រាជធានី​ភ្នំពេញ​, ថៃ្ង​ទី ​៧ ខែឧសភា ឆ្នាំ​ ២០២៦ ៖ ធនាគារ វឌ្ឍនៈ និង​មន្ទីរពេទ្យ Sunway បាន​ចុះហត្ថលេខា​ជា​ផ្លូវការ​លើ​អនុស្សរណៈ​នៃ​ការ​យោគយល់​គ្នា លើ​កិច្ច​សហប្រតិបត្តិការ​ជា​យុទ្ធសាស្ត្រ ក្នុង​គោលបំណង​លើកកម្ពស់​ការ​ទទួល​បាន​សេវា​ថែទាំ​សុខភាព​សម្រាប់​អតិថិជន​កម្ពុជា ដែល​ស្វែងរក​ការ​ព្យាបាល​នៅ​ប្រទេស​ម៉ា​ឡេ​ស៊ី ​។

អនុស្សរណៈ​នៃ​ការ​យោគយល់​គ្នា​នេះ ត្រូវ​បាន​ចុះហត្ថលេខា​ជា​ផ្លូវការ​ដោយ លោក​បណ្ឌិត អេ​ន​តូ​នី ជី​ន អគ្គនាយក​ប្រតិបត្តិ​នៃ​ធនាគារ វឌ្ឍនៈ និង​លោក​បណ្ឌិត Khoo Chow Huat នាយក​គ្រប់គ្រង​មន្ទីរពេទ្យ Sunway ដែល​ធើ្វ​ឡើង​នៅ​សណ្ឋាគារ រ៉ូ​ស វូ​ដ ភ្នំពេញ នៃ​អគារ វឌ្ឍនៈ កាលពី​តា​ល់ ក្រោម​អធិបតីភាព ឯកឧត្តម​បណ្ឌិត Shaharuddin Onn ឯកអគ្គរដ្ឋទូត​វិសាមញ្ញ និង​ពេញ​សមត្ថភាព​របស់​ប្រទេស​ម៉ា​ឡេ​ស៊ី​ប្រចាំ​ព្រះរាជាណាចក្រ​កម្ពុជា ព្រមទាំង​មានការ​ចូលរួម​ពី​ថ្នាក់ដឹកនាំ​ជាន់ខ្ពស់ និង​តំណាង​មក​ពី​ស្ថាប័ន​ទាំង​ពីរ ​។

តាម​រយៈ​កិច្ច​សហប្រតិបត្ដិការ​នេះ អតិថិជន​ដែល​ប្រើប្រាស់​ប័ណ្ណ Visa របស់​ធនាគារ វឌ្ឍនៈ នឹង​ទទួល​បាន​អត្ថប្រយោជន៍​ពិសេស លើ​ការ​ថែទាំ​សុខភាព​នៅ​មន្ទីរពេទ្យ Sunway រួម​មានការ​បញ្ចុះតម្លៃ ១០% លើ​កញ្ចប់​ពិនិត្យ​សុខភាព ការ​បញ្ចុះតម្លៃ ១៥% លើ​ថៃ្ល​បន្ទប់​សម្រាក​ព្យាបាល​សម្រាប់​អ្នកជំងឺ សេវា​ដឹក​ជញ្ជូន​ពី​អាកាសយានដ្ឋាន​ដោយ​ឥត​គិត​ថៃ្ល​សម្រាប់​អតិថិជន​ពិសេស និង​អ្នកជំងឺ​សម្រាក​ព្យាបាល ព្រមទាំង​ការ​បញ្ចុះតម្លៃ​ជា​ពិសេស​លើ​ការ​ស្នាក់​នៅ​តាម​សណ្ឋាគារ​របស់ Sunway ដែល​បាន​ជ្រើសរើស​ផង​ដែរ ​។

ជា​ផ្នែក​មួយ​នៃ​កិច្ច​សហប្រតិបត្ដិការ​នេះ ស្ថាប័ន​ទាំង​ពីរ​ក៏​បាន​ឯកភាព​គ្នា​ជា​គោលការណ៍​ក្នុង​ការ​សហការ​លើ​នវានុវត្តន៍​និង​សិទ្ធិ​ផ្តាច់មុខ​ផ្សេង​ទៀត​សម្រាប់​អតិថិជន​ធនាគារ វឌ្ឍនៈ ផង​ដែរ​។
លោក​បណ្ឌិត អេ​ន​តូ​នី ជី​ន អគ្គនាយក​ប្រតិបត្តិ​នៃ​ធនាគារ វឌ្ឍនៈ បាន​មាន​ប្រសាសន៍​ថា កិច្ច​សហប្រតិបត្ដិការ​នេះ ឆ្លុះ​បញ្ចាំង​ពី​ការ​យកចិត្តទុកដាក់​របស់​ធនាគារ វឌ្ឍនៈ ចំពោះ​សុខុមាលភាព និង​ការ​រស់នៅ​ប្រកបដោយ​ផាសុកភាព​របស់​អតិថិជន និង​សហគមន៍ ​។

