រាជធានីភ្នំពេញ ៖ ផ្ទះប្រជាពលរដ្ឋមួយខ្នង ស្ថិតនៅតាមបណ្ដោយអតីតផ្លូវរថភ្លើង ក្នុងភូមិក្រោលគោ សង្កាត់គីឡូម៉ែលេខ៦ ខណ្ឌឬស្សីកែវ ត្រូវបានអគ្គិភ័យឆាប់ឆេះផ្សែងហុយទ្រលោម ខណៈពេលដែលម្ចាស់ផ្ទះស្លទុកចោល ។…
រាជធានីភ្នំពេញ ៖ ផ្ទះប្រជាពលរដ្ឋមួយខ្នង ស្ថិតនៅតាមបណ្ដោយអតីតផ្លូវរថភ្លើង ក្នុងភូមិក្រោលគោ សង្កាត់គីឡូម៉ែលេខ៦ ខណ្ឌឬស្សីកែវ ត្រូវបានអគ្គិភ័យឆាប់ឆេះផ្សែងហុយទ្រលោម ខណៈពេលដែលម្ចាស់ផ្ទះស្លទុកចោល ។
ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង១០ព្រឹកថ្ងៃទី២ ខែមេសា ឆ្នាំ២០២៥ នេះ ដោយប្រជាពលរដ្ឋនិងអាជ្ញាធរមូលដ្ឋានបានចុះទៅជួយអន្តរាគមន៍បាញ់ពន្លត់ទាន់។ នេះចាត់ទុកជាសំណាងល្អ ដែលភ្លើងពុំឆេះរាលដាធ្ងន់ធ្ងរព្រោះតំបន់នោះជាផ្ទះឈើប្រក់ស័ង្កសីដែលសង់នៅជាប់ៗគ្នាងាយរងគ្រោះណាស់ ។
តាមព័ត៌មានបានឲ្យដឹងថា នៅមុនពេលកើតហេតុវាឃើញម្ចាស់ផ្ទះបានចាក់សោទុកចោលហើយគេឃើញផ្សែងហុយទ្រលោមចេញពីក្នុងផ្ទះបង្កឲ្យមានការភ្ញាក់ផ្អើលដល់ប្រជាពលរដ្ឋក្បែរខាងទាក់ទងទៅសមត្ថកិច្ច និងអាជ្ញាធរដើម្បីហៅរថយន្តមកជួយអន្តរាគមន៍បាញ់ពន្លត់។ ភ្លាមៗនោះ អាជ្ញាធរមូលដ្ឋានខណ្ឌឬស្សីកែវក៏បានចុះទៅអន្តរាគមន៍ដោយនាំគ្នាយកបំពង់ពន្លត់អគ្គិភ័យបាញ់ពន្លត់អស់ជាច្រើនបំពង់ហើយភ្លើងបានរលត់ទៅវិញ។
នៅក្នុងហេតុការណ៍នោះដែរ រថយន្តពន្លត់អគ្គិភ័យចំនួន១គ្រឿងបានទៅអន្តរាគមន៍ផងដែរ តែពុំបានបាញ់ពន្លត់នោះទេ ដោយសារតែប្រជាពលរដ្ឋនិងអាជ្ញាធរនាំគ្នាយកបំពង់ពន្លត់អគ្គិភ័យបាញ់ពន្លត់ទប់ស្កាត់ទាន់។
ទាក់ទិននឹងការកើតមានអគ្គិភ័យផ្សែងហុយទ្រលោមនេះត្រូវបាននគរបាលមូលដ្ឋានឲ្យដឹងថា បណ្ដាមកពីម្ចាស់ផ្ទះដាំស្លទុកចោលរហូតដល់ខ្លោចឆ្នាំងហុយទ្រលោមក្លាយជាអគ្គិភ័យ៕
ចែករំលែកព័តមាននេះ