កោះកុង៖ ទារិកាទើបកើត១៥ថ្ងៃ ពុំមានកែវភ្នែកសងខាង ទទួលបានថិការួមទាំងគ្រឿងឧបភោគបរិភោគពីអាជ្ញាធរក្នុងខេត្តកោះកុង។

យោងតាមការចុះផ្សាយរបស់រដ្ឋបាលខេត្តកោះកុង បានឱ្យដឹងថានារសៀលថ្ងៃទី២៨ ខែសីហា ឆ្នាំ២០២៥ ​ លោក គង់ សំរិទ្ធ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកោះកុង បានដឹកនាំមន្ត្រីចំនួន ០៣រូប ចុះសួរសុខទុក្ខគ្រួសារកុមារី រ.ស.ម.ល. ដែលទើបតែកើតរយៈពេល ១៥ថ្ងៃ មានពិការភាព (ពុំមានកែវភ្នែកសងខាង) ពីកំណើត ស្ថិតនៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

ការចុះសួរសុខទុក្ខនេះមានការចូលរួមពីតំណាងរដ្ឋបាលឃុំប៉ាក់ខ្លង និងអាជ្ញាធរមូលដ្ឋានផងដែរ។

ទន្ទឹមនឹងនោះមន្ទីរសង្គមកិច្ចខេត្ត បានឧបត្ថម្ភថវិកា​មួយចំនួន​និងគ្រឿងឧបភោគបរិភោគមួយចំនួនទៀត៕