សង្គ្រាមអ៉ីរ៉ង់ ៖ ចាប់តាំងពីថ្ងៃទី២៨ កុម្ភៈ មក អាមេរិកនិងអ៉ីស្រាអែលបានរួមគ្នា ធ្វើសង្គ្រាមប្រឆាំងអ៉ីរ៉ង់ដែលបានតបតវិញ ដោយវាយប្រហារលើប្រទេសជាច្រើនក្នុងតំបន់ឈូងសមុទ្រពែរ្ស៍ ដែលមានមូលដ្ឋាយោធាអាមេរិក។ ជម្លោះតំបន់នោះបណ្ដាលឲ្យមនុស្សស្លាប់ច្រើនពាន់នាក់រួចហើយ។…
សង្គ្រាមអ៉ីរ៉ង់ ៖ ចាប់តាំងពីថ្ងៃទី២៨ កុម្ភៈ មក អាមេរិកនិងអ៉ីស្រាអែលបានរួមគ្នា ធ្វើសង្គ្រាមប្រឆាំងអ៉ីរ៉ង់ដែលបានតបតវិញ ដោយវាយប្រហារលើប្រទេសជាច្រើនក្នុងតំបន់ឈូងសមុទ្រពែរ្ស៍ ដែលមានមូលដ្ឋាយោធាអាមេរិក។ ជម្លោះតំបន់នោះបណ្ដាលឲ្យមនុស្សស្លាប់ច្រើនពាន់នាក់រួចហើយ។
មកពីមានការរិតត្បិតចំពោះសារព័ត៌មាន គេមិនអាចធ្វើការត្រួតពិនិត្យ ដោយឯករាជ្យលើបណ្ដាតុល្យការដែលទទួលបានឡើយ ។ តួលេខនេះ ផ្អែកលើរបាយការណ៍របស់រដ្ឋាភិបាល កងទ័ព អាជ្ញាធរសុខាភិបាល និងបណ្ដាអង្គការសង្គ្រោះរបស់បណ្ដារដ្ឋដែលទាក់ទិន។ អ៉ីរ៉ង់និងលីបង់មានជនរងគ្រោះច្រើនជាងគេ ។
រដ្ឋាភិបាលអ៉ីរ៉ង់់មិនបានផ្ដល់តួលេខសកលណាមួយឡើយ រយៈពេលប៉ុន្មានថ្ងៃចុងក្រោយនេះ តែអង្គការក្រៅរដ្ឋាភិបាលមួយមានមូលដ្ឋាននៅអាមេរិករាយការណ៍ថា មកដល់ថ្ងៃទី២១ មីនា ចំនួនមនុស្សស្លាប់ក្នុងសង្គ្រាមនោះ កើនដល់់យ៉ាងតិច៣២៣០នាក់ ដោយជនស៊ីវិលមាន១៤០៦នាក់ ក្នុងនោះ មានកុមាតយ៉ាងតិច២១០នាក់។ ទាហានស្លាប់មាន១១៦៧នាក់ ហើយមនុស្ស៦៥៧នាក់មិនច្បាស់ជាយោធាឬស៊ីវិល ។
តាមក្រសួងសុខាភិបាលលីបង់ថា មនុស្ស១០២៩នាក់ត្រូវស្លាប់ តាំងពីចាប់ផ្ដើមការប្រយុទ្ធគ្នារវាងអ៉ីស្រាអែល និងពួកហេសប៊ុលឡាហ៍លីបង់ស្និទ្ធអ៉ីរ៉ង់ពីថ្ងៃទី២ មីនា មក។ ក្នុងចំណោមអ្នកស្លាប់ទាំងនេះ មានកុមារ១១៨នាក់ និងបុគ្គលិកសុខាភិបាល៤០នាក់ ។ ក្រៅពីអ្នកស្លាប់មនុស្ស២៧៨៦នាក់ទៀតរងរបួស។
កងទ័ពលីបង់លើកឡើងថា ទាហានរបស់ខ្លួន៦នាក់ក៏ត្រូវស្លាប់ដែរ ។ ចំណែកភ្នាក់ងារសង្គ្រោះនិងអាជ្ញាធរអ៉ីស្រាអែលរៀបរាប់ពីជនស៊ីវិលស្លាប់១៦នាក់ ក្នុងនោះ ១៥នាក់ដោយសារការបាញ់
មីស៊ីលរបស់អ៉ីរ៉ង់៕
ចែករំលែកព័តមាននេះ