រាជធានីភ្នំពេញ ៖ និស្សិតចំនួន១៥០នាក់ ដែលមកពីបណ្តាសាកលវិទ្យាល័យនានាចំនួន១៨សាកលវិទ្យាល័យ ក្នុងទីក្រុងភ្នំពេញ បានអញ្ជើញចូលរួមនៅក្នុងសិក្ខាសាលាមួយស្តីពីគន្លឹះសំខាន់ ៗ ដើម្បីក្លាយខ្លួនទៅជាអ្នកមានដែលសិក្ខាសាលានេះ បានធ្វើឡើងកាលពីថ្ងៃទី៣ កក្កដា នៅមជ្ឈមណ្ឌលហ្វឹកហ្វឺនផ្នត់គំនិតអ្នកមាន។
រាជធានីភ្នំពេញ ៖ និស្សិតចំនួន១៥០នាក់ ដែលមកពីបណ្តាសាកលវិទ្យាល័យនានាចំនួន១៨សាកលវិទ្យាល័យ ក្នុងទីក្រុងភ្នំពេញ បានអញ្ជើញចូលរួមនៅក្នុងសិក្ខាសាលាមួយស្តីពីគន្លឹះសំខាន់ៗ ដើម្បីក្លាយខ្លួនទៅជាអ្នកមានដែលសិក្ខាសាលានេះ បានធ្វើឡើងកាលពីថ្ងៃទី៣ កក្កដា នៅមជ្ឈមណ្ឌលហ្វឹកហ្វឺនផ្នត់គំនិតអ្នកមាន។
លោកជួន ធូ នាយកមជ្ឈមណ្ឌលផ្នត់គំនិតអ្នកមានបាននិយាយថា សិក្ខាសាលានេះធ្វើឡើងក្នុងគោលបំណងផ្តល់ឱកាសឱ្យនិស្សិតបានស្វែងយល់អំពីវិធីសាស្ត្រដែលនាំឱ្យខ្លួនក្លាយទៅជាអ្នកមានតាមរយៈការផ្លាស់ប្តូរការគិតបែបថ្មីមួយដែលពួកគេមិនធ្លាប់ជួបប្រទះ ។ លោកជួន ធូ បញ្ជាក់ថា គន្លឹះសំខាន់ៗដើម្បីក្លាយខ្លួនទៅជាអ្នកមាននោះមានបី គឺទី១-ការកំណត់គោលដៅនៅក្នុងឆាកជីវិត គឺគោលដៅមួយដែលមានរយៈពេលវែង និងរយៈធម្យម ទី២-ការផ្លាស់ប្តូរការគិតពីអវិជ្ជមានមកជាការគិតបែបវិជ្ជមានវិញ ដែលធ្វើឱ្យគេទទួលបានការទំនាក់ទំនងបានល្អជាងមុន ទី៣-ស្គាល់ឱ្យច្បាស់នូវលំហូរសាច់ប្រាក់ មានន័យថា គឺយើងត្រូវចេះគ្រប់គ្រងចំណូលចំណាយផ្ទាល់ខ្លួនឱ្យបានត្រឹមត្រូវ ហើយនៅពេលដែលគេធ្វើការគ្រប់គ្រងហិរញ្ញវត្ថុបានត្រឹមត្រូវ ហើយគេពិតជាអាចចៀសផុតពីការជួបហានិភ័យ។
លោកជួន ធូ បានប្រៀបធៀបថា ការគិតប្រៀបដូចជាឫសឈើដែលចាក់គ្រឹះរឹងមាំនៅផ្នែកខាងក្នុង ហើយនៅពេលដែលគិតបានគ្រប់ជ្រុងជ្រោយហើយ គេនឹងទាញយកការគិតនោះមកខាងក្រៅ ដើម្បីអនុវត្តឱ្យចេញជាលទ្ធផលផ្លែផ្កា។ លោកជួន ធូ បានបន្តថា មជ្ឈមណ្ឌលហ្វឹកហ្វឺនផ្នត់គំនិតអ្នកមានបើបង្រៀនបែបនេះក្នុងមួយខែរយៈពេល៣សប្តាហ៍ គឺនៅសប្តាហ៍ទីមួយ បង្រៀនឥតបង់ប្រាក់ទេ តែសប្តាហ៍ទី២ និងទី៣គឺមានការបង់ប្រាក់ ៕
ចែករំលែកព័តមាននេះ