រាជធានីភ្នំពេញ ៖ ក្នុងស្មារតីយកចិត្តទុកដាក់ខ្ពស់លើសុវត្ថិភាព និងការរស់នៅរបស់ប្រជាពលរដ្ឋ លោក ហេង រតនា ប្រកាសថា កងកម្លាំងស៊ីម៉ាក់កំពុងបន្តបេសកកម្មយ៉ាងសកម្មក្នុងការរុករក និងបោសសម្អាតគ្រាប់សំណល់យុទ្ធភណ្ឌសង្គ្រាម…
រាជធានីភ្នំពេញ ៖ ក្នុងស្មារតីយកចិត្តទុកដាក់ខ្ពស់លើសុវត្ថិភាព និងការរស់នៅរបស់ប្រជាពលរដ្ឋ លោក ហេង រតនា ប្រកាសថា កងកម្លាំងស៊ីម៉ាក់កំពុងបន្តបេសកកម្មយ៉ាងសកម្មក្នុងការរុករក និងបោសសម្អាតគ្រាប់សំណល់យុទ្ធភណ្ឌសង្គ្រាម ដែលនៅសេសសល់ពីសម័យកាលជម្លោះនៅតាមតំបន់គោលដៅសំខាន់ៗ ។
ជាក់ស្តែង លោក ហេង រតនា អគ្គនាយកស៊ីម៉ាក់ បានប្រកាសនាថ្ងៃទី១៨ ខែកុម្ភៈ ឆ្នាំ២០២៦នេះថា ៖ កងកម្លាំងCMAC បន្តជំរុញការបោសសម្អាតគ្រាប់សំណល់យុទ្ធភណ្ឌសង្គ្រាមសៀមឈ្លានពាន តាមតំបន់លំនៅដ្ឋានរបស់ប្រជាពលរដ្ឋ ដែលរងការបំផ្លិចបំផ្លាញដោយសារសង្គ្រាម ស្របតាមគោលដៅរបស់សម្តេចធិបតី ប្រមុខរាជរដ្ឋាភិបាលដែលបានដាក់ចេញនូវបទបញ្ជាឱ្យធ្វើសកម្មភាពចាំបាច់ ជាអាទិភាពសម្រាប់ធានាជូនប្រជាពលរដ្ឋក្នុងការវិលត្រឡប់ទៅលំនៅដ្ឋានវិញប្រកបដោយសុវត្ថិភាព ។
សូមបញ្ជាក់ថា កងកម្លាំង CMAC នៅតែបន្តខិតខំប្រឹងប្រែងទាំងយប់ទាំងថ្ងៃ ដោយប្រើប្រាស់នូវបច្ចេកទេសទំនើប និងកម្លាំងជំនាញ ដើម្បីសម្រេចឱ្យបាននូវផែនការមេរបស់រាជរដ្ឋាភិបាល ។
លោក ហេង រតនា ក៏បានអំពាវនាវដល់បងប្អូនប្រជាពលរដ្ឋឱ្យមានការប្រុងប្រយ័ត្នខ្ពស់ និងផ្តល់ព័ត៌មានជាបន្ទាន់ដល់សមត្ថកិច្ច ប្រសិនបើបានជួបប្រទះនូវវត្ថុដែលមានការសង្ស័យថាជាយុទ្ធភណ្ឌសង្គ្រាម ដើម្បីបញ្ចៀសនូវគ្រោះថ្នាក់ជាយថាហេតុ៕
ចែករំលែកព័តមាននេះ