រាជធានីភ្នំពេញ ៖ ជនជាតិចិន៣នាក់ ត្រូវបានកម្លាំងនាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការនគរបាលជាតិ សហការជាមួយគណៈបញ្ជាការឯកភាពរដ្ឋបាលខណ្ឌសែនសុខឃាត់ខ្លួន នៅក្នុងប្រតិបត្តិការបង្ក្រាបករណីឆបោកតាមប្រព័ន្ធបច្ចេកវិទ្យា ចំនួនពីរទីតាំង នៅក្នុងមូលដ្ឋានខណ្ឌសែនសុខ រាជធានីភ្នំពេញ ព្រមទាំងដកហូតវត្ថុតាងប្រព្រឹត្តបទល្មើសជាច្រើនកេះ ។
តាមរដ្ឋបាលខណ្ឌសែនសុខបានឲ្យដឹងថា នៅថ្ងៃទី១៦ ខែកក្កដា ឆ្នាំ២០២៦ គណៈបញ្ជាការឯកភាពរដ្ឋបាលខណ្ឌសែនសុខ ចូលរួមសហការ ជាមួយកម្លាំងនាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការនគរបាលជាតិ ដោយមានការដឹកនាំពី លោក ស៊ិត វណ្ណៈ ព្រះរាជអាជ្ញារងសាលាដំបូងរាជធានីភ្នំពេញ ចុះពិនិត្យទីតាំងសង្ស័យចំនួន២ទីតាំង មានដូចខាងក្រោម ៖
១-ទីតាំងផ្ទះល្វែងលេខ G-13 ផ្លូវហ្គូដឌី ក្នុងបរិវេនផ្សាររតនាផ្លាហ្សា ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ដោយឃាត់ខ្លូនជនជាតិចិន០១នាក់ និងដកហូតវត្ថុតាង ដូចខាងក្រោម ៖-Keyboard ចំនួន០៨កេស-Mother board ចំនួន១៩កេស -Network ចំនួន០២កេស -ទូរសព្ទ ចំនួន០៤កេស -កុំព្យូទ័រយួរដៃ ចំនួន០៥កេស-Adapter all in one +Phone ចំនួន០៤កេស ។
២-ទីតាំងបុរីកាណាឌីយ៉ា ផ្ទះលេខ D21 ផ្លូវឌៀលណេស ភូមិទ្រុងមាន់ សង្កាត់អូរបែកក្អម ខណ្ឌសែនសុខ ឃាត់ខ្លួនជនជាតិចិន០២នាក់ និងដកហួតសម្ភារៈ មានដូចខាងក្រោម ៖ -ទូរសព្ទដៃ ចំនួន១៧៤០គ្រឿង-computer all in one ចំនួន១១គ្រឿង-ស៊ីមកាត និងគ្រឿងបន្លាស់ទូរស័ព្ទ-រថយន្ត ព្រូស ពណ៌ស ១គ្រឿងសព្ទមួយចំនួន ។
តាមការកោសល្យវិច្ឆ័យរបស់មន្ត្រីជំនាញនាយកដ្ឋានប្រឆាំងបទល្មើសបច្ចេកវិទ្យា ជាប់ពាក់ព័ន្ធសង្ស័យរក្សាទុក និងផ្គត់ផ្គង់ឧបករណ៍បម្រើអោយបទល្មើស online scams ជនជាតិចិន និងសម្ភារវត្ថុតាងខាងលើបញ្ជូនទៅនាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការនគរបាលជាតិ ដើម្បីចាត់ការតាមច្បាប់ ៕
ចែករំលែកព័តមាននេះ