ADផ្ទាំងផ្សព្វផ្សាយពាណិជ្ជកម្ម

Picture

លោក​ត្រាំ​ថា​រុស្ស៊ី​ និង​អ៊ុយ​ក្រែន​អាច​នឹង​ដោះ​ដូរ​ទឹក​ដី​គ្នា​ទៅ​វិញ​ទៅ​មក

1 ម៉ោង មុន

ទី​ក្រុង​វ៉ាស៊ីនតោន៖ លោក​ត្រាំ​ថ្លែង​ថា​នៅ​ក្នុង​ការ​ចរ​ចា​សន្តិ​ភាព​រវាង​រុស្ស៊ី​ និង​អ៊ុយ​ក្រែន​លើក​នេះ​ត្រូវ​មាន​ការ​ដោះ​ដូរ​ទឹក​ដី​គ្នា​ខ្លះ​។ លោក​ថ្លែង​ដូច្នេះមុន​គម្រោង​ជួប​គ្នា​កម្រិត​កំពូល​រវាង​លោក និង​លោក​ពូទីន​​នៅ​ថ្ងៃ​ទី​១៥ ខែ​សីហា​។ ប្រេសិត​ពិសេស​របស់​លោក​ត្រាំ​ លោក​ស្ទីវ​វីត​ខូស​ ​ទើប​តែជួប​គ្នា​ជា​មួយ​លោក​ពូទីន​​កាល​ពី​ប៉ុន្មាន​ថ្ងៃ​មុន​នេះ​ចំ​ពេល​ដែល​អាមេរិក​បន្ត​ដាក់​សម្ពាធ​ និង​ត្រៀម​ចាត់​ការ​ក្រុម​ប្រទេស​ដែល​ទិញ​ប្រេង​ឆៅ​ពី​រុស្ស៊ី​។…

ទី​ក្រុង​វ៉ាស៊ីនតោន៖ លោក​ត្រាំ​ថ្លែង​ថា​នៅ​ក្នុង​ការ​ចរ​ចា​សន្តិ​ភាព​រវាង​រុស្ស៊ី​ និង​អ៊ុយ​ក្រែន​លើក​នេះ​ត្រូវ​មាន​ការ​ដោះ​ដូរ​ទឹក​ដី​គ្នា​ខ្លះ​។ លោក​ថ្លែង​ដូច្នេះមុន​គម្រោង​ជួប​គ្នា​កម្រិត​កំពូល​រវាង​លោក និង​លោក​ពូទីន​​នៅ​ថ្ងៃ​ទី​១៥ ខែ​សីហា​។ ប្រេសិត​ពិសេស​របស់​លោក​ត្រាំ​ លោក​ស្ទីវ​វីត​ខូស​ ​ទើប​តែជួប​គ្នា​ជា​មួយ​លោក​ពូទីន​​កាល​ពី​ប៉ុន្មាន​ថ្ងៃ​មុន​នេះ​ចំ​ពេល​ដែល​អាមេរិក​បន្ត​ដាក់​សម្ពាធ​ និង​ត្រៀម​ចាត់​ការ​ក្រុម​ប្រទេស​ដែល​ទិញ​ប្រេង​ឆៅ​ពី​រុស្ស៊ី​។

ចំពោះ​សំណួ​រថា​តើ​លោក​ហ្សេឡិន​ស្គី​ដែល​ជា​តួ​អង្គ​សំខាន់​ម្នាក់​ដែរ​ ហើយ​​ប្រទេស​របស់​គាត់​កំពុង​ប្រឡូក​នៅ​ក្នុង​សង្គ្រាម​ផ្ទាល់​ជា​មួយ​រុស្ស៊ី​នោះ​តើ​គាត់​មាន​ចំណែក​ចូល​រួម​នៅ​ក្នុង​ការ​ចរចា​សន្តិ​ភាព​ដែរ​ឬ​ទេ​? លោក​ត្រាំ​មិន​បាន​ឆ្លើយ​តប​ដោយ​ផ្ទាល់​ទេ​។ លោក​និយាយ​ដោយ​ប្រយោល​ថា​​​អ្នក​កំពុង​សម្លឹង​មើល​ទឹក​ដី​ដែល​កើត​មាន​សង្គ្រាម​រយៈ​ពេល​បី​ឆ្នាំ​កន្លះ​មក​ហើយ​។ អ្នក​ដឹង​ទេ​ ជន​ជាតិ​រុស្ស៊ី​ស្លាប់​អស់​ជា​ច្រើន​។ ជន​ជាតិ​អ៊ុយ​ក្រែន​ស្លាប់​អស់​ជា​ច្រើន​។

ហេតុ​នេះ លោក​យល់​ថា​អ៊ុយក្រែន​ត្រូវ​បាន​ទឹក​ដី​ខ្លះ​ត្រឡប់​មក​វិញ​​ ហើយ​ត្រូវ​មាន​ការ​ដោះ​ដូរ​គ្នា​រវាង​រុស្ស៊ី និង​អ៊ុយ​ក្រែន​។ ​អ្នក​វិភាគ​មួយ​ចំនួន​រួម​ទាំង​អ្នក​ដែល​មាន​ទំនាក់​ទំនង​ជិត​ស្និទ្ធ​ជា​មួយ​វិមាន​ក្រឹម​ឡាំង​ផង​ដែរ​ធ្លាប់​បាន​លើក​ឡើង​ថា​រុស្ស៊ី​អាច​នឹង​ប្រគល់​ទឹក​ដី​មួយ​ចំនួន​ដែល​ខ្លួន​កំពុង​កាន់​កាប់​នៅ​ខាង​ក្រៅ​តំបន់​​​បួន​ដែល​ខ្លួន​បាន​ដាក់​បញ្ចូល​ទឹក​ដី​ខ្លួន​តាំង​ពីឆ្នាំ​២០២២​។ តំបន់​ទាំង​បួន​នោះ​គឺដូញែត​ ​លូហាន ខឺសុន និង​ហ្សាប៉ូរីហ្សៀ។

លោក​ត្រាំ​ប្រកាស​អំពី​គម្រោង​ជួប​គ្នា​ជា​មួយ​លោក​ពូទីន​ចំ​ពេល​ដែល​កង​ទ័ព​រុស្ស៊ី​បន្ត​វាយ​​សម្រុក​ទៅ​មុខ​ដោយ​សន្សឹម​ៗ​ចូល​ទៅ​ក្នុង​ទឹក​ដី​អ៊ុយ​ក្រែន​ដោយ​ពលី​ជីវិត​យុទ្ធ​ជន​ និង​បាត់​បង់​យុទ្ធោប​ករណ៍​ជា​ច្រើន។ ទន្ទឹម​នឹង​នោះ​ រុស្ស៊ី​បន្ត​វាយ​ប្រហារ​តាម​អាកាស​យ៉ាង​ខ្លាំង​ក្លា​ទៅ​លើ​ទី​ក្រុង​នានា​របស់​អ៊ុយ​ក្រែន​។ គេ​មិន​ទាន់​ដឹង​ថា​តើ​គម្រោង​ជួប​គ្នា​លើក​នេះ​នឹង​មាន​លទ្ធ​ផល​បែប​ណា​នៅ​ឡើយ​ទេ​ព្រោះ​រុស្ស៊ី និង​អ៊ុយ​ក្រែន​នៅ​មាន​ចំណុច​ខ្វែង​គំនិត​គ្នា​​ជា​ច្រើន​។ នេះ​បើ​យោង​តាម​ប្រភព​ពី​ញូស្វីក​ (Newsweek)​៕

អត្ថបទសរសេរ ដោយ

កែសម្រួលដោយ