្ឌូនេស៊ី នៅចុងឆ្នាំនេះ ក្នុងពេលដែលយុវតីរូបនេះបានត្រៀមលក្ខណះគ្រប់គ្រាន់សម្រាប់ការប្រកួតប្រជែងនៅលើឆាកអន្តរជាតិមួយនេះ ។
ជូរី ល្អ ហួស បានប្រកាសពីការត្រៀមខ្លួននៅក្នុងការប្រកួតនេះថា ឈុតតំណាងជាតិ ត្រៀមរួចរាល់ Talent ត្រៀមរួចរាល់ Gown ត្រៀមរួចរាល់ ឈុត Fashion ត្រៀមរួចរាល់ Cat walk ត្រៀមរួចរាល់ ចំណេះដឹងផ្នែកភាសាត្រៀមរួចរាល់ ត្រៀមប្រយុទ្ធឆាប់ៗ ៕
ចែករំលែកព័តមាននេះ