រាជធានីភ្នំពេញ ៖ ប្រជាពលរដ្ឋចំនួន៤១គ្រួសាររស់នៅភូមិព្រែកតានប់ និងភូមិកំពង់ស្វាយ ឃុំកំពង់ស្វាយ ស្រុកកៀនស្វាយ បានលើកគ្នាមកតវ៉ានៅកណ្តាលដីព្រៃ ស្ថិតក្នុងភូមិសាស្ត្រខាងលើនេះ ក្នុងគោលបំណងទាមទារស្នើសុំឱ្យអាជ្ញាធរមូលដ្ឋានស្រុក ខេត្តជួយមានវិធានការទប់ស្កាត់កុំឱ្យឈ្មោះគ្រី ឡោ រំលោ.ភបំពានយកដី
រាជធានីភ្នំពេញ ៖ ប្រជាពលរដ្ឋចំនួន៤១គ្រួសាររស់នៅភូមិព្រែកតានប់ និងភូមិកំពង់ស្វាយ ឃុំកំពង់ស្វាយ ស្រុកកៀនស្វាយ បានលើកគ្នាមកតវ៉ានៅកណ្តាលដីព្រៃ ស្ថិតក្នុងភូមិសាស្ត្រខាងលើនេះ ក្នុងគោលបំណងទាមទារស្នើសុំឱ្យអាជ្ញាធរមូលដ្ឋានស្រុក ខេត្តជួយមានវិធានការទប់ស្កាត់កុំឱ្យឈ្មោះគ្រី ឡោ រំលោភបំពានយកដីបង្កបង្កើនផលរបស់ពួកគាត់ចំនួន៣០ហិកតា ដែលពួកគាត់បានគ្រប់គ្រងអាស្រ័យផលតាំងពីឆ្នាំ១៩៨៤ មកម្ល៉េះ។ ការលើកគ្នាមកតវ៉ានេះ បានកើតមានឡើងនៅព្រឹកថ្ងៃទី២០ កក្កដា ឆ្នាំ២០១១ ។
ក្រុមប្រជាពលរដ្ឋបានលើកឡើងថា ឈ្មោះគ្រី ឡោ បានខ្ចីដីរបស់ពួកគាត់សម្រាប់ចិញ្ចឹមពពែនារដូវប្រាំង លុះដល់រដូវវស្សាគាត់អនុញ្ញាតឱ្យប្រជាពលរដ្ឋចូលដាំដុះបន្លែបង្ការ ដើម្បីដោះស្រាយជីវភាពរស់នៅប្រចាំថ្ងៃ ។ ប៉ុន្តែចាប់តាំងពីឆ្នាំ២០០៥ មកដល់ឆ្នាំ២០១១ នេះ មានរយៈពេល៦ឆ្នាំហើយដែលឈ្មោះគ្រី ឡោ ពុំព្រមប្រគល់ដីឱ្យប្រជាពលរដ្ឋចូលទៅប្រកបរបរដាំដុះនៅលើដីរបស់ពួកគាត់តទៅទៀតឡើយ ។ ដោយសារតែបញ្ហានេះ ហើយទើបក្រុមប្រជាពលរដ្ឋបានសម្រេចលើកគ្នាមកកាន់ទីតាំងដីទំនាស់នេះ ដើម្បីឱ្យឈ្មោះគ្រី ឡោ ចេញមុខមកដោះស្រាយជាមួយពួកគាត់ ។ ជាមួយគ្នានេះដែរ ប្រជាពលរដ្ឋបានទាមទារយ៉ាងទទូចសុំចូលទៅប្រកបរបរដាំដុះបន្លែបង្ការផ្សេងៗនៅលើទីតាំងដីខាងលើនេះ ដោយសុំឱ្យអាជ្ញាធរឃុំស្រុកជួយដឹងឮ និងការពារពួកគាត់ទាំង៤១គ្រួសារផង ។ ក្នុងករណីដែលឈ្មោះគ្រី ឡោ និងរដ្ឋអំណាចមូលដ្ឋានមិនជួយដោះស្រាយជូនពួកគាត់ទេ គឺពួកគាត់នឹងត្រៀមឯកសារប្តឹងឈ្មោះគ្រី ឡោ ទៅសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាឱ្យជួយអន្តរាគមន៍ដោះស្រាយបញ្ចប់នូវទំនាស់ដីធ្លីដ៏រុាំរ៉ៃនេះជូនពួកគាត់ជាម្ចាស់ឆ្នោតមិនខាន ៕
ចែករំលែកព័តមាននេះ