លោក​បណ្ឌិត​មាន​ប្រសាសន៍​បន្ថែម​ថា​៖ «​ក្រៅពី​សេវា​ធនាគារ និង​សុខុមាលភាព​ផ្នែក​ហិរញ្ញវត្ថុ យើង​ក៏​បាន​ផ្តោត​ក្នុង​ការ​លើកកម្ពស់​ការ​រស់នៅ​ប្រកបដោយ​គុណភាព និង​ការ​បំពេញតម្រូវការ​ប្រចាំ​ថ្ងៃ​របស់​អតិថិជន​ផង​ដែរ​។ តាម​រយៈ​កិច្ច​សហប្រតិបត្ដិការ​ជាមួយ​មន្ទីរពេទ្យ Sunway យើង​មាន​សេចក្តី​សោមនស្ស​រីករាយ​ក្នុង​ការ​ផ្តល់​ភាព​ងាយស្រួល​បន្ថែម​ដល់​ប្រជាជន​កម្ពុជា ក្នុង​ការ​ទទួល​បាន​សេវា​ថែទាំ​សុខភាព​ដែល​មានគុណ​ភាព ជា​ពិសេស​សម្រាប់​អ្នក​ដែល​ស្វែងរក​ការ​ព្យាបាល​នៅ​ក្រៅប្រទេស​»​។

លោក​បណ្ឌិត Khoo Chow Huat នាយក​គ្រប់គ្រង នៃ​មន្ទីរពេទ្យ Sunway បាន​មាន​ប្រសាសន៍​ថា​៖ «​នៅ​ពេល​ដែល​អ្នកជំងឺ​ត្រូវការ​ការ​ព្យាបាល ពួក​គេ​ច្រើន​ស្ថិត​ក្នុង​ស្ថានភាព​ដ៏​លំបាក និង​ងាយ​រង​គ្រោះ​បំផុត​។ ក្នុង​កាលៈទេសៈ​នេះ អ្វី​ដែល​សំខាន់​មិនមែន​មាន​តែ​ការ​ព្យាបាល​ប្រកបដោយ​គុណភាព​ប៉ុណ្ណោះ​ទេ ប៉ុន្តែ​ក៏​រួម​មាន​ភាព​ងាយស្រួល ទំនុកចិត្ត និង​ការ​យកចិត្តទុកដាក់​ផង​ដែរ​។ តាម​រយៈ​កិច្ច​សហប្រតិបត្ដិការ​នេះ យើង​មាន​គោលបំណង​ផ្តល់​នូវ​បទ​ពិសោធន៍​ថែទាំ​សុខភាព​ដែល​កាន់តែ​រលូន ប្រកបដោយ​ភាព​កក់ក្តៅ និង​ទំនុកចិត្ត ជូន​ដល់​គ្រួសារ​កម្ពុជា​»​ ។

ពិធី​ចុះហត្ថលេខា​នេះ ក៏​មានការ​ធើ្វ​បទ​បង្ហាញ​អំពី​សុខភាព ដោយ​អ្នកឯកទេស​នៃ​មន្ទីរពេទ្យ Sunway គឺ​លោក​វេជ្ជបណ្ឌិត Jeffrey Jeya Raj ទីប្រឹក្សា​ផ្នែក​វះកាត់​ឆ្អឹង និង​របួស ដែល​បាន​ចែករំលែក​ចំណេះដឹង​អំពី​ការ​ព្យាបាល និង​សេវា​ឯកទេស​ផ្នែក​ឆ្អឹង​របស់​មន្ទីរពេទ្យ Sunway ជូន​ដល់​ភ្ញៀវ​ដែល​បាន​ចូលរួម​។ តាម​រយៈ​កិច្ច​សហប្រតិបត្ដិការ​ជា​យុទ្ធសាស្ដ្រ​នេះ ស្ថាប័ន​ទាំង​ពីរ​មាន​គោលបំណង​ពង្រឹង​កិច្ច​សហប្រតិបត្តិការ​លើ​វិស័យ​សុខាភិបាល និង​សេវា​ហិរញ្ញវត្ថុ​ឆ្លង​ប្រទេស ព្រមទាំង​រួមចំណែក​លើកកម្ពស់​ការ​ទទួល​បាន​សេវា​ព្យាបាល​ប្រកបដោយ​គុណភាព និង​ផ្តល់​អត្ថប្រយោជន៍​យូរអង្វែង​ជូន​ដល់​អតិថិជន​។

