សង្គ្រាមអ៉ីរ៉ង់ ៖ សង្គ្រាមនៅអ៉ីរ៉ង់មកដល់ថ្ងៃទី២៤ មីនា ឈានចូលដល់ថ្ងៃទី២៥ហើយ ។ ប្រធានាធិបតីអាមេរិក លោកដូណាល់ត្រាំគូសបញ្ជាក់ក្នុងសារមួយចេញផ្សាយតាមបណ្ដាញសង្គមTRUTH SOCIALរបស់លោក កាលពីថ្ងៃទី២៣…
សង្គ្រាមអ៉ីរ៉ង់ ៖ សង្គ្រាមនៅអ៉ីរ៉ង់មកដល់ថ្ងៃទី២៤ មីនា ឈានចូលដល់ថ្ងៃទី២៥ហើយ ។ ប្រធានាធិបតីអាមេរិក លោកដូណាល់ត្រាំគូសបញ្ជាក់ក្នុងសារមួយចេញផ្សាយតាមបណ្ដាញសង្គមTRUTH SOCIALរបស់លោក កាលពីថ្ងៃទី២៣ មីនា ថា រយៈពេល២ថ្ងៃចុងក្រោយនេះ មានការពិភាក្សាគ្នាប្រកបដោយផ្លែផ្កា និងស្ថាបនាបំផុតជាមួយអ៉ីរ៉ង់ ដើម្បីស្វែងរកដំណោះស្រាយពេញលេញ និងជាស្ថាពរមួយនៃការប្រទូស្តរ៉ាយរបស់យើងនៅមជ្ឈឹមបូព៌ា ។
លោកត្រាំក៏អះអាងផងដែរថា បានណែនាំដល់ក្រសួងសង្គ្រាមអាមេរិក ឲ្យពន្យារពេលរាល់ការវាយប្រហារខាងយោធាប្រឆាំងបណ្ដាមជ្ឈមណ្ឌលអគ្គិសនី និងបណ្ដាហេដ្ឋារចនាសម្ព័ន្ធថាមពលអ៉ីរ៉ង់ សម្រាប់រយៈពេល៥ថ្ងៃដែលទាំងអស់នោះ អាចផ្ដល់ក្ដីសង្ឃឹមដល់ជោគជ័យនៃកិច្ចប្រជុំនិងការពិភាក្សាដែលកំពុងធ្វើ ។ លោកបញ្ជាក់ថា ការពិភាក្សាជាមួយអ៉ីរ៉ង់នឹងបន្តក្នុងសប្ដាហ៍នេះ និងថា ការពិភាក្សាទាំងនោះ ក៏ផ្ដោតលើការបញ្ឈប់ទាំងស្រុង និងជាស្ថាពរការប្រទូស្តរ៉ាយគ្នា ។
ប្រធានាធិបតីអាមេរិកមុននេះ បានបញ្ជូនឱសានវាទមួយទុកពេលត្រឹម៤៨ម៉ោង គឺដល់យប់ថ្ងៃទី២៣មីនា ឲ្យអ៉ីរ៉ង់បើកច្រកសមុទ្រហ័រមូស ដោយគំរាមវាយប្រហារកម្ទេចបណ្ដាមជ្ឈមណ្ឌលអគ្កិសនីអ៉ីរ៉ង់។ ដោយសារការប្រកាសនោះ របស់លោកត្រាំ នាថ្ងៃទី២៣មីនា នាំឲ្យតម្លៃប្រេងធ្លាក់ចុះវិញភ្លាមៗមុនឡើងថ្លែវិញក្រោយពីអ៉ីរ៉ង់បដិសេធថា មិនមានការពិភាក្សាគ្នានោះឡើយ។ លោកត្រាំក៏គំរាមផងដែរ បន្តវាយប្រហារខ្លាំងក្លាលើអ៉ីរ៉ង់់ប្រសិនបើការពិភាក្សាបរាជ័យ។ លោកត្រាំក៏និយាយដែរថា យើងចង់បានអ៊ុយរ៉ានីញ៉ូមចម្រាញ់របស់អ៉ីរ៉ង់ តែមិនបញ្ជាក់ថា តើយកដោយវិធីណា
ឡើយ។
ចំពោះការលើកឡើងនេះរបស់លោកត្រាំ ដែលថា ប្រធានសភាអ៉ីរ៉ង់លោកម៉ូហាម៉ាដបាក់ម័រហ្គាលីបាស់ ពិភាក្សាជាមួយបេសកកជនអាមេរិកលោក STEVE FITKOFF និងលោកJARED KUSHNER តែប្រធានសភាអ៉ីរ៉ង់រូបនោះបានបដិសេធថា ពុំមានការពីភាក្សាគ្នាណាមួយ ត្រូវបានធ្វើជាមួយអាមេរិកឡើយ។ លោកថា ព័ត៌មានបំភ្លៃបែបនេះ ត្រូវបានប្រើដើម្បីបោកប្រាស់ទីផ្សារហិរញ្ញវត្ងុនិងទីផ្សារប្រេងនិងចង់ចាកចេញពីការជាប់ផុង របស់អាមេរិក និងអ៉ីស្រាអែលតែប៉ុណ្ណោះ។
ចំណែកក្រសួងការបរទេសអ៉ីរ៉ង់វិញនាថ្ងៃទី២៣ មីនា ក៏បានបដិសេធ រាល់ការចរចាជាមួយអាមេ
រិក ក្នុងអំឡុអពេលនៃសង្គ្រាមនោះដែលឈានដល់ថ្ងៃទី២៥ ហើយ។ ទោះបីយ៉ាងណា ក្រសួងនោះក៏ទទួលស្គាល់ដែរថា បានទទួលតាមរយៈបណ្ដាប្រទេសជាមិត្ត នូវសំណើចរចារបស់អាមេរិកដើម្បីបញ្ចប់ជម្លោះ ៕
ចែករំលែកព័តមាននេះ