ស៊ឹម ថៃណា ទម្លាយរឿងរ៉ាវអតីតកាលដ៏ឈឺចា.ប់ដែលធ្វើឱ្យនាងបា.ក់ទឹកចិត្តខ្លាំង ដោយសារសង្សារលួ.ចមានថ្មីជាមួយប្អូនធម៌
- ភ្នំពេញ
រាជធានីភ្នំពេញ ៖ ចាត់ទុកនេះជាលើកដំបូងហើយសម្រាប់តារាចម្រៀងនាង ស៊ឹម ថៃណា បានដាច់ចិត្តទម្លាយរឿងរ៉ាវផ្ទាល់ខ្លួនដ៏គួរឲ្យភ្ញាក់ផ្អើលជាសាធារណៈ ដោយនាងធ្លាប់បាក់ទឹកចិត្តយ៉ាងខ្លាំង ដោយសារអតីតសង្សារដែលធ្លាប់ស្រឡាញ់គ្នារាប់ឆ្នាំដូចប្តីប្រពន្ធ បានលួចទៅផឹតក្បត់ជាមួយនារីផ្សេងដែលត្រូវជាប្អូនធម៌របស់នាង ។
តារាស្រីរូបនេះបានបញ្ជាក់ថា រឿងរ៉ាវមួយនេះបានកើតឡើងតាំងពីអំឡុងឆ្នាំ២០១៦ ហើយកន្លងមករឿងមួយនេះនាងមិនដែលទម្លាយ ឬផ្តល់បទសម្ភាសន៍ក្នុងកម្មវិធីណាឲ្យមហាជនបានដឹងឡើយ ខណះពេលដែលរឿងរ៉ាវមួយនេះធ្វើឲ្យនាងមានការបាក់ទឹកចិត្តយ៉ាងខ្លាំង ។
តាមរយះបទសម្ភាសន៍ក្នុងកម្មវិធីមួយ តារាចម្រៀងនាង ស៊ឹម ថៃណា បានអះអាងថា នាងបានចែកគ្នាជាមួយអតីតសង្សាររបស់នាងដែលគិតមកទល់នាពេលនេះមានរយះពេលប្រមាណ១០ឆ្នាំហើយ ហើយពេលនឹងគឺនាងបាក់ទឹកចិត្តខ្លាំង រហូតដល់នាងបំផ្លាញខ្លួនឯង ។
នាងនិយាយថា មានថ្ងៃមួយម្តាយខ្ញុំ បានមកនិយាយប្រាប់ខ្ញុំថា បើមិនព្រមញាំបាយចឹង ចុះបើឈឺតើគាត់ (ម្តាយនាង)គិតយ៉ាងមេច អ្នកណារកលុយមកមើលថៃគាត់ ពេលនោះខ្ញុំរុញខ្លួនឯងឲ្យធ្លាក់នរកតែម្តង ហើយខ្ញុំគាត់ថា សុំឈឺមួយខែ និងសុំយំឲ្យឆ្អែតមួយខែ ។
នាងបញ្ជាក់ថា សង្សារមួយនេះមិនមែនជាសង្សារដំទីមួយរបស់នាងឡើយ ប៉ុន្តែជាសង្សារដែលនាងយល់ពាក្យស្នេហាពិតប្រាកដ ហើយពួកនាងបានស្រឡាញ់គ្នារហូតចាស់ទុំដឹងទាំងសងខាង និងចង់សាងអនាគតជាមួយគ្នាថែមទៀតផង ។ ប៉ុន្តែចុងក្រោយអំពើផឹតក្បត់គឺនៅតែមាន ជាហេតុធ្វើឲ្យនាងបាក់ស្បាត ហើយនាងឈឺខ្លាំង ដោយសារអតីតសង្សារនាងបានផឹតត្បត់ទៅយកប្អូនធម៌ដែលនៅក្បែរនាង ។
បើតាមនាង ស៊ឹម ថៃណា ដោយសារអំពើផឹតក្បត់នេះហើយ ដែលធ្វើឲ្យនាងបាក់ស្បាតមិនមានហ៊ានមានស្នេហារបស់ដល់បច្ចុប្បន្ន ហើយដោយសារតែមានការលើកទឹកចិត្តពីម្តាយ ទើបនាងមានកម្លាំងចិត្តងើបដើរទៅមុខជាថ្មីរហូតមកទល់នាពេលនេះ ។
គួរបញ្ជាក់ថា តារាចម្រៀងនាង ស៊ឹម ថៃណា បានកសាងកេរ្តិ៍ល្បីមួយរូបនៅក្នុងអាជីពចម្រៀងរបស់ខ្លួនអស់រយះពេលជាច្រើនឆ្នាំមកនេះ នៅមុនពេលដែលនាងបានបាត់មុខមួយរយះនៅក្នុងពេលប៉ុន្មានឆ្នាំចុងក្រោយ ដោយសារតែនាងជួបរឿងមិនសមប្រកបពាក់ព័ន្ធពីជីវិតស្នេហា ។
យ៉ាងណាទើបរយះពេលចុងក្រោយនេះ ស៊ឹម ថៃណា ក៏បានបញ្ចេញសកម្មភាពនានានៅលើបណ្តាញសង្គមឡើងវិញ ហើយនាងក៏តែងតែបង្ហាញពីការច្រៀងនូវបទចម្រៀងនានាសម្រាប់ទស្សនិកជនស្តាប់កំសាន្តផងដែរ ។
ទន្ទឹមគ្នានោះ តារាស្រីរូបនេះក៏បានបញ្ចេញសំណេរជាបន្តបន្ទាប់ហាក់បង្ហាញឲ្យឃើញថា នាងកំពុងបើកបេះដូងទទួកយកស្នេហាជាថ្មីម្តងទៀត ក្រោយពេលព្យាយាមតាំងចិត្តឲ្យរឹងមាំជាថ្មីឡើងវិញ បន្ទាប់ពីធ្លាប់បាក់ស្បាត និងបាក់ទឹកចិត្តចំពោះរឿងរ៉ាវពីអតីតកាល ៕
ចែករំលែកព័តមាននេះ