អំពី​ធនាគារ វឌ្ឍនៈ
ធនាគារ វឌ្ឍនៈ ដែល​ស្ថិត​ក្រោម​វឌ្ឍនៈ គ្រុប គឺជា​ធនាគារពាណិជ្ជ​ក្នុងស្រុក ១០០% ដែល​ផ្តល់​ជូន​នូវ​ផលិតផល ក៏​ដូច​ជា​សេវាកម្ម​ហិរញ្ញវត្ថុ​យ៉ាង​ពេញលេញ រួម​មាន សេវា​ធនាគារ​ទូទៅ សហគ្រាស​ធុន​តូច និង​មធ្យម (SME) សេវា​ធនាគារ​សម្រាប់​សាជីវកម្ម សេវា​ពាណិជ្ជកម្ម​អន្តរជាតិ ការ​ទូទាត់​អេ​ឡិច​ត្រូ​និក សេវា Escrow និង​សេវា​ប្រមូលប្រាក់​ចំណូល ជាដើម​។ ធនាគារ វឌ្ឍនៈ បាន​ចាប់ផ្តើម​ប្រតិបត្តិការ​ក្នុង​ឆ្នាំ ២០០២ ដោយ​ឈរ​លើ​មូលដ្ឋាន​គ្រឹះ​ដ៏​រឹង​មាំ​នៃ​ឧត្តមភាព គុណភាព និង​ទំនុកចិត្ត​។ ធនាគារ វឌ្ឍនៈ បាន​បន្ត​បង្ហាញ​ពី​ការ​ប្តេជ្ញា​ចិត្ត​ក្នុង​ការ​អនុវត្ត​តាម​ស្តង់ដារ​អន្តរជាតិ ការ​ច្នៃប្រឌិត​ឌី​ជី​ថ​ល ការ​គ្រប់គ្រង​ហានិភ័យ​ប្រកបដោយ​ប្រសិទ្ធភាព សេវាកម្ម​អតិថិជន​ដ៏​ល្អ​ឥត​ខ្ចោះ ប្រកបដោយ​និរន្តរភាព​។ ចក្ខុវិស័យ “Phygital” របស់​ធនាគារ បាន​រួម​បញ្ចូល​គ្នា​យ៉ាង​រលូន​រវាង​ភាព​ទំនើប​នៃ​បច្ចេកវិទ្យា​ឌី​ជី​ថ​ល និង​ការ​ផ្តល់​សេវា​ផ្ទាល់​ប្រកបដោយ​ភាព​កក់ក្តៅ​។ មាន​ទីស្នាក់ការ​កណ្តាល​នៅ​អគារ វឌ្ឍនៈ កា​ពី​តា​ល់ ក្នុង​រាជធានី​ភ្នំពេញ ធនាគារ វឌ្ឍនៈ បន្ត​ពង្រីក​វត្តមាន និង​ជំរុញ​នវានុវត្តន៍​ក្នុង​វិស័យ​ធនាគារ​នៅ​កម្ពុជា តាម​រយៈ​សាខា​ចំនួន ៤១ នៅ​ទូ​ទាំង​ប្រទេស​។
ស្វែង​យល់​បន្ថែម​៖ https://qr.vattanacbank.com/D7KQ

អំពី​មន្ទីរពេទ្យ Sunway
មន្ទីរពេទ្យ Sunway គឺជា​មន្ទីរពេទ្យ​លំដាប់​ទី​១ នៅ​ប្រទេស​ម៉ា​ឡេ​ស៊ី ដែល​មាន​ភាព​ល្បីល្បាញ​ក្នុង​ការ​ព្យាបាល​ជំងឺមហារីក ជំងឺ​បេះដូង ជំងឺ​ឆ្អឹង និង​សន្លាក់ ប្រព័ន្ធ​រំលាយ​អាហារ ប្រព័ន្ធ​ប្រសាទ សុខភាព​ស្ត្រី និង​កុមារ ព្រមទាំង​ការ​វះកាត់​ដែល​មាន​ភាព​ស្មុគស្មាញ និង បាន​ផ្តល់​សេវា​ថែទាំ​សុខភាព​ជូន​អ្នកជំងឺ​អន្តរជាតិ​អស់​រយៈពេល​ជាង ២០ ឆ្នាំ​មក​ហើយ​។ ទោះបី​ធ្លាប់​ផ្តល់​សេវា​ព្យាបាល​ជូន​អ្នកជំងឺ​កម្ពុជា​កន្លង​មក​ក៏​ដោយ ប៉ុន្ដែ​នេះ​គឺជា​លើក​ដំបូង​ដែល​មន្ទីរពេទ្យ Sunway បាន​ពង្រីក​វត្ដមាន​ជា​ផ្លូវការ មក​កាន់​ព្រះរាជាណាចក្រ​កម្ពុជា​។ បន្ថែម​ពី​នេះ មន្ទីរពេទ្យ Sunway ក៏​ជា​មន្ទីរពេទ្យ​ឯកជន​ដំបូង​គេ​នៅ​ប្រទេស​ម៉ា​ឡេ​ស៊ី ដែល​ទទួល​បានការ​ទទួលស្គាល់​ស្តង់ដារ​គុណភាព​ថ្នាក់​អន្តរជាតិ​ចំនួន​បី រួម​មាន Joint Commission International (JCI), Australian Council on Healthcare Standards (ACHS) និង Malaysian Society for Quality in Health (MSQH)​។
ស្វែង​យល់​បន្ថែម​៖ https://www.sunwaymedicalinternational.com ៕ អត្ថបទសហការ