រាជធានី​ភ្នំពេញ​ ៖ មាតាបិតា​ខ្លះ​អាច​នឹង​កំពុង​ជួប​បញ្ហាក្នុង​ការ​ចិញ្ចឹម​បីបាច់​ថែរក្សា​កូន​ៗ ដូចនេះ​ដើម្បី​ជា​ចំណេះដឹង​ដ៏​ទូលំទូលាយ ផ្តល់​ជូន​មាតាបិតា សាលា​អន្ដរជាតិ​គ្រី​ន​ហ្វៀ​ល​ (Greenfield International School) បាន​រៀបចំ​សិក្ខាសាលា​មួយ ស្តី​អំពី «​ស្វែង​យល់​អំពី​អាថ៌​កំបាំង​ចិញ្ចឹម​កូន​ៗ ប្រកបដោយ​ទំនុកចិត្ត និង​រីករាយ ​!» ដោយ​មាន​វាគ្មិន​កិត្តិយស ​គឺ លោកស្រី Karen Robinson ដែល​ជា​គ្រូ​បណ្តុះបណ្តាល និង​អ្នក​ផ្ដល់​យុទ្ធសាស្ត្រ​អាជីវកម្ម​អន្តរជាតិ​ ។

តាម​រយៈ​លោក លី ចាន់​ណា​រិ​ទ្ធ នាយក​ប្រតិបត្តិ សាលា​អន្ដរជាតិ​គ្រី​ន​ហ្វៀ​ល បានឱ្យ​ដឹង​នៅ​ថ្ងៃ​ទី ​០៨ ខែវិច្ឆិកា ឆ្នាំ​២០២៥ នេះ​ថា កម្មវិធី​នេះ នឹង​ផ្តល់​នូវ​ចំណេះដឹង​ជូន​មាតាបិតា ដែល​កំពុង​ជួប​ប្រទះ​នឹង​បញ្ហា​នានាក្នុង​ពេល​ដែល​ពួក​គាត់​ចិញ្ចឹម​កូន​ៗ​តូច​ៗ ​។

លោក លី ចាន់​ណា​រិ​ទ្ធ បន្ត​ថា​ ៖ «​ជា​ទូទៅ​នៅ​ពេល​ដែល​មនុស្ស​គ្រប់​រូប​និយាយ​អំពី​ធនធានមនុស្ស គឺ​ផ្តោត​ទៅ​លើ​តែ​ក្នុង​សាលា​មួយ​មុខ​គត់​ ។ គាត់​គិត​ថា ការ​អប់រំ​ គឺ​ចាប់ផ្តើម​ពី​ក្នុង​សាលា​ទៅ​ ។ ពេល​ដែល​ដាក់​កូន​នៅ​ក្នុង​សាលា​គឺ ដឹង​តែ​ចេះ ដឹង​តែ​ជោគជ័យ ដឹង​តែ​កូន​ក្លាយជា​ធនធាន​ដ៏​ល្អ​ហើយ​ ។ ប៉ុន្តែ​តាម​ពិត ប្រសិនបើ​យើង​មើល​ឲ្យ​បាន​ធំ​ទៅ​ដល់​ការ​វិវត្តន៍​អំពី​កុមារ​វិញ ការណ៍​ដែល​យើង​ត្រៀម​ចង់បាន​ធនធាន​ដ៏​ល្អសម្រាប់​ក្រុម​គ្រួសារ​របស់​យើង សម្រាប់​សង្គម​ជាតិ​របស់​យើង សម្រាប់ពិភពលោក​របស់​យើង គឺ​ផ្តើម​ចេញ​តាំងពី​ផែនការ​ក្នុង​ការយ​កកូន​មក​ម្ល៉េះ​» ។

នៅ​ក្នុង​ការ​ចែករំលែក​អំពី​សិក្ខាសាលា លោកស្រី Karen Robinson បាន​ផ្តល់​ចំណេះដឹង និង​គន្លឹះ​សំខាន់​ៗ ដូចនេះ​ថា​ ៖

• ថា​តើ​ពាក្យ​សម្ដី​អាច​មាន​ឥទ្ធិពល​ដល់​ភាព​ជឿជាក់ និង​អ​កប្ប​កិរ​យារ​បស់​កូន​ៗ​ដូច​ម្តេច​ខ្លះ
• របៀប​គាំទ្រ​គ្នា​ទៅ​វិញ​ទៅ​មក និង​បង្កើត​ភាព​ចុះសម្រុង​ក្នុង​គ្រួសារ
• វិធីសាស្ត្រ ១០ យ៉ាង ដើម្បី​ចិញ្ចឹម​កូន​ឲ្យ​មាន​ភាព​សប្បាយ​រីករាយ ជោគជ័យ និង​មាន​សីលធម៌​ល្អ
• វិធី​បង្កើត​បរិយាកាស​គ្រួសារ​ឲ្យ​កាន់តែ​មាន​សេចក្តីសុខ សុភមង្គល និង​មាន​គោលដៅ
• វិធី​ដឹកនាំ​គ្រួសារ​ដោយ​ក្ដី​ស្រឡាញ់ ជា​ជាង​ការ​ដាក់​សម្ពាធ ។

សូម​ជម្រាប​ថា សាលា​អន្ដរជាតិ​គ្រី​ន​ហ្វៀ​ល (Greenfield International School) ផ្ដល់​ជូន​កម្មវិធី​សិក្សា ៣​ភាសា រួម​មាន​ ៖ ភាសា​ខ្មែរ អង់គ្លេស និង​ភាសា​ចិន​ ។ ចំពោះ​កម្មវិធី​សិក្សា​ជាតិ ស្រប​តាម​ក្រសួង​អប់រំ កម្មវិធី​សិក្សា​អន្តរជាតិ​មានការ​ទទួលស្គាល់​ដោយ Cambridge (​ខេ​ម​ប្រ៊ី​ជ​) និងភាសា​ចិន ​។

ហើយ​បច្ចុប្បន្ន​នេះ សាលា មាន​ ២​ទីតាំង ទីតាំង​ទី ​១ នៅ​សាខា​ឫស្សី​កែវ និង​ទីតាំង​ទី ​២ នៅ​សាខា​មាន​ជ័យ ​។ ប្រូ​ម៉ូ​សិន របស់​សាលា សម្រាប់​ការ​ចុះ​ឈ្មោះ​ក្នុង​ពេល​ឥឡូវនេះ​ ! លោក លោកស្រី នឹង​ទទួល​បានការ​បញ្ចុះតម្លៃ​រហូត​ដល់ ២៥% រយៈពេល ​៥​ឆ្នាំ និង ​១៥% រហូត​ដល់​ចប់​ថ្នាក់​ទី ១២​ ។

សាលា​ទទួល​ចុះ​ឈ្មោះ​សិស្សានុសិស្ស ចាប់ពី​អាយុ​ ២​ឆ្នាំ​ឡើង​ទៅ សម្រាប់​ព័ត៌មានលម្អិត អំពី​ការ​ចុះ​ឈ្មោះ​ចូល​រៀន​ ៖
-​សាខា​ឬ​ស្សី​កែវ ​៖ » Cellcard: 089 777 138 (Phone & Telegram), Smart: 098 777 138, Metfone: 068 777 138​ ។
-​សាខា​មាន​ជ័យ​ ៖ Cellcard: 099 777 138 (Phone & Telegram), Smart: 087 777 138, Metfone: 066 777 138 ៕ អត្ថបទ​សហការ