ខេត្តបន្ទាយមានជ័យ ៖ ភាគីទាហានឈុតខ្មៅថៃបានបើកច្រកព្រំដែនខ្លងលឹករយៈពេល៣ម៉ោងមានពលរដ្ឋថៃចេញ៩០នាក់ និងពលរដ្ឋកម្ពុជាចូល៨០នាក់ កាលពីថ្ងៃទី៣១ ខែកក្តដា ឆ្នាំ២០២៥នៅច្រកទ្វារអន្តរជាតិប៉ោយប៉ែត។
ទាហានឈុតខ្មៅថៃបានបើកច្រកទ្វារខ្លោងលឹកថៃរយៈពេលតែ៣ម៉ោងគឺចាប់ពីម៉ោង១រសៀលដល់ម៉ោង៤ល្ងាចនៅពេលកម្ពុជាបិទដូចគ្នាដែលមានពលរដ្ឋថៃចេញពីកម្ពុជាមានចំនួន៩០នាក់ស្រី៣៣នាក់និងពលរដ្ឋកម្ពុជាចេញពីប្រទេសថៃចូលមកកម្ពុជាមានចំនួន៨០នាក់ស្រី៣៣នាក់។
គួររំលឹកថា៖កាលពីថ្ងៃទី២៩ ខែកក្តដា ឆ្នាំ២០២៥ទាហានឈុតខ្មៅថៃបានបិតច្រកទ្វារព្រំដែនខ្លោងលឹកថៃក្រោយកម្ពុជាបើកច្រកទ្វារអន្តរជាតិប៉ោយប៉ែតអោយពលរដ្ឋថៃចេញបានចំនួន៣៤នាក់ស្រី១៦នាក់និងពលរដ្ឋកម្ពុជាចូលមានចំនួន៦នាក់ស្រី៤នាក់។
នៅថ្ងៃទី៣០ ខែកក្តដា ឆ្នាំ២០២៥ទាហានឈុតខ្មៅថៃបានបើកច្រកទ្វារព្រំដែនខ្លោងលឹករយៈពេល៥ម៉ោងចាប់ពីម៉ោង១រសៀលដល់ម៉ោង៦ល្ងាចទើបបិតមានពលរដ្ឋថៃចេញមានចំនួន៣៣៦នាក់ស្រី៦៨នាក់ និងពលរដ្ឋកម្ពុជាចូលមានចំនួន២៤១នាក់ស្រី១០២នាក់។
ជាក់ស្តែងថ្ងៃទី៣១ ខែកក្តដា ឆ្នាំ២០២៥នេះភាគីទាហានថៃបានបើកច្រកទ្វារព្រំដែនខ្លោងលឹករយៈពេល៣ម៉ោងចាប់ពីម៉ោង១រសៀលដល់ម៉ោង៤ល្ងាចត្រូវបានបិតមានពលរដ្ឋថៃចេញចំនួន៩០នាក់ស្រី៣៣នាក់ ពលរដ្ឋកម្ពុជាចូលចំនួន៨០នាក់ស្រី៣៣នាក់។
គួរបញ្ជាក់ថា ៖ ភាគីថៃ ជាពិសេសទាហានឈុតខ្មៅបានបិទច្រកទ្វារព្រំដែនខ្លោងលឹកដែលឈមច្រកទ្វារអន្តរជាតិប៉ោយប៉ែត បិតបើកបរដោយឯកតោភាគី ហើយបិទបើកនិងបន្ធូរបន្ថយម៉ោងតាមតែអំពើចិត្ត៕
ចែករំលែកព័តមាននេះ