រាជធានីភ្នំពេញ ៖ តារាកំប្លែងអ្នកនាង ប៉េង ប៉ោង បានប្រកាសលក់ផ្ទះជាបន្ទាន់ ដើម្បីយកប្រាក់ទៅព្យាបាលជំងឺម្តាយដែលកំពុងសង្គ្រោះបន្ទាន់នៅក្នុងមន្ទីរពេទ្យកាល់ម៉ែត្រ ខណៈពេលដែលស្ថានភាពរបស់ម្តាយរបស់នាង ស្ថិតក្នុងស្ថានភាពគួរឲ្យព្រួយបារម្ភយ៉ាងខ្លាំង ។…
រាជធានីភ្នំពេញ ៖ តារាកំប្លែងអ្នកនាង ប៉េង ប៉ោង បានប្រកាសលក់ផ្ទះជាបន្ទាន់ ដើម្បីយកប្រាក់ទៅព្យាបាលជំងឺម្តាយដែលកំពុងសង្គ្រោះបន្ទាន់នៅក្នុងមន្ទីរពេទ្យកាល់ម៉ែត្រ ខណៈពេលដែលស្ថានភាពរបស់ម្តាយរបស់នាង ស្ថិតក្នុងស្ថានភាពគួរឲ្យព្រួយបារម្ភយ៉ាងខ្លាំង ។
តារាកំប្លែងរូបនេះ បានប្រកាសពីដំណឹងម្តាយរបស់នាងបានចូលមន្ទីរពេទ្យសង្គ្រោះបន្ទាន់ កាលពីថ្ងៃទី២២ ខែមីនា ឆ្នាំ២០២៦ ដែលធ្វើឲ្យមហាជន ជាពិសេស បណ្តាអ្នកសិល្បៈដូចគ្នាសម្តែងក្តីបារម្ភ និងក្តីអាណិតអាសូរទៅដល់តារារូបនេះ ។
ជាមួយរូបភាពម្តាយកំពុងសង្គ្រោះនៅក្នុងមន្ទីរពេទ្យបង្ហោះលើបណ្តាញសង្គម អ្នកនាង ប៉េង ប៉ោង បានភ្ជាប់ជាមួយសំណេរថា នាងខ្ញុំប៉េង ប៉ោង🙏😭ត្រូវការលក់ផ្ទះជាបន្ទាន់😭ដើម្បីយកលុយព្យាបាលជំងឺរប់ស់អ្នកម្ដាយដែលកំពុងសង្គ្រោះបន្ទាន់😭😭នៅមុន្ទីពេទ្យកាលម៉ែត សូមពុកម៉ែបងប្អូនជួយទិញផ្ទះនាងខ្ញុំផង🙏🙏😭😭លេខទូរសព្ទ័របស់នាងខ្ញុំ 0125 53865 / 098429165 ។
ដោយឡែក បើយោងតាមកិច្ចសម្ពាសន៍តាមរយៈបណ្តាញសារព័ត៌មានក្នុងស្រុកអ្នកនាង ប៉េង ប៉ោង បានឲ្យដឹងថា ម្តាយរបស់នាងមានជំងឺច្រើនមុខ ហើយនៅមុនពេលដែលនាងបញ្ជូនម្តាយមកកាន់មន្ទីរពេទ្យនេះ គឺគាត់បានដួល ដែលនាងសង្ស័យថា ម្តាយអាចដាច់សសៃឈាមខួរ
ក្បាល ។
នាងបន្តថា រហូតមកទល់នាពេលនេះ ម្តាយរបស់នាងមិនអាចកម្រើកខ្លួនបានមួយចំហៀងខ្លួនឡើយ ខណៈពេលដែលជាតិស្ករក្នុងខ្លួនរបស់គាត់ក៏បានឡើងខ្លាំងដែរ ដែលនាំឲ្យនាងមានការព្រួយបារម្ភយ៉ាងខ្លាំងពីស្ថានភាពរបស់ម្តាយនាពេលនេះ ។
អ្នកនាងបញ្ជាក់ថា ដោយសារស្ថានភាពជំងឺម្តាយរបស់នាងមានសភាពធ្ងន់ធ្ងរ ដែលត្រូវទាមទារនូវការព្យាបាលនោះ ហេតុនេះនាងត្រូវតែសម្រេចចិត្តលក់ផ្ទះដែលជំរក និងកេរ្តិ៍ដែលសល់ពីឪពុករបស់នាង គឺលោកវីតាមីនសេ ។
អ្នកនាង ប៉េង ប៉ោង បានបន្ថែមថា អំឡុងពេលនេះ នាងមិនមានសល់អ្វីទេ គឺមានតែផ្ទះនេះ ដែលអាចឲ្យនាងដោះស្រាយ ព្រោះពេលដែលយើងមានលុយនៅក្នុងដៃ គឺយើងមិនបារម្ភឡើយ ព្រោះបើពេទ្យត្រូវការឲ្យយើងវះកាត់ភ្លាមៗ ឬក៏ចេញទៅក្រៅនោះគឺយើងអាចមានលុយភ្លាមៗ ។
យ៉ាងណា បើតាមអ្នកនាង ប៉េង ប៉ោង ស្ថិតក្នុងស្ថានភាពដ៏បាកនេះក៏ដោយ អ្នកនាងមិនបានដាច់ចិត្តសុំជំនួយពីសប្បុរសជនឡើយ ព្រោះខ្លាចការរិះគន់ពីមហាជន ហេតុនេះនាងក៏សម្រេចចិត្តដាក់លក់ផ្ទះឡៃឡុងដែលជាកេរ្តិ៍របស់ឪពុកនាងតែម្តង ៕
ចែករំលែកព័តមាននេះ